醫生話好大機會要開刀生…我好想自然生…咁對BB健康會好d…
但係如果BB調唔到頭，照生會好危險，醫生唔會俾。
可能都仲有機會轉到嘅，多啲同BB傾下計，就算係開刀對BB都唔好差嘅，係媽媽回復會辛苦少少。
順其自然，轉到就轉，轉唔到也欣然接受
換個角度諗，生在現代有幸可以開刀，古代會難產
5個讚
私家定政府？
醫院有無得人手把胎位轉正？
半年前same case， 第２胎, ３７周２天人手轉唔到， 因血壓高， 變即時開刀
我第一胎全餐，當時真係即刻爆喊（因為好想順產）
但生完後，發覺開刀對bb健康真係無太大影響
所以無需要擔心呢
無論係用咩生產方式，最緊要係母子平安
祝一切順利
5個讚
我細女37先掉頭，38又轉返上嚟，39周穿水又落返去，所以仲有機會嘅。（雖然我個case 我少見因為應該唔夠位俾佢轉嚟轉去）
但我都做過哂research, 開刀會好過人手掉頭，因為佢有機會轉返上嚟、過程痛、有機會要即時開刀。
以上只係我少少嘅分享
BB會5會好大粒?
其實 BB 健康出世就足夠，唔係一定順產先對 BB 最好。如果真係未掉頭，最多開刀，唔好擔心咁多
2個讚
開刀應該唔會影響 BB 健康，反而係影響你健康有機會你康復得慢啲。不過依家醫學咁昌明又咁多營養補充劑畀產婦同 BB，開刀唔係問題。
每個媽咪想比最好bb,但其實開刀出世的bb唔等同唔健康.一樣可以開心健康成長.所以唔洗太執著.最重要係母子平安.
開刀對bb健康有幾差？
經過陰道出嚟接觸過陰道細菌先出世抵抗力好啲同好似冇咁易過敏
BB都有可能被陰道細菌感染發燒，一出世就而被迫送去兒科病房…
可以試下做yoga cat pose, yoga miss話有幫助的
你講B鏈定其他? B鏈 驗咗有會打藥嘅
要感恩依家科技發達,可以揀開刀 
媽媽唔好唔開心，其實開刀真係有開刀的好。
我2020年第一胎，政府生，都係胎位不正（從來無轉過頭
）。當時我好想順產，試埋體外轉胎但都唔得，最後都係要開刀。開刀後仔仔因為吸了少少羊水，住了幾日NICU，當時當然好擔心。
但回望覺得都係覺得好彩。個時疫情最嚴重，冇陪產冇笑氣，如果要試順產，老公係完全陪唔到我。而政府生完仔後要母嬰同室，我仔就因為上了NICU，令我反而有得好好專心休息了幾日。
清了羊水後我仔好健康，係退黃疸退耐了。好好彩係，食嘢冇敏感，皮膚好正常，病都唔多（佢本身返育嬰園，所以以為會狂病但又touch wood 冇咁的情況），而家快2歲，身體健康。
我的經驗令我覺得開刀定順產對小朋友健康影響唔大，胎位不正其實都無得比你試到順產，你唔駛太多憂慮，一切都自有安排。祝一切順利