小朋友兩歲, 死都唔肯戴口罩, 咩都試過, 例如:用毛公仔做示範, 唔戴就唔出街, 真係用晒所有方法, 依家PLAYGROUP老師話其他家長有微言 (咁我都好明白), 我應該點做好 
有冇成功經驗分享吓, 謝謝
亂brainstorm：買唔同款同公仔同size 嘅口罩？
1個讚
買唔同口罩試下？
屋企都試下戴口罩，戴到果陣勁讚佢叻呀乖呀，之後去街都要咁戴口罩。
1個讚
有買到唔同款, 都有佢鍾意嘅公仔, 佢似係唔鍾意有外來嘢封住綁住佢嗰隻, 因為佢天生成個野人咁
1個讚
你咁講, 我有諗要唔要屋企人都喺屋企戴埋一份
亂噏again，試下比佢戴勁鬆口罩，習慣下個感覺？
regarding 款，佢有冇話中意風琴定bra 樣多啲ga？
兩歳前完全無戴過口罩? 平時用 bb 面罩?
我反而覺得呢代 bb 好醒, 知道口罩 = 出街。我仔想出街 / 食完飯想出去行, 會要求戴口罩 
(好似以前 d bb 要求出街就拎鞋/袋)
5個讚
有聽人教過, 試下買d貼紙, 俾小朋友自己揀鍾意嘅貼係口罩上面
係, 真係好醒, 有時我哋出街時唔記得戴, 我仔仲會手指指提我哋 
1個讚
佢就係咩都唔鍾意, 但你咁講起, 佢戴風琴款好似冇咁忟憎
1個讚
出街戴面罩, 但都唔多出去, 就算出去, 只限於屋企樓下
調返轉頭, 試吓用口罩引佢出街都好噃, 街街去買雪糕, 街街去瀡梯梯之類
2個讚
wow 搵到線索喎！
咁佢真好唔鍾意箍住，一係試下大一個size 戴中童，鐵線都唔屈，就咁晾住喺耳仔同鼻？
1個讚
俾 d 小朋友帶口罩的相片佢，應該揀到有款啱佢
1個讚
好, 呢個禮拜內咩都試試, 因為實在係困擾, 佢兩歲又未肯講嘢, 健康院醫生SUGGEST返playgroup/N班, 但佢又唔肯戴口罩 
做唔好呢一步, 佢十月都唔駛旨意面試成功 
1個讚
我女歲幾 之前都唔肯戴
搵一日得閒幫佢戴口罩出街
佢一除就番屋企
戴番就出門口
重覆左好多次 佢依家就知道出街就要戴口罩
但你要搵一日得閒同佢玩
1個讚
搵一日做"全家口罩日"
試下zoom playgroup… 認真提議嚟… for 我小朋友怕醜內向type 有用，進步咗
1個讚
問下佢咩原因，黐住個嘴？耳仔拉住痛？呼吸辛苦，焗？唔靚？想用粉紅色，橙色定紫色？
要知咩原因先有辦法。
我果件就嫌焗，有毛等，只肯用指定牌子口罩，仲要自己選顏色。試過10個牌子都有
，都好彩試到佢覺得可以
唔好戴平面口罩，試下立體口罩，舒服好多，我2個仔女係除左疫情開始時唔肯戴之外，之後都乖乖地戴，仲知道唔戴冇得去街，講緊bb仔個時已經知
救X隻立體貓貓口罩幾舒服，我小朋友最鍾意戴呢隻，可以試吓