我有兩個小學生男仔，他們無法好好相處，總要我出面調停。
弟弟愛引人注意，愛講話，好動。喜歡和比他年紀大的人（父母哥哥）一齊玩。哥哥長期被弟弟滋擾，不勝其煩，總想避開弟弟。
哥哥去哪兒，弟弟就跟著，哥哥就發脾氣大罵，然後弟弟大哭。每幾小時就重覆這戲碼，結果輪到我不勝其煩，要大罵他們。
我現在教哥哥，你不想給弟弟跟，就自己躲在房間吧。弟弟不準入哥哥房。這個方法解決了3成問題。
但有時哥哥想去廳看電視。我教了哥哥說Stop，又教了弟弟聽到stop要停。但弟弟又只會停一半 ，然後用其他間接方法繼續煩擾哥哥，最後都要靠我介入分開。
更大問題是，我不在場時，他們無法處理爭端。例如學校小息，弟弟會不停追著哥哥。這已經變成半間學校都知的事。於是我規定弟弟不可以主動找哥哥，每日放學我就查問兄弟一次。情況好像稍為好點。
有次把兩個仔托給朋友兩小時，結果弟弟就咬到哥哥流血…
聽落你哋3個都好辛苦喎，我唔識俾意見，只想講聲加油，明天一定會比今天更好的。
大人小朋友也辛苦。
哥哥長期受滋擾，日日不勝其煩，所以唯有發脾氣、向你求助，但效果完全取決於弟弟是否聽話，他是被動的，自己解決不了問題、甚至因為要逃避弟弟而影響日常生活，情況好比有婆媳問題的新抱、為了避開奶奶，靜靜的留在房間裏。
媽媽亦解決不了問題，只是無間斷的喝罵，沒有追究弟弟作出這個行為的原因。弟弟有沒有甚麼行為上的問題？作為家長，你有沒有帶他見過心理輔導？弟弟是否在你們一家人的期盼下出世？哥哥在弟弟出世前有表示過高興及答應過會愛他和接納他嗎？
看你的描述，生事者是弟弟，你把所有問題都歸咎於他，你用高壓的手段去處理他的行為問題，日復一日，弟弟從此以後就在你們的喝罵聲下長大。
從文字上看不到爸爸的角色，只看到你沒有正視弟弟那尋求關愛及陪伴的需要。你要做的，是教導二人如何相處，你要制止弟弟傷害別人的身體，當他咬至別人流血時，除了罵之外，有沒有教他要有同理心？弟弟是否感受到媽媽的偏心而用錯的方式去吸引注意力？
不好意思，好像拋出了很多問題但沒有向你提供任何解決辦法，因為問題太複雜，要父母肯靜下來反思、反省、檢視自己一直以來的育兒方式，才可以梳理出應該如何走下一步。
有的，道理說了不少，罰了不少，道理佢都明。情況係有改善嘅（如上文講）不過佢改唔曬
見過好多，多到我數唔到…
剛出世時唔識搞人，無問題，哥哥甚至希望弟弟變返BB
幾年前唔係咁，當時係叫哥哥唔可以打弟弟。以前有工人，工人比較寵愛弟弟，無咩管佢。而家無工人，我就反省，以前對他不夠嚴。弟弟性格好樂天，成日笑。哥哥成日喊。
有的，比起好多其他家庭，爸爸參與很多。上面嘅嘢我都搵佢幫過手。上面嘅事有一半佢和我一齊做。
每次都有教的。當我教佢唔好用打嚟撩朋友玩，可以hi five代替時，連鄰居都話我「我已經第3次聽到你講呢番說話了，辛苦曬」
我知而家疫情難有興趣班，可以嘅話，幫弟弟報啲興趣班，例如畫畫，運動，電腦…咩都好，可以俾弟弟識多啲其他人，亦有時間同哥哥分開吓，等大家都可以抖吓氣
弟弟學校社交有沒有問題？試吓每次弟弟找亞哥叫亞哥同佢講功課，講溫書講一啲弟弟唔喜歡嘅嘢…
有，我移咗民，成日報興趣班。
之前為方便接送報同一個班，兩個成日爭執。後來學識要報唔同嘅班，情況就好咗啲。
兩個社交都有唔同嘅問題。
弟弟好熱情，成日好開心衝埋去小朋友，玩得粗魯 ，小朋友都怕怕地佢。
亞哥每次都唔睬佢，或者罵佢。但因為哥哥同佢共處一屋，係最易搵到嘅目標，所以弟弟會搵哥哥。
當然弟弟都會搵父母，我哋兩個同樣都怕咗佢嘅煩 ，唯有大家分工陪下佢，同埋儘量安排task俾佢。
弟弟幾多歲？
已經移咗民嘅話，我建議你幫弟弟報多啲運動班，例如足球，籃球，網球。我見你嘅形容，弟弟好動熱情多精力，報運動班一來可以消耗佢啲精力，二來群體運動要學識規矩，守則。教練導師有佢哋嘅訓練方法幫到小朋友
弟弟會唔會有SEN,例如過度活躍/自閉症特徵
如果都冇,就應該係要調教一吓教育方式
重覆舊嘅方法只會得到舊的結果
你唔介意找輔導,可以keep住搵個啱你地嘅play therapy,冇得心急,有時可能要見一年以上先有好轉
希望你唔好介意，可能你細仔都有啲社交困難。佢好似我大仔。
好似樓上講，俾佢參加多啲團體運動，每日又去公園做運動放電，放電後制造麻煩機會會低啲。。之前放假我同大仔試過每日to do list, 其中一樣係要自己玩20分鐘,我哋都買咗啲可以自己玩既玩具俾佢。如果佢做到幾個目標，咁就有啲獎勵。幫佢建立下獨處既習慣。
湊男仔唔容易，抱抱媽媽
見到樓主你嘅用心。睇左輔導有冇咩意見比到你？因為如果有懷疑，GP會轉介去兒科，由兒科診斷有冇問題，如果有，再轉介去相關therapy。
純粹縱壞同有行為問題係好唔同，要搞清楚先得。
過度活躍就唔係，因為佢可以好專心彈琴，做功課。
好幾年前之前驗到過輕微嘅自閉症系譜，做過治療，做到治療師覺得佢無曬病徵。
我都覺舊方法有問題，真係要調下，不過唔肯定點調好…
去到外國後嘗試搵過therapy ，不過外國唔當咁輕微嘅情況係病（一嚟學校壓力細，輕微會變咗無問題；二嚟有好多更嚴重嘅case佢地都未處理得切）
而家唯有我接受therapy 
我睇緊心理輔導
呢個提議都幾好。佢放電個排的確會好咗。
可能再放多啲就得
都有考慮過。不過佢情況太輕微（大家睇上面嘅文字好似好嚴重咁 ，但幾年前情況係嚴重好多，我而家覺得已經好感恩），所以我猜GP唔會理我
你移咗民，唔使擔心功課，學樓上話齋，俾佢參加唔同嘅運動，無興趣班嗰日同爸爸輪流帶佢放電到沖涼食飯先返屋企。
同時唔好忽略大仔，細佬去興趣班嗰日帶佢去玩下，或者早d 接走大仔細佬留喺學校同其他小朋友玩等佢無得追住哥哥。
好。聽大家講，我諗大致都係呢個方向。謝謝大家