2020年尾開始備孕，到而家未中，今年年頭失業，停左一輪, 岩岩返新工,份合約無寫有關產假
我今年都37啦，係咪應該等試用期先再開工計劃生仔？
如果咁好彩未過試用期就中咗，比新僱主知道都唔知點稔
但係我已經高齡真系好矛盾
我哋做過曬檢查, 老公同我一切正常,但之前我唔常做功課都同我一直未中有關
我估佢應該好開心你未過既
時間唔等人，37 歲已經係高齡，年紀越大越難有 BB。可以繼續試，如果 bingo 咗等試用期過咗先通知公司。法例冇規定懷孕後要幾時通知公司
4個讚
你咪睇下到生之前要做夠幾多日有產假，應該都係差1，2個月，計計條數～
生仔大過份工，除非冇左產假生活會成問題啦。
認真已經高齡真係唔好等。同埋唔係你話一備就即刻有。我就係諗住生所以一直唔轉工，已經2年都仲未中。。。
我果時返咗新工嘅一個月後有咗
其實果下都好1516
覺得唔好意思，返新工就話要放假
後來我無有薪產假，就索性resign
不過我係你，會以自己嘅將來作依歸
因為時間唔等人
工幾時都有得返，生仔唔係話生就生，有咗就放無薪假/辭職，除非去到手停口停嘅地步
1個讚
我之前一直都係咁，唔敢轉
仲要有同事睇我一副中女樣,結婚幾年未生仔
問我有否打算生,我唔敢講真話
除非你唔係好在意生唔生，否則你會知點做
有朋友公司試過，個新同事interview果陣冇提自己有左（當然佢有權咁做），而HR又睇唔出佢個肚。
到一輪training 完左（講緊都成個月），去佢office 返工果陣先同上司講已經有左六個月，淨係可以俾light duty佢做。interview 果陣大約已經有左三四個月，但係都唔見肚。而佢公司差唔多係鐵飯碗咁濟，唔會炒人，褔利又好。就算冇有薪產假，生完返來呢份工仲等佢做都已經有佢著數。
另一個FD就係大機構高層，跳槽時已經有左。雖然都係放無薪產假，但係新公司唔介意佢返左幾個月就放產假 ，放完照常返工。當然都聽過有啲係一放完個無薪產假就炒鬼左，因為公司可能係放假果陣已經請多替工。
你有左唔洗即刻同人講，你睇下你公司/老細似唔似咁需要你，加上你經濟狀況，係咪咁需要錢。最差你咪預左放完產假就冇左份工囉，但起碼都收到幾個月糧先啦。不過陀陀下好攰唔想返又係另一回事啦。
睇下你覺得邊樣重要D, 工冇左生完可以再搵, BB唔係咁易有
最多咪放無薪產假，時間唔等人呀
公司請新人之前唔洗驗身？
我之前係某間院校做文職（低級），
返工前要去指定診所驗身，
記得要填表，就算填未婚，
護士會問有冇性經驗同懷孕，
之後見醫生！
梗係繼續備啦, 仲要積極D添!
你話大左肚特登呃人扮冇大肚就話可能唔好姐…(人地少左時間安排人手)
同埋就算而家你有左,
陀穩再同老細講佢都有好多時間安排人手呀,
請得依個歲數又未生過都預左隨時有BB架 
,
HR很有經驗架啦,安心啦
公司可以點諗…斷古都唔會係特登揀呃無薪產假啦…都冇錢…
最多米諗, 哎呀,又要重新安排人手!(如果咁都搞唔黎唔好做管理層喇 )
生老病死好平常, 管理層應該有自己一套應對方案,
每間公司都有佢社會責任,
你唔洗太大壓力怕唔好意思
1個讚
係呀，我真係怕所以hold住咗個計劃
好，重新再嚟過先，
唔洗諗佢點諗
因為產假問題，會過左probation先