想買部麵包機，好似幾好玩，見人地話買就要買p仔，唔係會後悔，但p仔都唔平，又驚自己3分鐘熱度，加上而家買面包咁方便，而且買料成本都貴，想整唔同包又要買唔同材料，之前都有玩過下烘焙，有d材料整左次就無用，結果擺到過期好浪費，想問下大家有咩驅使自己會長用麵包機？好味d?健康d?好怕自己買左之後又唔用。另外想問如果買左麵包機，係咪無必要買廚師機？
除非你真係有興趣同時間，如果唔係，唔好買，隨時多件垃圾
2個讚
買最平個部104夠用架啦
健康啲，有小朋友嘅話一齊整又開心啲，仲可以打麵團自己做型焗
我無廚師機，朋友有，有次佢地提過有麵包機後就少用廚師機
我係有d興趣，但無咩時間囉
我都諗緊要買一係買最平就算，雖然最貴果部多d功能同聽講好食少少係有d吸引，但驚買左唔用更肉赤
咁如果104有時佢無果樣內置食譜，係咪都可以自訂去整？
用左五年、隔幾日就整一次方包。
仲會用嚟整烏冬、Pizza皮
好方便
1個讚
我有104同P1002, 賣左104為左so called好味啲同多款啲而買P1002, 但其實最後好少用，味道無分別
1個讚
我反而係買左廚師機就放棄麵包機。睇你係唔係鐘意煮野食，同我細女都鐘意整，所以我哋隔幾日就開機整麵包、蛋糕等
要有位擺
如果冇位擺次次要用都翻箱倒籠咁搬出嚟就好快冇癮 
我大概一個禮拜整一次包做早餐，放假得閒就整造型包
我個人鍾意用廚房機多過麵包機，我極少整方包，幸好無買貴嘢，否則後悔死
1個讚
無焗爐所以買咗買包機，掉哂材料落去就等收包，非常方便，出面啲包太多添加劑又空氣包，好食嘅包又貴，不如自己整好過
近來瘋狂整黑糖包，形狀雖然係方包不過無損佢嘅味道，自從整過一次方包比奶奶，佢久唔久就落order叫我整
2個讚
屋企有無姐姐？我就交咗俾姐姐用，小朋友有健康早餐食
閒時會用佢搓麵團，整造型麵包
P仔真係無得輸，用過其他牌子整出嚟麵包真係打折頭，同埋好襟用，貴得嚟都值
1個讚
都鍾意同個女一齊整，不過係少時間，廚師機都有諗過，但怕自己更懶得去用，所以想試麵包機先，真係有心機，想整多d花款先考慮廚師機
係，收埋左我一定懶拎出黎用，所以我點都會執個位擺
我感覺自己整俾小朋友好似健康d，又可以揀靚d既麵粉，但我係懶的，所以就想買部麵包機，希望自己唔會懶到連麵包機都懶得用
所以如果買，我都覺得panasonic 穩陣d，至少做出黎成功又好食就少d機會打入冷宮
試吓搵二手，
1個讚
樓主搵二手的話留意個盤有無花， 花左係對人體有害
3個讚
懶就啱哂啦，放材料唔洗十分鐘就完成，p仔有酵母格可以預約整包，臨瞓前放好哂材料，第二朝就有熱辣辣包食
1個讚