不少家長都為小朋友移民， 原因不外乎為小朋友未來，少d 壓力。但繼續在港升學的就好似覺得無問題， 小朋友一樣開心。 家長們應該考慮什麼要素決定去留？ 申：k1家長
1個讚
小朋友初中，眼見學生俾政府玩到氹氹轉，課程改晒，洗腦教育多過德育教育，再加上大量老師流失，大陸老師填補空缺，所以走
但，唔代表移民喎
1個讚
呢個應該唔係理由。
如果因為呢個理由，唔應該移民
在外國適應都係壓力。
我身邊移咗民嘅朋友，暫時無人因為呢個理由而走。大家都係因為自己喺香港唔開心，擔心小朋友將來都咁唔開心，而唔係因為讀書壓力。
如果係香港開心，就唔洗走
7個讚
明白的， 所以說為了小朋友未來， 而壓力亦不是單單說來自讀書壓力。
不竟海外升學的原因聽過不少，反而想知留港升學的家長著眼點又是如何。
留係香港理由又好簡單，無特別就留喺香港，唔需要咩理由。
特別可以提下嘅，係父母想移民，但唔走嘅，就係因為錢，長者。好少和小朋友有關。
另外識人想走，但想等埋小朋友考完dse / 讀完大學先走
2個讚
簡單直接的。。。有錢就走，無錢就留
6個讚
又啱喎，呢個真係最重要理由。
不過諗咗陣，覺得樓主個問題有啲怪。
一般係問「什麼驅使大家繼續留港」，
但樓主強調「升學」。
留港理由有好多，大家都講過：錢，長輩，工，唔捨得…
咁既然留咗喺香港，就自然會留港升學。
啱， 有少少錢嘅就走，無錢又無bno 嘅咪留囉，同啲盲毛藍絲一齊留低磨爛蓆，無錢真係乜都使諗，唔好話移民，簡單啲連外國升學都唔使諗，除非好叻有獎學金
2個讚
有獎學金又點？如果連passport 都冇，就算送埋八兩金都飛唔到
傻啦，遲啲有錢都走唔到呀。
因為錢
唔放心小朋友一個在外，但又冇錢可以一齊在外 
1個讚
呢樣真
無錯，越細既小朋友越無say. 雖然問大人點解要移民一定搬個小朋友出黎做表面原因，但拎黎講ga ja, 唔通真係話你知我好驚國安呀，好驚走唔到呀，好驚有機會被捕呀，呢d原因熟人都未必攤出黎講啦。
回樓主，最正路諗法應該係仔女用左好多effort入神校，又買大細咁搏間神校可以不受影響，同時自己既收入非常secure, 又不被影響，咁就繼續升學lor.
4個讚
同埋佢覺得神校係直到永遠，前幾日先見到某名校Facebook 出post 收插班生。繼續香港升學嘅可能仲相信港大、中大世界上有一定排名。
我覺得去到中學都好忟水，呢家香港既大學都唔敢諗
又，讀得要比錢既神校，通常去到咁上下d細路就出國讀書，所以呢家學校要升呢做神校，除左dse都offer埋其他升學試如ib, gcse, 無呢d d家長會睇唔上眼。
1個讚
我屋企一直都係香港，完
點解走
因為我走左，先會問一樣走左嘅人
點解留我連最熟嘅朋友都唔敢問
只係諗到 : 唔夠時間攞永居，大學四萬七，外國幾十萬一年
好多方面行量. 覺得遲d 送外國便可以
唔知點解要成家連大連細都走, 乜都唔留底
(我覺得係甘咋)
諗到多啲：
想小朋友學好中文。
有呢個諗法嘅，就會讀完小學先走。
想小朋友去大灣區發展。
咁就留喺香港，大個去中國升學
SEN。
英國SEN位都好難排 如果香港已經排到，就未必去英國。
又，如果大過5歲，母語已經係廣東話，好難用英文support sen
仔女已經高中，唔想走。
咁大個，格硬迫無好結果。
1個讚