請問有無人成個孕期都無驚無險？
無啡無紅
第1次照心跳過關
頸皮n21又順利
結構又無問題
所有野都順順利利？
2個讚
兩胎都無你以上提及的情況
但個時睇BK成日自己嚇自己
1個讚
生咗2個都係你所講嘅無驚無險
大致上都無驚無險，係照結構時有點不確定叫我再照多次就自己嚇自己。
第一胎非常順利，除左勁攰完全冇野，仲要剛有個時去左2個星期旅行，返來第二日就去做oscar，幾驚佢冇左心跳
三胎都無驚無險，超級順利。
我想講你知，就算係咁，都阻止唔到賀爾蒙影響，成日擔心呢樣果樣
做人媽媽丫嘛，咩都擔心一輪好正常
2個讚
只係初期試過好少嘅流啡，6-7個月健康院話肚細，但檢查完話 bb中size，最驚險係足月時發現bb size跌到落marginal，要即刻催生，如願以償順產唔洗食全餐，最後bb出世唔夠5磅，但都唔洗瞓箱，我已經覺得叫做無驚無險架啦
2 胎都試過 7-8 週流一次啡，嚇到即刻去婦科醫生檢查，好彩冇事。之後成個孕期無驚無險，照 Oscar、結構同產檢一切順利。12 週後食得瞓得，行得走得，到生都冇腳腫，陀得好舒服。我本身瘦底，只係肥咗 15-20 磅，慶幸 2 個 bb 足月足磅出世
一切順利，仲要高齡加高bmi
1個讚
大部分應該無問題掛
有驚無險就有
流血流到27週，係街暈過幾次
你所講既都冇，作嘔都無，但係初期照到胎盤低左小小，有肌瘤，中期個肚有濕疹，好痕
頭三個月內街唔小心PK左一次, 嚇到去睇醫生, 醫生仲問我點PK法…我話咁樣衰唔想形容比佢知
諗番其實好小事, 你唔問我都唔記得左呢單野
大肚咁耐只係嘔一次咁大把,其他都無乜野,樣樣都順利.
第一胎：初期流啡兩個星期，32周宮頸短入院打強肺針。最後冇事冇幹39周出世。
第二胎：34周見紅入院訓左3日，咩事都冇就求醫生放我走。過一星期覆診變左蛋白尿2+，要再覆診。
結果第二日去健康院BB心跳太快，又俾人掟左入院。係醫院好無辜咁飲埋糖水。因為蛋白尿就叫我37周返去催生。37周入院又話冇野，唔催生住，下星期返門診覆診。
果兩日我心情幾忐忑呀，個個醫生都叫我自己決定催唔催生，最後個大醫生一野ban左叫我返去。結果38周急產順產，好彩冇催生，因為BB 38周都唔係好大隻。
我記得陀第 1 胎3-4 個月時，入房踩到篤狗尿，個人跣一跣，好彩即刻捉實房門手柄先冇跌，嚇死我。以後入房出廳要開燈望清楚先敢行
我個陣喺樓梯度瞓住咁跣咗幾級，之後去睇醫生先知有咗5wk ，之後流啡流到10wk，嚇死我
所有都順利，希望你都一樣順利
我連嘔都冇，朋友都覺得非常奇怪
但其實個個人唔同
兩胎去到6-7個月話臍帶纏頸, 圍三圈, 所以都會留意多D佢哋嘅郁動, 間唔中FEEL吓, 輕輕拍吓佢
你講起我先醒起, 細女40W個日都未育出黎, 即日睇私家照到纏頸三圈, 之前一直無纏頸架
醫生寫紙俾我入院. 當晚催生生左.
大仔就臨生先黎胎水少, 又係催生
1.照閃閃之前維持左一星期中量淺啡分泌物。
2.照完結構之後第二朝突然流啡！
兩次我都冇特別睇醫生，自己觀察。
第一次有諗過如果再流得明顯啲嘅啡先睇醫生。
第二次啡真係好明顯多，但當時覺得唔係鮮血，我子宮又冇收縮，冇乜唔舒服，尤其已經照左結構，又有胎動，就自己觀察住啡嘅情況。當日流足全日啡，然後第二日就冇。
不過後尾覆診時醫生有叫我應該即刻去睇醫生