話說，我以前係做Receptionist, 2月個時被炒之後，開始想搵D 關於Admin Assistant 嘅工，上星期終於有新工返，好期待，但點知份工根本就唔似做Admin, 雖然都有聽下電話，幫老闆寫行程表沖下茶，連佢send 畀客嘅email 都係我(秘書個份都做埋)
但成件事個感覺反而似係做Data Entry,。 每一個鐘都要將公司E-mail Print 出嚟，核對返個e-mail跟邊個project, 入返D 資料再交畀老闆，再派返比同事~ 同事做完D proposal 又係我去執排版, 執佢地有無漏嘢，又要不停重覆入唔同Project 嘅資料，我根本唔覺得自己係做admin, paper work 多到似做緊資料輸入員。
最好笑係初時in 嘅時候又話好多年輕人，擔心我會介意，我仲諗住咁應該好有活力好開心呀點會介意。點知原來間公司慘過去咗老人科病房，靜到無人講嘢，只係聽到部冷氣機摩打聲。無人會用自己部電腦上網，食飯唔會叫一唔一齊。部電腦一開Chrome 就係老闆個行程表，搞到我有休息時間都唔敢上網，咩都要偷偷地用手機做。真係唔好講F5 Mirror 演唱會飛，我連F5 自己個Facebook 都好似做賊咁款……
早幾日in 另一間公司，請Admin Clerk, 本身間公司個行業自己都有興趣，但點知對方HR 一嚟就話8成時間都係打單，2成時間先係做admin, 我心入面立即灰晒，你8成時間係做打單，點解唔係請打單文員，而係要話自己係做Admin? 到底係我見工見得少，定係呢個post 真係一定要撈埋其他職位一齊做﹖
(Admin+HR/秘書 一齊做我覺得係無問題嘅，但點解係要變成撈埋其他唔關事嘅職位一齊做呢﹖)
公司慳錢緊係想請一個人但做最多嘅嘢
做得開心就繼續，唔開心就拜拜。
4個讚
好同意
希望樓主唔好介意
我會覺得 “admin” 係一個百搭d 同概括d 既字眼
所有非專業技術性/ 文員可以做既task 都可以歸類 “admin” 
或者樓主可唔可以講下你expect 既"admin assistant" 有咩job duties 呢?
4個讚
其實搵工唔會只係睇job title
Interview嘅時候應該會講清楚job duties
唔啱就唔好嘥時間
Admin範疇可以好廣
好似我做過嘅公司 幾乎每個dept都有幾個admin
負責返自己dept嘅文書工作
有時大project又會講temp admin
所以我覺得你嘅工作又唔係名不符實 
定你想淨係做 “office admin”?
類似幫手訂文具 pantry用品 安排公司車等嘅工作？
1個讚
Admin 嚟講就緊係維持間公司運作，我以前做Receptionist, 沖下茶畀D 客/老闆就一定，訂水訂文具訂雜物訂卡片，速遞郵件收派，去下銀行排隊去下其他公司交文件都好正常，文件入File 呢D 都一定會做，影印機有事同廁所爆水喉都應該係我做，有時連HR 都做埋計假計邊個返工遲到都好應該，打爆Hotline 都係我都好應該，有時忙起上嚟係可以好忙。
但我返成個星期工，從來無人話我知文具櫃係邊，要點訂貨，我連Printer Toner 同A4紙係邊都唔知, 一星期都無3件速遞收派，連水都唔駛我訂。我除咗每一個鐘on time 交E-mail 同入Data之外，我睇唔到我邊忽做緊Admin嘢。
Job Duites 嘅嘢係有做，但真係得1成咁少。
其實我都明，無人做嘅嘢，Admin做係好正常。但間公司無人傾計無交流，無人會用自己電腦上網做私人嘢(連Lunch TIme 都係咁)，靜到鬼行過都聽到，我反而想知到底出面其他公司係未都係咁靜，好痴線。
Job Duites 係寫Office Admin 要做嘅嘢，但依家做落似不停入Data + 幫老闆/同事Send E-mail 畀Client.
我開始睇唔透自己係做緊Admin 定Data Entry.
都係，其實公司文化真係好緊要，以前間公司雖然真係好嘈，女同事之間又真係成日好多是非，但起碼都會表面上同你傾吓計，講下D 無聊嘢 (雖然有時忙起上嚟真係唔想答)。
依家呢到我已經好主動咁同大家Say Hi, 但好似大家都唔想同我講嘢咁，好似好驚我……
你個漏水Case 好應該搵Admin (即係我呢D 小薯) 去搵人處理~ 
以前份工就真係要搵文具公司送貨，
依家呢份工唔好話訂文具，我連D 文具擺係邊都要問，真係各自為政……
(請個Admin 返嚟但唔話我知文具櫃係邊都真係R晒頭~)
個重點就係"各家自掃門前雪"
當時個事主唔知係去左開會定去左邊
行開左好耐
我都以為佢附近位可能有人搵左admin 啦
點知事主番位發現時佢地先有反應
我大約明白你感覺
d 同事行過連招呼都唔會打咁
真正無言
以前我間公司呢方面真係做得好足，每個人去完廁所發現無廁所水都會行出嚟同我講
但依家呢到真係個個好似啞咗咁，試過有一日老闆唔係到，我隔離個同事又唔係到，我只係聽到後面個部冷氣機摩打聲幾有節奏咁開下停下…… 好想知其他公司係未都係咁，到底係點樣捱過個一日……
就咁睇, 我覺得呢D就係admin工作
間間公司文化唔同
或者佢地覺得請你返來唔係想你處理文具呢類呢種admin, 只係需要你主力做好data entry呢方面嘅admin
2個讚
樓主係咪好細個?
其實title只係名一個，實際叫乜都要做，一間公司仔其實邊有咁多admin野你做，咁一定係兼任其他工作，或者得閑先兼任admin工作，所以問job duties先係實際，而事實上好多文職工作都係乜都要做，reception係你出貨係你打單係你可能出糧都係你
3個讚
tilty
13
我反而覺得你而家做緊嘅嘢幾好呀
可以話自己係project admin, oversee 其他同事嘅進度，幫佢地review份proposal
相對於office admin/receptionist嚟講係一個career advancement
唔係訂文具收下件咁簡單
下一份工interview 嘅時候包裝下可以講成一個好重要， value adding 嘅role
除非你好鍾意做訂文具嗰d 嘢啦 
至於公司文化
我覺得唔用公司機做自己嘢好正常
冇人講嘢嘅問題係奇怪d, 不過俾d 時間大家同你混熟應該會好d?
聽落樓主係outgoing 人，可能間office 就係等緊你去帶動氣氛
6個讚
好多公司要慳錢，要同事身兼多職，唔清唔楚
下次見工問清楚工作範圍
過左PROBAT未? 唔鍾意就搵過份啦
1個讚
如果你想做只負責office既admin工作，如公司維修，訂文具枱櫈等等，建議你搵大公司既admin dept既職位，大公司既JD分工細d，中小型公司呢d位通常都係打雜
3個讚
啱，其實admin 根本係一個大打雜，乜都要做，樓主真係太年輕了，佢講嗰啲嘢，喺admin 做一啲都唔出奇，另外正常嚟講其實返工真係唔好用公司電腦上任何唔關公事嘅網同做私人嘢，比老闆check 到就麻煩了，同埋其實好多office 都係靜到飛起，個個只會做自己嘢，同事間無乜交流的。
1個讚
唔出聲又真係好怪，同好唔舒服。通常都係因為老細好拘束先會係咁
我做過幾間公司，間間都好靜，當然啦，打招呼，問嘢答嘢嗰啲係有嘅，吹水都係非常細聲咁講兩句，但一定唔會同同事大大聲吹水，尤其老闆係office 嘅時候
我都想講，公司請你返來唔係俾你㩒mirror演唱會飛，亦唔係俾你係公司做私人野，更加唔係請你返來識朋友柴娃娃咁吹水
其實唔出聲都幾好，專心工作，費事工作時間吹水吹到冇哂時間，做唔切野要ot
1個讚