咪係囉 錢又幫唔到，仔又唔識教 教到嫖賭吹都齊，呢老爺奶奶當作不存在，個孫都唔關佢地事，叫佢教好個仔學識做返個人先黎講係佢地粒孫啦
7個讚
同意，樓主一定要同男家完全斷絕來往/關係，如果唔係肯定有排煩
1個讚
綜援未離婚既話應該要批埋俾你老公,你老公玩野既話,你都有排煩…
先離婚再申請啦,同埋要bb果份好似出左世之後先會批架…
你老公吸毒,你報警一拉佢驗血就知啦
1個讚
我係過來人,呢d計時炸彈呀爸無好過有!!!
同意，出世紙唔好落爸爸名
醫院出院文件可以用來做出世紙，要keep好
唔好通知佢幾時生，房號都唔使俾佢知 ，做左媽媽就為母則強，自己處理
3個讚
明白 本身都打算bb係跟我姓
再睇埋大家既留言
我覺得落爸爸名係弊多於利
決定唔會落佢名
5個讚
佢地成日話自己問心無愧
不過就算有心教都要方法岩 唔係死用力就得
我亦都同佢講 你地呢家要做既唔係叫我比啲時間佢 繼續縱容佢
係要叫佢個仔檢討下自己做緊啲咩先
而唔係走黎blame the victim 話我唔容忍佢就係我錯 唔諗bb將來冇左爸爸有幾慘
呢兩日奶奶都有不斷叫我諗清楚 繼續幫佢個仔講好說話 我直頭覆都廢事
既然咩支持都比唔到 我都冇需要再同佢地講咁多
我覺得預期相信佢會浪子回頭 不如相信自己同bb會變得更好
6個讚
法律同社會福利個啲野我都唔係好清楚 但今日會去社署到問下社工先！
老實講我都唔想再浪費一秒時間同呢個人糾纏 佢要折墮係佢既事 教仔呢啲留返比佢父母做啦 寧願將心機時間諗下點過好未來既日子
6個讚
支持你, 點都好, 唔好再理呢個男人
對自己好D
事實有手尾跟
我聽過未戒奶嘅bb係唔使爭撫養權一定跟媽媽（食母乳）何況未出世，雖然係咁不過都要快啲速戰速決重過新生。
證明文件
如嬰兒為婚生子女，只須嬰兒的父親或母親前往辦理出生登記，並須攜帶下列文件正本：
(甲) 父母結婚證書（如結婚證書不是以中文或英文書寫，必須遞交該證書的核證翻譯本）；及
(乙) (一) 父母香港永久性居民身份證（適用於香港永久性居民）；或
(二) 父母香港身份證及有效旅行證件（例如：護照、簽證身份書等） （適用於香港居民）；或
(三) 父母抵港時的旅行證件（例如：護照、往來港澳通行證等）（適用於非香港居民）。
上述的文件通常可作為核實嬰兒根據《入境條例》（第１１５章）下的香港特別行政區永久性居民身份。
留意返申請出世紙方面，因為結左婚，所以只要有父母身份證同埋結婚證書就可以申請。醫院應該會係BB出世後直接將資料交俾入境署，所以父母冇其他醫院文件要拎去。
樓主唔好俾爸爸知道BB出左世同埋keep好自己身份證、護照同結婚證應該OK。同埋一出院就上網約左期搞出世紙先，可以預先入定資料架。
辛苦你了，真係斷哂個邊所有聯絡先保護到你同BB，話比個3000蚊你一個月夠D乜，綜援都唔止啦，你呢個情況社工D絕對會非常快咁幫你，湊小朋友會辛苦D，但係無嘢緊要過比個安全環境個小朋友。我老公都係99單親湊大，佢哋兩兄弟都過得非常好，唔係富裕但係有愛已經好足夠。
1個讚