認識老公個陣佢有吸毒習慣
一齊左之後佢就戒左 有睇精神科醫生同食緊藥
但結婚後立即打回原形 更加變本加厲
呢家我有左6個幾月bb
但佢有嚴重情緒問題及言語暴力（暴力、恐嚇、收埋我啲野）
亦都冇履行過丈夫責任 日日出去玩唔比家用
甚至對我不忠 帶女人返屋企
搞到我失眠及經常發惡夢
最後頂唔順搬左返娘家住
呢家只係結婚兩個月
我知道等夠一年再共同申請離婚隨時仲快
但因為對方經常出異反異
一時肯離婚一時又唔肯離
我驚夠分居一年佢又唔肯簽紙 到時又要拖多年
呢家佢有錢但唔肯比一分一毫我
而我本身只係返緊part time
懷孕後期開始腰痛 個人又容易攰
而產後半年我都要休息及照顧bb
呢段時間係返唔到工同時都唔會有收入
仲有返工個陣老爺奶奶話好樂意支持我經濟
但個陣時我諗住有返工夠錢用就話唔需要住
到真係問佢地要錢就耍手擰頭
唔再打算旨意佢地一家人了
所以希望呢一年半載申請單親綜援
可以返工就再申請在職家庭津貼等
但未入紙/未離婚相信應該乜資助都申請唔到
所以都想盡快解決 脫離佢地過新生活
上網睇過結婚要滿一年先可以離婚
除非得到法院批准
咁請問我呢啲情況我可以早啲單方面申請離婚嗎？
唔理係咪可以即時離婚，肯定地必須要堅持離婚，千萬不要回頭
如果可以。。。。（對不起）BB都唔生 （唔好打頭）
18個讚
有的 但娘家經濟上都幫唔到啲咩
生左之後佢地可以幫我湊到b
等我可以返工賺錢已經好感激了
而且我盡量都唔想佢地擔心
我好堅持要離 初初老爺奶奶同老公都話離婚對個bb既傷害好大 但呢啲爸爸真係冇好過有 生理、心靈、經濟上都比唔到我地支持 我仲要成日擔驚受怕 所以我都想快啲脫離 其實我都好自責帶佢黎呢個世界 呢家生佢出黎好似要佢受苦咁 我唔介意再辛苦去捱比最好既佢 但冇左爸爸就係冇左爸爸
3個讚
好簡單
no money no talk
BB 佢地養得起咩?
你需要錢時佢地成家一個仙都唔肯俾
不知所謂
樓主加油
將來你條路應該唔易行
法律既野我唔識
可唔可以搵社工幫手?
1個讚
以佢咁嘅情況，我相信正常嘅官都會批你地立即離婚 （不過我都係用常理去推斷）
同埋樓主會唔會考慮搵下果啲社工 https://www.socialcareer.org/blogs/7-violence-helpline-for-women
我都係就咁Google search, 我諗有哩啲人介入，會對你申請離婚易啲
6個讚
其實分居同離婚都係分開, 咁status上應該唔會影響到你, 唔洗急嫁喎. (唔知我呢個唸法啱唔啱)
我接受唔到另一半係吸毒, 更加唔想個小朋友有個吸毒的爸爸, 寧願無爸爸. 希望你盡快離開呢個人.
7個讚
初初其實冇打算生落黎
但老爺奶奶信仰問題好希望我生
又買好多supplement 有機野食比我
個陣未結婚老公都未變成咁
呢家其實日日都好不安 好擔憂未來
不過呢個世界都冇後悔藥
所有事都已成定局
唯有諗下之後既路點行仲好
多謝你既鼓勵呀
8個讚
我有諗住去社署搵社工呀
但今日放假又撞正紅日 未來兩日都要返工
所以都要等到星期四
但太多不安同焦慮 所以上黎打算聽下意見
希望好似你咁講法官會批立即離婚
其實佢地好多都係有24小時，即使你要返工，我諗lunch time 時間打去都可以，唔好拖啦。
同埋你要清楚知道自己嘅情況可以係有幾緊急，唔好覺得hea hea 下就冇事發生
2個讚
但我估政府資助都唔係口頭話分開就肯批
我諗起碼都要搞緊程序先會批掛⋯
唉個bb仲有3個月都就出世了
真係難免會有啲心急
我朋友都有差唔多經歷，
我朋友未婚同居有左，
朋友番屋企同佢媽媽講，
阿媽勸佢生個bb出嚟，
佢哋會幫手湊。
朋友個女番左幼稚園先出嚟做嘢。
未讀書之前佢攞綜緩，
個女大個左每個月都攞家用比佢媽。
好憎佢爸爸，
無點理過佢，
好錫佢媽媽。
生唔生你自己決定。
都26weeks+ 冇得唔生架啦
希望快啲捱過呢段時間
我都好想可以快啲返工自力更生
加油，
找社工幫忙申請單人綜緩，
去到你小朋友讀書，
有你屋企人幫手湊，
你先諗做野。
難關總會過去。
將來你小朋友孝順你，
你就會覺得好值得。
係批離婚定批綜援?
一定要離左婚先可以攞綜援? 如果爸爸吸毒係咪可以係一個理由?
如果係講緊批離婚, 咁離婚同分居個法定status對離開呢個人有咩關係?
現時主要都係想有經濟援助
我都唔清楚未離可唔可以攞到呀
如果口頭上分開而攞到綜援真係好理想
因為始終單方面起訴離婚都要嘥好多時間心機
我都唔知到時湊住個b有冇心力處理呢啲事
但當然我都唔想拖 想盡快離
mgcyw
19
第一，而家經濟大家獨立
第二，你都講佢已經吸返毒，呢個已經係無得兜，而家就話語言暴力者，痴起來實質上暴力對你點算？
搵社工幫手快d一刀兩斷
我諗你揾左社工先，經濟援助社工可以幫到你。尤其是你提過有暴力，最好真係揾人開左file 先。
個世界咁多賤人，唔肯離婚嘅case 都一定有好多。社工會有多啲資源，可能關愛基金或者其他機構可以批到快錢。你唔洗係離婚果度kick死自己，揾人問下先啦。上面有啲熱線係24小時或者公眾假期都開。
1個讚