有一個小朋友，可能將來會請工人
兩房500呎，三房600呎
假設價錢，位置都差唔多
大家點揀？
如果我諗住長住，我會揀三房，始終細路大咗同工人姐姐一個房都唔方便。
5個讚
三房
20年同30年冇大分別,長住嘅話都係要大裝修,價錢位置都差唔多當然三房
2個讚
我都認同長遠三房先夠用
但樓齡應該是concern 嗎？假設考慮埋保值甚至升值能力
如果住耐左30年樓齡變4x年，會唔會難甩手？
三房
樓齡三十年都不是問題，但我會揀屋苑式，屋苑式 三十幾，四十年要轉手都容易過單橦式（例如 黃埔花園，美孚新邨，康怡花園等等都係舊，但一樣多人接手）
兩房，遲早又要再換，有得揀就更係住大啲
2個讚
我買樓時都係咁考慮，10 年 2 房 vs 20 年 3 房。因為我有 2 個小朋友，最後揀咗 3 房，住得好舒服。另外 3 房盤源一般比 2 房少，日後較易賣出，好多 2 房業主唔夠住要換 3 房
無謂為咗10年後未知嘅價值而屈就呢10年生活質素
就咁二十年兩房同三十年三房比較，資料不足。
就算同區樓，市中心同邊沿地區保值能力都有落差。大屋苑同兩三座小屋苑又有分別。仲未計發展商、間格、實際尺寸呢啲因素，所以單純就樓主提供嘅資料好難比到實質意見。
另外，唔好話過，近四十年樓銀行估價都好保守，同埋唔一定做到三十年按，美孚新邨呢啲大藍籌屋苑都有期數已經做唔到。可能自己上樓唔洗按三十年，但如果考慮埋投資價值同轉手前景，呢樣就係考慮因素。
對於樓齡，相差10年唔係大問題，問題係咩屋苑，500兩房，600三房，即係可能多間100房，實用性如何？間格係點？
能力範圍可以做到，三房！
資料唔夠…
邊區同埋間隔配套點？如果三房遠到七彩又乜都冇咁倒不如屈就兩房。但如果兩間都係市區咁一定係 3 房。
我唔覺得樓變 4X 甚至 5X 年會難甩手，一定有人接。