除咗係中咗六合彩或者要移民
不如分享吓大家咩情況下會咁勇敢quit ？
點樣為之一份唔適合自己嘅工？
後生無家庭負擔
被迫做犯法或遺背良心嘅事之前
5個讚
乘後生，做 backpacker.
1個讚
我。。。。返過三份工都係裸辭
唔鍾意請假去見工
計好數夠俾家用，辭左工休息返一兩個月再搵過
我覺得好正常，但依家睇返原來身邊大部份人都唔會
2個讚
我試過祼辭，之後做ftm
1個讚
無力再繼續，而且返去對住屁孩仲好過對住呢班x人既時候。
1個讚
本身係細公司，自己有少少錢儲起左，實在太頂唔順個老闆娘！
有一日佢開完會又係到講D廢話怪 + 屈D同事！第2日啖起仲未消到！真係唔可以再合作落去！
1個讚
未試過裸辭，上一份工爭啲想咁做因為工作壓力大到星期日晚就開始check email焦慮第二朝又要打仗咁生活，但一諗起坐坐下一個月就無左幾萬，唔小心一年先搵到咪成幾十萬！？結果就死死地氣繼續做繼續搵，好好彩第二份工（即而家呢份）好快搵到，亦好好做，老細同事都好又肯幫手頂，我係好開心咁每日返工，但就假少啲人工加得慢…
1個讚
做到出現情緒問題就裸辭咗
我試過一次裸辭，其實當時上司對我好好嘅，不過有時好遲放工。 當時就嚟結婚，做女就話有人煮好飯煲好湯等我返屋企啫，搬咗出去再咁遲放工搞唔掂，所以就辭工，最後抖咗一個月。
無家庭負擔就ok
年紀大都未必唔ok
呢個年頭，幾安全嘅工都隨時會無咗
所以成日話移民d人驚無工好驚，但其實睇下自己有幾多錢
1個讚
合作唔到，做到個人好負能量
未試過揾左工先遲職。
通常份工或個人原因需要就遲職，
離職後慢慢揾到Ok，都不急。
要做犯法嘢
換新老細個老細細痴線嘅跟唔過
做過十幾份工，全部都係裸辭。
即使全家得我一個做野。
通常好快就搵到工，所以都想先休息下。
後期係行內有些名氣，一知道我變返自由身，便會有人主動搵我。
當然有例外，試過一次超過一年都搵唔到野做。
彈盡糧絕，全家又要開飯，加按間屋套現頂住。
夜晚去碼頭做咕喱幫補，日頭就繼續搵工咁。
後尾要改低履歷，先搵到工去渡過果背運十年。
而家係英國退左休都仍然有 open offer，不過就要去歐洲，等細路長大左先考慮。
其實生活開支計好數，又覺得搵工唔困難。
裸辭對精神健康比較好。
唔撈原因，一直都係同老闆鬧交。
部門一班同事昨日正討論這話題.
去年底請左個新同事, 勁卸膊, 應該做的唔做卸比下面同事, 唔識點做問佢只得敷衍幾句. 一日淨係躲在女老細房裏面吹水, 孤男寡女細聲講大聲笑, 日日如是, 拿下面同事做的直接交功課, 有不足就在老細面前插同事, 老細包庇佢連想反映一下都鬧人.
好辛苦, 好無癮.
壓力太大個時，例如睇醫生都用哂d錢，星期日就開始驚定星期一返工，真係搵嚟都唔夠睇醫生
1個讚
辭左工先會有動力揾工
所以我每份都係裸辭
通常辭完 好快又揾得返
3個讚