明白樓主感受，已經唔妥個個人，又要做戲，心裏係好掙扎又過唔到自己。不過為左你男友面子，點都收左佢先，換個角度睇，佢飲左你杯茶梗係要佢比返錢啦，點解要便宜左佢
或者好似樓上谷友意見，之後回禮比返佢，話佢黎“參加你個婚禮”，你女家習俗要回返禮比客人。你講明佢係“客人”，即係佢唔係主人家，落下佢面
我當場落佢面，我一定死更
呢個港女好記仇嫁
唉….我知，但係我男友成日擺我上枱，但是佢又唔覺得係擺我上枱
收就收更，回禮我一定唔會，正等如各位樓主咁講，佢幾唔願意都要比，何不開開心心咁收，等佢知道我杯茶幾值錢。如果佢將來有本事嫁得出，我做返同等1000蚊人情比佢，等佢知道果陣自己咁做有幾樣衰同核突
1個讚
如果老公唔識做…咁真係難攪d… 我會直接同我講…
唔應該一味叫你忍… 婆媳關係係佢應該要處理既問題
我可以比足面老公…但係老公唔應該要我一味受委屈
我有講過，一講到佢屋企問題，佢就起鋼，完全唔想理
叫你老公收封利是，你做樣扮接，完。
4個讚
呢個case係禮節問題，冇乜特別要討論。但我都要為你呢句留言
人越大就越知道好多場合要做戲（誠哥都要做marketing啦），好多時做戲唔係為自己咁簡單，而係為身邊人。年少氣盛時一句唔鐘意就唔做，仲覺自己好率性好型，其實只係任性地不理後果。
唔想做就唔做，係要講資格。例如何超瓊唔同許俊亨生仔都冇所謂，因為佢老爺奶奶一心諗住靠新抱打理生意，鬧離婚時都仲要企埋向新抱果邊；但李嘉欣高齡都要生仔（雖然比人話搵代母），因為老爺奶奶唔鐘意佢，唔生「冇地位」。
不過點樣為自己爭取「最大利益」下妥協係一門學無止境嘅高深藝術，而且涉及到心態調整，真係要有返咁上下人生經歷先明。利申：學習中
3個讚
啊妹, 贈你4個字 “kill them with kindness” 
你中唔中意都好, 結婚後男朋友嘅屋企人都係你哎呀屋企人. 身分上唔中意都要有官方來往. 咁咪局限於官方做得好好睇睇囉. 佢送利是比你, 你大大聲多謝佢, 喺大家面前又大方又有教養, 然後再回同等價錢禮物, 無拖無欠. 你當為自己加分做, 會唔會無咁難受
4個讚
我都明亦都知我要學習呢樣，而且亦唔易學
收，應得嘅，一定收
我當年結婚有多問題，結論係，唔好咁隨意任人擺布，
我當時係跪地斟茶，比好多阿貓阿狗，係有利是金器，不過好唔順囉！我嗰邊淨係跪我媽一個咋，成世人最cheap，竟然係自己結婚嗰日！
知道
我明白你感受，我會記住，謝謝你
睇曬留言，覺得樓主自己都似港女
唔知你講你男朋友阿媽係咪有痴呆症，如果有的話，你都仲要咁認真同佢計較嘅話，以後條路你應該都幾難行
1個讚
我有朋友係講明一個都唔跪
唔收金唔收利是
佢本身份人都係有霸氣嗰啲
唔係人人做到/啱做
好認同，但好多人都誤解咗妥協就係認低威，一妥協就輸曬咁
4個讚
成功嘅妥協應該係爭取到雙贏，或公道啲講，形勢不如人時輸少啲