我知道係好不智，佢係咁要用佢果套迫我跟佢果套咁比佢家姐點，大佬我唔係你屋企人亦唔係我親人，冇理由同佢一樣比佢家姐點我做嘢
其實你自己都決定咗，係想搵人認同兼發洩情緒姐
1個讚
你都係唔明，呢啲叫傳統禮數，你應份針茶，亦應份收利是，
雖然婆媳永遠係難題，但呢件事上你對人際處事非常唔合格，希望你三思
1個讚
呢個係另一件事，
而家係講緊婚禮禮節
其實我都有諗過收，但唔知點說服自己收
只係幾秒時間，你咪當接街招囉
7個讚
我覺得樓主好細個，唔識處理人際關係。
呢度一樣有大把太太同男家不相互來，但佢地好多都得到丈夫支持，
樓主而家新婚燕爾，老公對佢有愛，所以幾不滿都忍老婆，但如果仲係繼續得唔到老公支持，將來會好大鑊
3個讚
如果咁堅持唔想接，不如連茶都唔好斟
2個讚
或者可以參考呢個做法，我奶奶當年係咁做,利申：唔係佢唔鐘意啲親戚，只係佢真心認為自己請客娶新抱不能叫啲親戚做禮，但唔可以唔收架嘛，所以當年我利是照收，佢會mark返個數，之後封返同樣數目嘅利是回返比個位親戚。咁就大家面子上都好好睇睇，我地有收，而佢有回。
如果你媽可以夾到戲嘅咪用長輩嘅身份，喺個日day end咪封返另一封利是，同你未來姑奶講：「我哋鄉下嫁女唔收禮㗎，你哋嚟即係比面，得㗎喇！」用長輩之力夾硬塞返比佢）記得用另一個利是封）
姑奶bilibala你就整多句「係呀我媽話唔係賣女呀家陣，唔駛收禮㗎」
諗認佢，顯得你矜貴之餘又可做到不拖不欠，但又保得住個場面，你話鄉下規矩佢又奈你唔何。
4個讚
明白，謝謝你
如果係斟茶果時既利是… 就唔可以唔收… 唔收就無禮貌…最多事後叫老公比返錢佢… 但係當下要收…又要影相呢… 好黎好去… 有d野做左…會對你未來有影響…你唔需要鐘意佢既親戚…但係佢地以後都會係你屋企人… 妹妹…唔好因為一時之氣做一d有機會令自己未來後悔既事
2個讚
你唔好諗埋一邊先… 佢係講佢會做幾好…而好多時… 長輩其實都會事先講出黎… 第時到佢D仔女結婚或者有咩喜慶事果陣.你老爺奶奶都會封返果個數比佢…所以佢先講出黎…唔係為左你乜野… 你聽到唔洗放係心入面… 其實好小事黎嫁炸,長輩與長輩之間本身就係咁…
知道
最少… 係最初果陣…間中出現下, 你唔一定要所有都黎…但係十次出現一兩次…或者過年過節先出現都得…
其實兩個人要有一段長久既關係, 需要互相體諒…記住, 果D係你老公既屋企人…屋企人係無得揀既… 佢地可以唔鐘意你… 都可以表現出黎唔鐘意你…但係你唔可能表現出黎… 果D姨媽姑姐係麻煩嫁… 99係麻煩嫁… 但係你一表現出黎…佢地只會話你無家教, 落既…係你爸爸媽媽既面, 小不忍則亂大謀…
唔好贏左場交輸左個家
2個讚
我知道佢哋係講一套做一套面又一套，我問大家意見，我就係唔想另我媽難睇，得罪我男友，而又可以另我自己收
妹妹, 忍左佢… 有時係難忍既…佢屋企人既態度…對你唔重要…99覺得你搶左佢個仔,會咁樣唔出奇嫁… 重要既係你老公對你既態度, 只要你老公夠緊張你… 你就已經羸左…
1個讚
我明你講咩，我亦知道大年初一一定要上去
我正正遇上呢個問題，我知道我贏咗，所以先唔知點做好，但呢啖氣好難忍，我本身好怕呢啲婆媳糾紛問題，我亦唔想遇到，拍拖時間我真係好順意，佢家姐唔識買餸我會幫手買，帶兩老去睇醫生，但自從佢老豆走咗，佢老母個癡呆症嚴重咗，個女就真係以為自己大曬，我男友叫我忍佢家姐…….
不如調返轉諗，你斟杯茶俾佢，就可以拎佢$1000 ，可能佢有錢，但係用把口講得出封$1000俾你，佢覺得自己好大方同埋呢度好多錢，佢幾唔想都好，佢都要比，可能佢都會諗，飲你杯茶要$1000 ，等佢心痛下都好，最多之後做返份同等價值或以上嘅禮俾佢。
2個讚
又唔係一齊住… 最多咪間中見一兩次…
唔鐘意之後MEET 返你老公…
你既氣係真係唔可以係佢屋企人面前表現, 但係要比你老公知道…你為左佢…忍左D乜野…
膽氣唔係唔出…係搵個岩既人出