岩岩呢幾日發現有左，其實真係好開心好期待
但同時極度擔心同緊張
因為7個月前經歷過化學懷孕
當時既心痛同失望到而家仲歷歷在目
我知呢啲都係我控制唔到既事
但我真係好驚好驚
每次出街就成日凝住自己底底濕左要衝去廁所檢查驚流啡流血
岩岩有左個肚又成日陰陰痛
一痛我又好驚好驚
連懷孕證明都未敢搵醫生開住
因為怕好似上一次咁
又好驚令老公失望
而家先4wk
仲有排驚
點算好
真係覺得自己好冇用
1個讚
恭喜你先
BB翻嚟搵你呀，所以唔好擔心咁多，放鬆心情對你同BB都有幫助，開心事嚟架嘛，正面面對
2個讚
煲下劇
睇吓笑片
睇吓小說
唔好諗住
我都曾經小x過
之後個次懷孕
日日都好驚流啡/血
成個孕期每次去廁所都好大壓力
驚完心跳又驚T21,之後又驚結構
到後期又驚無啦啦胎停/臍帶纏頸
到成8個月先夠膽買bb野
到出世個下先真係放下心頭大石
而家佗緊第2胎
又係成日去廁所check底底…
真係好大壓力，我仲要腰痛
咁早就腰痛又肚痛真係好不安
今日睇左中醫話我氣血唔夠所以開左藥幫我安胎
希望一切順利，真係擔心到好想喊
加油呀
早d拎懷孕證明可以早d去公立醫院排期呢～
唔好俾咁大壓力自己呀，最緊要休息多d
same here
好緊張，6wk 一feel到有分泌就即刻個心沉落去
hug hug
唔使擔心，陰陰痛係正常架，即係BB長大緊
1個讚
我打算星期五去，到時4wk5，希望一切順利
係呀！每日一有分泌就衝去廁所
如果喺街唔方便檢查個心就會好不安
我仲要等成個月先有得去照閃閃
簡直度日如年
今日兩邊毛毛位都有啲扯住痛唔知正唔正常嘅之前痛既位冇咁低
咁就好喇
仲要等到7周幾8周先照得閃閃
等待既日子得個痛字真係令人食唔安瞓唔落
日日同bb講要加油痴實媽咪
希望一切順利
訓多啲，冇啡冇血就唔使驚啦，放鬆放鬆
1個讚
exactly！！每日都數住仲有幾耐可以照，仲有幾耐12wk
1個讚