以往做法，大人嘅衫係掉去舊衣回收箱，自從有咗小朋友之後，入咗啲媽媽gp，見人好有心機逐件衫影相賣，又或者一袋過free俾人
我都諗緊想做多步，就咁掉去回收箱嘅話，以往見過啲關於舊衣回收箱嘅報導，會擔心係咪物盡其用，會唔會好似啲三色箱咁都係拎去堆田
你地習慣係點？我想參考一下，唔該
地區谷 free出
4個讚
屋苑/ fb/ carousell free左佢
3個讚
以前絕大部份舊衫都係比朋友，但依家阿女呢個年紀好少有人仲會著舊衫，所以都係捐去舊衣回收桶。
殘舊啲既係咪一律只可以掉哂去垃圾桶？未爛既感覺好浪費
大人衫我係著足10年果類人，著舊咗當屋企衫著
殘舊留起抹野用
3個讚
我女都仲會著舊衫 / 二手衫
因為又外家又老公屋企
小朋友去玩時
整污糟都有後備換
唔洗帶著同又再買咁多衫
1個讚
我呀爸呀媽教落係咁
不過抹野都用唔到咁多，小朋友衫實在太多太多
而且我有啲衫都係二手返黎，可能都係要掉
Free既話請問有冇咩tips？仲會唔會私下逐件影相俾人睇？
我冇乜經驗，求指教
我哋嗰邊有個收衫王，通常有舊衫都會call佢嚟攞
我係自己區既FB free 出去， 同區交收方便
4個讚
如果係一大袋可能唔使逐件影，影個大概數量，size 款式（eg 女仔2歲冬天長袖衫褲外套），幾成新應該ok 掛
3個讚
我仔BB時都係拎朋友BB嘅衫著，老人家話BB咁樣可以有褔氣，到仔大咗，我表弟老婆有咗，我又比咗佢。
不過我仔生得高，到後來就接收唔到朋友啲衫，多數自己買了
我係久5久清一次衫，之後同D衫影張大合照，比埋衫size，係自己屋苑/區揾人要。
其實好多人5介意2手衫，小朋友大得快，可能過左一季已經著5到。所以我反而5會買太多/太貴衫比小朋友
2個讚
nb衫係親戚比我嘅恩典牌，多數比左啲就生嘅同事，nb衫多數人都無乜所謂，但大個啲嘅就地區谷free，唔會逐件影，寫低size同冬/夏就算
1個讚
都係FREE俾人，鄰居識有家好多小朋友，我就PACK好一堆衫放係鄰居佢會搵對方拎。
如果D衫睇落去仲新，冇起毛粒就會free俾人，睇落太舊會放回收箱。以前有人free過D衫俾我小朋友，拎到返屋企睇先見到D衫偏向舊，又黃又多毛粒咁，就算free我都唔想俾自己小朋友著，有時真係將心比心，想環保都要諗下邊D free俾人，邊D放落回收箱。
1個讚
放回收箱我都覺得麻麻地，覺得會辛苦左一班負責揀衫既人
我諗我都係唯有接受要直接掉左啲有少少漬/起毛粒既衫
我放屋苑free whatsapp group
小朋友衫多數秒殺
不過自己一直控制、人地比、著唔晒都立即free出、唔會keep屋企。
靚啲嘅、有價值啲嘅就送俾朋友，普通啲嘅就放上free group free俾街坊，不過有時真係free唔出，最後都係去回收箱，太殘嗰啲拎嚟抹下嘢、墊下嘢就扔。