我知我咁諗係好衰，但如果晤需要反戰，咁其實晤應該逃難走佬（勿打頭）。
其實寫完首歌都無乜意思，從來發動戰爭係當權者，一首歌對佢哋係無用，但當世界人人都吶喊，某程度都起到少少作用，好似美國同德國。
我起初睇個MV覺得好抽離，係個商場入面…….但當我諗起啲烏克蘭人係基輔匿係個火車站，我就覺得成件事好合理。
至於陶𠎀，我睇完佢個post，我就諗起我家兩老，係我由細到大聽歌，就鐘意講：而家歌手唱歌無氣，以前歌手就唔同…….時代已經唔同，舊屎唔知沖左去邊，不如學Jan Lamb 講，希望我哋呢到仲俾到年輕人有希望。
我諗佢其實係未冇聽過佢地d歌同訪問時個種“真誠”，佢係英國只係見到mirror d廣告，覺得人地年輕，靠造型？我都係聽左佢地d歌同訪問，真係由唔知點解咁紅，到依家都慢慢鍾意呢12個年輕人，同埋佢地d歌真係好少愛情，有成長，有講家庭……我覺得係好創新喎。
其實mirror 而家已經唔算虛火，起碼一定係呢一代人回憶入面，連我家長輩都話好多年無見過香港人咁瘋狂，鍾意又好，唔鍾意又好，mirror 而家係香港係好有影響力。
同埋mirror 咁忙又咁紅，真係可以求其出首情歌交下貨就ok, 但佢地選擇出跳唱，出冷門歌，拍大陣象mv, 其他成員又開始多方面發展，最起碼我欣賞佢地好努力為娛樂圈付出。
我唔係鏡粉，但好樂意見到 好多腥港人好齊心去 圍喂喂去做同一件事， 我個年代咪一樣有哥哥，咸校長。 陶生係聰明人，佢既思維我唔理解，因為我唔聰明，但好開心香港仲見到 腥港人有笑容
利益申請：我係error fan 屎
我都覺得大眾娛樂唔駛太高深
當年twins 咁樣都好紅丫，無預佢地會改變乜嘢
RB, c allstar, dear jane
其實嗰時都有人分析twins 會紅都係時勢做成，當年sars 大家心情沉重，就係想睇啲輕鬆嘅野，後生靚女出黎跳下舞唱下歌
其實好多嘢都時勢做英雄
娛樂圈係偏門就更加啦
我覺得早幾年嘅坤哥就真係虛火啦！
嗰幾年香港樂壇真係有d悶，「原來她不夠愛我」有d罐頭feel, 還可以啦，但同呢兩年嘅歌比差好遠，佢嗰時攞叱吒我最喜愛男歌手、歌曲獎，真係時勢做英雄
Mirror至少令到大家緊張返叱吒頒獎禮
其實唔洗討論陶傑 等Alton3年後又擺上台講 
男人男仔大叔緊係鐘意令女
女人女仔大媽一樣鐘意小鮮肉
虛火呢d 野都虛左兩年幾有多… 真係幾虛吓
不過有虛火總比無火好
坤哥有火過咩？
2015年燒咗一吓
2015年度叱咤樂壇流行榜頒獎典禮 - 叱咤樂壇生力軍 金獎
2015年度叱咤樂壇流行榜頒獎典禮 - 叱咤樂壇我最喜愛的男歌手
2015年度叱咤樂壇流行榜頒獎典禮 - 叱咤樂壇我最喜愛的歌曲大獎《原來她不夠愛我》
我淨係記得佢眼鏡Jar, 原來都當係虛火 
我覺得當年最多叫有gimmick, 最多有火苗
無錯，諗返起以前廣東歌9成9 都情歌，去到twins 仲要變成k歌，真係好悶。
講咪華唔係唔得，但才子咁樣寫好難令人buy 佢，好似個術士呢埋係山上面指點地下d人咁。
幾年前 都有過吓㗎。
而家轉咗去邵氏，
不過都可以叫做近乎無埋，睇佢頂得到幾耐，
TBB簽返嚟，鍾意雪藏你，就雪一、二年，
收入近乎零，除非背後有金主，唔係叫人點生活呀！
扮棋
呢兩三年，除咗mirror香港仲邊有另一班人做到咁紅咁街知巷聞？邊個令人留意返樂壇、帶動返廣告市場、出席商場活動唔洗搵職業fans?
我唔係mirror fans, 但樂見佢哋嘅成功，係成功在做返大個餅呀。多返香港人留意本地娛樂圈，大到足以自給自足，本地藝人先可以揀返做人要挺直腰骨定要奶人腰骨。起碼依家除咗mirror, 我仲見返軒公，甚至不知名無線歌手（好似係）。
如果虛火都可以達到咁嘅效果，香港人真係應該覺得好自豪。
係，逃離香港真的沒資格這樣説 (利申：身在外地)
估晤到係英國仲依然可以繼續接觸到Mirror, 買野竟然附有應援物資，收到時真的有種莫名的感動。朋友係澳洲突登揸車去Melbourne打卡，佢話姜濤生日billboard周圍都係，好犀利。
如果呢啲都係虛火，咁邊啲先算係實火？