罵戰唔歡迎，當然呢度唔會嘅
我係鏡粉，又係睇＆聽陶傑廿幾年
大家點睇？
我認為陶有道理，可惜香港人之前過得太苦，好需要呢度虛火作麻痹之用，陶未免唔夠體會香港人
6個讚
佢就係死火囉
1個讚
係咪虛火無人知，我會選擇欣賞和支持，很認同沈郁輝這篇的評論。
repost 沈旭暉 Patreon:
https://www.patreon.com/posts/guo-ji-ge-jiang-65811676
(此是收費會員文章，請大家訂閱以示支持創作者）
【國際歌
】姜濤《作品的說話》：久違了的國際視野，久違了的反戰主題曲
我很喜歡音樂，但寫和音樂有關的文字大概只有一個準則：國際視野。而在當紅香港歌手找到這種視野，自然令人非常驚喜。
姜濤23歲生日發表的這首《作品的說話》，開宗明義以反戰為主題，不少歌詞在這場烏克蘭戰爭都可以對號入座，但最堪玩味的，還是歌詞提及的五個「作品」：
1.「見證半個廣島炸碎了那張照片」 ：1945年原子彈轟炸廣島後的黑白照
2.「勸你去猜想世界無國界那一闋歌」：John Lennon的《Imagine》
3. 「少女困斗室晦暗裡記載那一本書」：二戰期間猶太少女Anne Frank日記
4.「曾融和天與地 東跟西 繪於一面圍牆的噴畫」：柏林圍牆倒下後，東西德人在牆上的噴畫
5.「圓圈裡那撇與捺加多一戙而成的標誌」：反核和平社運常見經典國際標誌
這幾個「作品」的重要性，在於令反戰這主題，巧妙地有了價值觀承載。
須知「反戰」本身是沒有人會反對的，正如普京和澤連斯基都說「反戰」、都說「自衛還擊」，昔日蘇聯、中國、甚至納粹德國也會說「反戰」，都會強調戰爭責任的「始作俑者」屬於對方。爭奪「反戰」話語權，領導「和平運動」，根據國際關係的constructivism演繹，正是冷知兩大陣營的其中一個正面交鋒的戰場。
而這五個作品，都明顯是反舉國體制、反極權的：
- 廣島原子彈爆炸，沒有人怪美國（美國被怪責的是第二枚落在長崎的是否必須），戰後日本也是以此警惕不要讓軍國主義復辟
- John Lennon雖然有點左傾，但《Imagine》的無政府主義，屬於正面挑戰一切政權的禁忌，雖然理論上「世界大同」也是共產主義理想，但「無政府」卻不啻於要舉國體制的國家終結
- Anne Frank被納粹德國殺害，全家被送進集中營，自然是鞭撻納粹
- 柏林圍牆由蘇聯資助東德建立，圍牆被推倒象徵共產主義在歐洲崩潰，然後才有噴畫出現
- 反核標誌的英國設計者 Gerald Holtom 考慮過加入「和平鴿」圖案，但因為鴿子已經被蘇聯濫用，未免蘇聯「抽水」，才變成現在版本
從這些「作品」，聯繫到當今世界的戰爭，和可能出現的戰爭危機，如何才是真正防微杜漸的「反戰」，聽者自然有答案，但又無須直白。
這正是藝術在這個亂世的重要性。
印象中，這裏介紹過不少經典反戰廣東歌，例如《光輝歲月》、《薩拉熱窩的羅密歐與茱麗葉》、《戰地舞曲》、《披星戴月》等，同期還有類似說「老婦幼子也中槍火」的《一切為何》等，反映香港樂壇曾經是多麼有國際視野。
新一代音樂人能夠carry這視野，又能點到為止地啟發樂迷思考，在這個時代，無論是否「虛火」，都已功德無量，令人看到未來的希望。
21個讚
其實乜野係虛, 乜野係實…
娛樂園不嬲都行得好快…
7個讚
有d 人未認識未了解佢哋就批評，佢話連嗰12隻嘢都分唔清，已經無討論空間。
11個讚
無錯。佢仲用12子黎改月份名，但我笑唔出lor.
我又唔明點解指望mirror 救樂壇lor
所以我唔明佢彈弓手出post贈興為咩lor, 又唔好笑。係咪人在他方睇野都會朦朧d?
btw 我覺得我都未算mirror fans, 只係有留意，唔係隻隻歌聽晒。才子有follow fb, mirror都未follow, 唔明才子做咩要咁抽佢地水。
5個讚
我都copy 埋葉一知既睇法:
-
陶傑論Mirror，引起對罵。陶生和Mirror皆我所喜，所以我對雙方都沒有私怨，也從來不做鐵粉，我想這個身份能較持平一點略談這件事。
-
陶生的論點，大抵是正確的，但論據較薄弱，說服力不足。為免失誤，原話照錄如下：
「MIRROR唔係話唔好，你可以喺情感方面向佢哋投射。但係佢12件咁嘅嘢呢，樣樣小鮮肉搓埋一團麵粉拉返出嚟，我唔覺得分得開邊個打邊個囉……你有啲人分到，所以呢啲係虛火嚟，對唔住。MIRROR係救唔到香港音樂工業同影視，因為呢一行係要真材實料，係要深度同內涵。
「我噚日話到你哋嗰種走紅，對香港電影、電視、音樂工業有沒有幫助？我認為幫助不大，為何呢？因為整個形勢，氣氛，並非70年代至90年代中的娛樂生態環境。
你哋話佢哋係歌星，歌星要有歌先得，你話畀我聽MIRROR唱過邊幾隻歌，全香港，並唔係只有佢班fans。嗱！許冠傑當年嗰隻《打雀英雄傳》，即使冇聽過許冠傑情歌嘅人，喺街邊斬豬肉，小販都覺得好正，呢個就叫做紅喇！」
-
先要搞清一點：Mirror絕非不能批評，不然世界太恐怖了。李家超特首常說「我們一向有新聞自由言論自由」，但我們的言論空間這兩年縮減多少，有目共睹。這個世界也沒理由有人可免於被批評，包括Mirror，包括陶傑。發動網絡動員力量去禁制一個人說話，我從來都不認同，也不應認同。所以鏡粉多惡也好，如果真的聚眾欺人，這點上說不過去。
-
陶生的論點「香港回不去以前的娛樂生態」，這固然是對的，但那根本不是Mirror的責任——其實當今娛樂圈豈止Mirror？還有RubberBand、C All Star、林家謙、近來大熱的MC張等等，但也不是他們的責任，那是因為時代完全變了。許冠傑能把歌唱至街知巷聞，他的才華無容置疑，但時代因素也不容忽視：當年生活貧苦，免費娛樂就只有收音機和電視台；許是第一個把粵語融入歐西流行曲，新鮮感是史無前例；大眾口味一致，因為當時人人學歷低，市井口味已是最大公約數。但換了是今天呢？不想在這一點長篇大論，只說一個事實：陶傑鮑偉聰離開光明頂，可以立即走入風雲谷，甚至越洋穿梭兩邊，這是那個時代可以比擬嗎？我還沒有談及全球化資訊爆炸(如Netflix、Youtube等)，我們在娛樂上面對的選擇(換轉來說就是競爭)多了不知多少倍。今日連豬肉佬和小販都可以拿著手機選擇他們的娛樂，鍾意聽粵曲便粵曲，聽假新聞做小粉紅便做小粉紅，要出現一首老中青都愛的歌，這個時代怎會輕易出現？
-
誠如陶生也說過：香港一定回不了過去，這是大環境所致。既然一個回不了過去的香港，在邏輯上，我們為甚麼會有「Mirror等年輕偶像能扭轉乾坤」的想法呢？
-
但如前所述，即使論據薄弱，任何人也可以對Mirror提出批評，我們也可以據理反駁(但不應只訴諸感情)。真正令人失望的，是陶生昨天一個貼了又刪刪了又貼的「抽姜濤誕」post。陶生的抽水、言談多年來大受歡迎，除了啜核外，更重要是他總是向權力抽刃。我反覆再看那個post，我並不認為他這樣的地位有甚麼好「酸」，那也很可能只是一種幽默，但裏面提及了兩個人：李家超，姜濤。前者在年輕人眼中是個對立面，後者是正在努力的年輕偶像，把兩者拼在一起而幽姜誕一默，感覺上便變成了向弱者抽刀！
-
就算我們多留戀香港昔日的風光，對於一群正努力打破時代限制的年輕人，即使不存厚望(這指昔日風光，但他們也可創造一個與前不同的新時代)，我們也應欣賞、鼓勵。他們絕對可以批評，但一個抽水post並不能反映權力一方的荒謬，不抽也罷！一個人年紀漸大，便愛向後生抽刀，前車早已有李天命，那時我已不斷提醒自己，這可能也是小農DNA之一，越大越要警惕！
-
我相信每個人都有自己的盲點。小弟愚笨，沒有陶生在政治歷史文化上的高瞻，但小弟受到新一代氣氛「活化」，有幸聽過這一代的歌曲。但我想陶生是沒有時間和興趣聽的，他大概沒有聽過柳應廷的「重生三部曲」如何運用高雅的修辭去刻畫人生；即使姜濤，他大概也以為只是個「娘炮型」、只唱情歌的脂粉偶像，而沒有聽過他的《鏡中鏡》，以及在他生日發表有關反戰的《作品的說話》。姜濤只是23歲，卻已在作品「見自己、見天地」了，我最多只能說他們(不只Mirror還有其他在樂壇苦苦堅持的音樂人)的作品還「不夠」深度和內涵，但說「沒有」，說不過去！
#陶傑
#姜濤
#mirror
#姜濤誕
14個讚
我係鏡粉，老實講我自己都覺得mirror 團歌或solo唔算精彩，實力確實未夠衝出香港，某些鏡粉行為亦難以理解既。
我喜歡mirror 係佢地一齊既vibe ，某程度佢地係代表一種發奮向上既精神，所以好多死忠fans 課金力撐，希望佢地更成功（但有時力度太大，over 左）
我見唔少dislike mirror 既睇完全民造星都改觀。
陶生不如睇完先再評論？
1個讚
陶生內容冇錯，但抽得無謂：Mirror 又唔係敵人，抽嚟託咩
5個讚
才子老啦，老人家又點會理解後生嘅市場
5個讚
老人家多數彈後生仔，不過時間可以証明一齊
2個讚
Mirror 講嘅百花齊放、衝出亞洲，係講緊成個樂壇，唔係淨係佢哋12個。你唔聽Mirror，仲有Rubber Band, 唔聽Edan, 仲有MC。好似係陶生唔理解今個年代嘅樂壇，點會淨係得佢有fans?
然後佢用許冠傑嚟比較？What?
咩年代呀大佬？打雀英雄傳係咩嚟？
你叫返Eason 出嚟我都戥佢尷尬啦！
15個讚
Same
如果理性批評，Ok 嘅。
但見到佢講嘅嘢只不過係一個懷緬過去嘅老人家，然後總係擺出一代不如一代嘅咀臉。
10個讚
如果講韓風，Mirror非常成功，其他組合完全做唔到
1個讚
其實自己都後生過，我哋都有俾前輩睇唔起嘅經歷，前輩當日話我不成大器，我今日大人大姐咪又好人一個。
廿零歲有幾多經驗啫？一入行就識飛好冇？咁就俾機會啲後生仔囉，次次做唔啱佢心水就炳，仲點發圍啫？時間永遠都站在年青人果邊㗎啦，我成日提醒自己做人識趣一啲，唔好做老油條，唔識就學，起碼唔做一個乞人憎嘅阿婆。
虛唔虛火，十年後再講啦～
5個讚
諗起mirror初出道比人話，過左3年仲係度先再講啦
5個讚
以下我冒著被人罵嘅風險，發表一下感想。我唔覺得mirror係虛火，流行文化從來如此。不過姜濤呢首新歌，並無國際視野，係mirror最令我失望嘅一首歌，所以我不同意沈所言。
-
歌曲引經據典嘅部分，都係太經典太耐嘅教科書典故，無新意無時代感，人人都知無咩國際視野可言，呢首歌20年前唱都無問題，無任何新材料。《矇著咀說愛你》嘅時代感就強好多，矇咀就係呢個時代嘅表誌。如果可以講下烏克蘭最近嘅事會好好多。
-
係呢個年代唱大愛左膠歌真係離曬地。《Warrior》係我至愛，講要奮勇抗爭。我只能說，《Warrior》係Lokman和Alton嘅心聲，但不是姜濤的。
-
MV嘅開場令我好興奮，諗起一啲大家嘅往事。不過原來係無關嘅，原來成首歌係講一啲阿媽係女人嘅道理… MV呢個容器好靚，但盛載嘅訊息太陳腔濫調，可惜
6個讚
當佢連mirror有咩人都未知（仲講得出話mirror係小鮮肉…得一兩個勉強講得上係），但又講得出冇內涵冇實力，咁嘅論調就未免太有廢老嘅味道啦
時代唔同咗，好難用舊嗰套解釋依家嘅事
以前嘅資訊渠道少，先做到明星/作品一紅就真係街知巷聞
依家唔係玩依套啦，依家係資訊年代，講緊人人都做contributor
好多達人係得某個界別先多人知（例如電玩界、youtuber、vtuber)，人人都係試緊新嘢試新玩法
與其執住舊時嗰套評判，不如了解下發生緊咩事先
同埋我認同佢出嚟評論係廢嘅，一嚟本身mirror已經好夠討論度，二嚟佢冇提供有建設性嘅點如何「救」到個音樂工業（唔覺佢本身對音樂有乜研究），三嚟才子本來嘅身份地位何必加把口評論，俾人覺得佢抽水招人口實
5個讚
好奇怪你會有呢個睇法，人類就是不斷重複歷史犯過的錯誤，戰爭係人都知會犠牲好多無辜的人，但點解明知係錯都仲仍有戰爭。love and peace呢個message係好多人都明，但又有幾多人做到，幾多人有反省到⋯⋯
香港係乜嘢情況，你覺得歌詞真係仲可以寫得咁直接講烏俄講抗爭？Warrior已經成為禁歌，背後原因很清楚吧！
10個讚
我聽陶傑做節目十幾年，算忠實支持者了，而mirror我也喜歡。
陶有樣嘢講得岩，好多人對mirror有某種程度的情感投射，覺得佢哋係「黃」（連登仔話佢哋藍）我覺得呢啲嘢拗嚟好無謂。講真，政權迫佢老闆，而老闆又會比壓力經理人，12子到時咪又係無得揀。將來嘅事，who know？但我仍然欣賞和喜歡12子，純粹係因為佢哋係有才華和努力嘅年輕人。
另，mirror當然救唔到香港娛樂行業，呢個唔係mirror的責任。講真，即使請番四大天王出嚟都救唔番，因為成個風氣（創作自由）已經改變咗。
每一代嘅「老人家」總係話下一代唔掂，張國榮陳百強當年都比人話係「花𡃁」。
不過我奇怪陶咁高水準做咩要混呢塘水？
14個讚