今晚鄰居過嚟，遇上初一佢需要素食，所以我煮素喇。
素琵琶豆腐
欖菜玉豆粒
合掌瓜雲耳
沙茶杏鮑菇
蠔王釀豆卜
榨菜五香豆乾九菜花
昆布湯浸福袋
醬油醃蘿蔔片
照燒素鰻魚
全部自己整的，唔係現成素鰻魚，係用薯仔鮮腐竹紫菜去整的。
釀豆腐的內餡有海鮮菇，金菇，冬菇，豆乾，菠菜，芹菜，薯仔粒，木耳，甘筍炒成。
福袋內甘筍絲，木耳絲，粉絲，冬菇絲，湯底用昆布，蘿蔔，冬菇煮成的。
琵琶豆腐有硬豆腐，海鮮菇，金菇，甘筍，紫菜做成。
鄰居食得超開心，話非常好食呢
23個讚
高手呀！煮咩都難唔到妳呀！勁呀！
1個讚
我食左幾日素，日日都係豆卜公仔麵 
1個讚
賣相都可以
廚神再現
想做你鄰居 
你本身食素？剩豆卜營養唔夠喎
知道呀，我食素會變到好懶煮，街又好難買。
多謝關心
勁呀
唔好懶啦～有時間可以整定d冷盤，用黎加餸都好呀
1個讚
樣樣都好好食。我想問你琵琶豆腐要落咩調味料啊，同埋入面包咗啲乜嘢，謝謝。
琵琶豆腐有硬豆腐，海鮮菇，金菇，冬菇，甘筍，紫菜做成。
做法
硬豆腐10蚊先用布索乾水再壓爛，將海鮮菇，金菇，冬菇，甘筍切幼粒炒香至乾身加入豆腐中，加入1湯匙麵粉，1湯匙生粉搓勻，加d紫菜碎及芫荽碎，鹽同胡椒粉調味，做好型就隔水蒸15-20分鐘，拎出攤凍臨食再炸起，可再煮個素蠔油埋獻。
4個讚
素食都整得好吸引! 樓主好勁
1個讚
係啦樓主超有心機 
上次甜品預備左三日
想請教你呢餐素菜煮左幾耐呢?
出街都無咁正
睇見就唔想煮
樓主好好心機
呢餐好快手咋，1點鬆d先買完餸返屋企，快手洗切咗個蘿蔔落鹽醃佢，之後食埋盒外賣就正式開工。切下停下，準時7點開飯。
2個讚
係囉，好吸引啊
哈~
見你咁落力整素菜
俾你既passion 影響左
我今晚都摷番好耐無用既雲耳、金針出黎炆齋 
1個讚
我呢係食葷嘅～只是只是唔抗拒食素遇啱有人食我咪煮囉～其實煮素食幾開心的，我唔鍾意用現成果d,素肉素蝦素魷魚素鮑魚，我鍾意自己撈撈埋埋試，其實果d,好似好似防腐劑同味精，唔想食太多呢。
心思思想煮個素酸菜魚，搵日又煮下
今晚就炆咗個南乳炆蘿蔔三菌，老公同亞仔都話好食。好埋煎咗2條鮮腐竹，佢地沾泰式雞醬食。
同埋加多條一夜干，飽哂
3個讚