早排不能兩個以上家庭聚會，我地好乖，除了自己一家外都無邀請過朋友上來坐坐食食，終於解禁，即時約腳，但都係小型2個家庭6條友傾下計解解悶。
朋友好喜歡食甜品所以今次為佢預備咗個小型甜品放題，滿足大家口胃，
香芒北海道牛奶布丁
北海道雞蛋牛奶星空布丁
香檸忌廉芝士伯爵茶戚風
藍莓巴斯克焦糖芝士蛋糕
特濃莫卡芝士餅
雞蛋布丁蛋糕
鮮果吉士酥
鮮果忌廉芝士撻
香脆原味蝴蝶酥
除了甜，還有少少咸食，香草羊架，煎同炸雞翼，鮮茄大蜆意粉。
酥皮是自己搓的，藍莓果醬都是自己煮，所以今次呢餐我分了3天去預備，亞仔話，媽咪你又要去返工，唔倦咩？仔，倦㗎！但我好滿足，身邊大部分朋友都遠走英國及澳洲了，越來越寂寞，能見盡量見，大家食得開心，我就好滿足。
朋友每款都好鍾意，特地留多盒蝴蝶酥俾佢拎返屋企再食，佢好開心呢！
好靚