轉唔轉校好?

教育講場 小學討論
1

小二, 每日要6點20分起身, 6點45分出門口, 因為無校車到附近, 要行10分鐘去巴士站搭車, 車程約35分鐘

每晚想佢9點瞓, 但總是臨瞓就hyper, 經常典到9:45分-10點先瞓得著, 但因為唔夠睡眠第二日又鼻敏感發作, 唔肯起身, 放學做功課又無精神(係屋企zoom反而好快手完成, 所以其實我應該係少數愛死zoom的媽媽), 結果功課執書包刨筆就搞好耐 (我無加補充練習亦無補習更無要求佢溫習, 只係要求佢完成功課, 都搞成咁…)

最近我wfh還好, 我地多返啲親子時間, 可以夜晚玩monopoly deal uno chess etc. 但係, 我一返工就無啦, 我回到家最快都7點半, 我仲要食飯沖涼(9個字), 檢查功課(3個字), 之後都8黠半啦, 要講書然後叫佢瞓啦, 唉, 總之好趕…

當初讀咁遠係因為無心插柳考到龍校, 教育理念亦和我家吻合, 咁就讀啦, 唔洗再為呈分折騰.

但是, 我地會明年(大約呢個時間)移民, 咁讀唔讀龍校已唔重要, 所以我諗緊好唔好為小三個9個月轉去附近學校?

小朋友有提過會好唔捨得同學老師, 但又好想瞓晏啲,夜晚可遲啲瞓我陪到佢多啲…佢自己都話1516

多謝大家睇到呢到, 請問如果你係我, 又會點做? 謝謝大家意見先

1個讚
2

我覺得唔好喇
你哋有移民打算，中途轉校幾個月小朋友又要從新適應
係小朋友角度「識唔識新朋友好？明知就走」

11個讚
3

你覺得小朋友移民已經要適應新環境，轉去學校又要適應新環境，咁佢都好困難識到好朋友

車程35分鐘其實算短，你又知新學校唔會有其他問題？

我反而好好奇會唔會有人贊成你轉校？你真心係覺得有需要嗎？

3個讚
4

而家上返面授好辛苦呀, 佢精神一差, 執一個書包要用成個鐘…最後要我發火收場

唉明明zoom時佢自律搞掂所有野, 我地好開心…

1個讚
5

執書包好小事啫，佢仲細你咪幫下佢手囉，大個啲做嘢就快手快腳。不過我有諗過可能你小朋友適應能力好強，去邊間學校讀都OK嘅，都可以諗吓

6

嗯… 我係咪太harsh呢… 我真係未想過呢點…

7

我明白你嘅，媽媽梗係想快手快腳，早啲搞掂小朋友可以多啲休息

1個讚
8

我大嗰個同你小朋友一樣大，作息時間都差唔多，覺得佢哋呢個年紀已有自己朋友，都會對學校有歸屬感，基於呢樣唔會同佢轉校
會唔會每日喺佢完成功課同執好書包後再獎勵佢，得佢有動力做快啲？

2個讚
9

有, 絕對有 :smiling_face_with_tear:

儲金幣換禮物, 尋日下午仲提出佢做完野, 攞部佢就黎換到, 恨左好耐的switch俾佢玩下先, 完全做唔到…8點半先搞掂所有野, 玩唔到

佢根本好攰, 但一上床就係瞓唔到… 佢上一床就有好多野講, 雖然好sweet佢每次pillow talk係全日最多分享的時候, 但係我又好想佢快啲瞓…

10

今日係咪開咗實體課第二日咋，小朋友會調節返作息時間

2個讚
11

日頭係姐姐湊定長老湊、三四點可唔可以同佢落下街曬下太陽？我覺得小朋友訓唔好、曬下太陽、運動下係有改善。

同埋平時小朋友入房熄燈訓教、大人係咪仲會喺廳做其他野？如果係都可能係心野嘅原因。

因為我小朋友以前又係好難訓得著、之後我諗住試下一熄燈、就全屋熄、咁佢又真係快左入睡。

3個讚
12

小朋友已經講明鍾意呢間學校，咁有得必有失，就係要犧牲d作息時間，等佢好好去enjoy 最後一年。

因為幼稚園已經會教小朋友執書包，所以比著我呢part我唔會妥協同佢執。相反，如果執漏野我會嚇佢，同佢轉去屋企樓下間雞校(吹水)，睇佢認唔認真同我執。

3個讚
13

6:45出門又唔算超早
我個都6:50
但我哋都唔係離學校好遠
只不過校車就係好早返到學校
應該之後再做多轉幼稚園生意
轉校未必慳返好多時間
一動不如一靜算啦
陣間去到新學校開始識到朋友又走
小朋友可能會無所適從

有個friend 佢話自己細個成日搬同轉校
覺得影響咗一生同人建立關係嘅心態
覺得建立關係都係冇意思

4個讚
14

我第一下係諗到搬屋近啲學校 :shushing_face: 反正都預下年移民, 租間勁近學校既屋就可以 :laughing:

如果唔可以搬, 都唔會轉校, 小朋友要再適應會更辛苦 :see_no_evil:

4個讚
15

我都係咁諗

1個讚
16

我小朋友小一, 都係06:50出門口, 35分鐘車程, 有時佢會喺巴士瞓多一陣
我會叫佢放學返到屋企食完飯, 抖一個鐘先做功課, 多數3:00開始做, 做完佢會叫工人姐姐影相WHATSAPP我, 我就同佢對功課, 有時佢都會唔明, 難D嘅功課, 放工先返去同佢講解.
星期六&日同佢溫習一吓, 暫時呢個都ok

或者搵功課輔導班, 做晒功課溫晒書先返屋企, 咁你放工就會親子時間, hea吓, 大家都舒服d

小朋友都鍾意間學校同同學, 俾佢玩埋呢一年喇

1個讚
17

唔少仔到中一二都仲要阿媽幫手執書包對功課。佢先小二而且一直都冇點樣正常返學，心智同能力降返 1-2 年。

我以前讀書出門口都係 6:45，唔係因為遠而係校車 7:00 前上車。我仲要食早餐慢吞吞所以要 6:00 前就要起身。因為唔係龍校而且多測考所以返到屋企不斷做功課溫書到 8:30-9：00 先訓。因為慢吞吞又咁多嘢做，執書包刨鉛筆呢啲就係阿媽代勞。

有冇考慮過生活調轉少少，返到屋企訓 1-2 小時，之後現在等埋你返到屋企搞功課，咁樣佢夜少少訓但係唔會唔夠訓。我知有家庭都係咁樣，一放學小朋友就訓 2 個鐘，訓醒玩下食飯等到父母返屋企然後先開始做功課溫書玩，11 點先訓第二日 6 點醒，咁樣計都有 9 個鐘。

得返幾個月就無謂轉校，否則呢幾個月佢容易會覺得 “反正只係暫時讀，冇需要識朋友”。

2個讚
18

唔轉

唔好攪咁多 比小朋友開心讀多一年

轉校又要適應
到適應完又移民
移民又要再適應
暫時比小朋友enjoy

執書包呢啲小事 小二咋 大家邊傾計傾執好佢

5個讚
19

謝謝你, 我無諗到個影響會咁深遠

20

謝謝你咁詳細答我, 我都覺得呢個時間表好適合我家night owl的生活習慣
不過想問下11點瞓, 咁會唔會個小朋友第二日無精神?
同埋我有啲怕太夜瞓, 影響長高, 唔知會唔會?