我住村屋. 近排發現有老鼠蹤跡. 雖然見唔到真身, 但見到D水果被咬去一大半, 即食麵被咬開包裝. 相信都係佢哋. 有冇咩方法可以驅走D老鼠(我唔敢殺死同處理佢哋)? 屋企雖然有貓但老鼠唔驚.
你哋有冇實際經驗可以搞掂佢哋? 好擔心D老鼠病菌同會咬人.
有朋友試過, 住樓嘅低層…情況同你相似, 搵滅鼠公司…
身同感受 
0 必須立即做 ) 快快收好返D食物, 麵包真係唔好放檯面, 個陣香味 
1比50漂白水狂洗地先啦
- 身邊有無其他人唔怕佢地? 捉到後可以請朋友黎處理 (雖然係好衰, 但鬼叫自己好L驚佢地咩, 之後記得請人食飯)
- 買定老鼠膠板, 大圍封佢地
- 請專業人士, 但村屋真係地方太大, 佢地去邊都得
- (網上流傳 ) 有薄荷味佢地會遠離, 我朋友就比左D 香皂我, 話米奇都唔鐘意陣味
- 食環好似會處理? 但我唔寄望佢會即時黎
有貓米奇都唔驚, 佢都見過下世面喎 
總之, 無野食係隨手可拎到既地方
我都係搵個大箱裝起晒D食物
你所講嘅大部份已經做咗. 我怕麻煩人所以無叫人幫手. 已徹底清潔屋企. 我見網上嘅方法都係同你講嘅差不多. 我仲見過淘寶有賣一個陷阱, 係一個水桶, 上面有個機關, 中間搽D花生醬, D米奇去食嘅時候就會觸動機關跌落水桶嘅水而浸死. 不過實際上唔知得唔得.
其實我自己有成個月無煮晚飯成個月, 就係唔想米奇覺得呢度仲有食物
咁我都搵業主封返個冷氣後面條喉
但你知唔知佢地係邊度黎? 有冇得封左佢?
淘寶呢家野, 我就真係唔識啦, 聽起黎work
但如果唔work , 會唔會引更多米奇入黎??
花生醬咁香 
但假如佢地真係跌落水桶, 你諗住點面對佢地??
我計劃將浸死左嘅米奇直接倒落去黑色厚身垃圾膠袋再打個死結,打電話叫食環蟲鼠組來處理或直接交去垃圾站.
米奇好似識游水? 浮起左會唔會易跳到出黎, 可能要準備埋個蓋, 再搵重野 "扎"實佢, 驚佢掙扎時, 連個桶都翻
會唔會考慮倒熱水? (以前我老豆都係倒熱水)
如果覺得太cruel , 加D漂白水 / 藍威保, 毒瓜佢地,
早早了結佢地, 唔使佢地死得咁辛苦
咁D水就會入埋落袋? D水好多菌 
我果到唔係村屋… 算中層都試過有米奇…佢地係爬上樓,咬爛左我地本身既蚊網,入黎偷食,食完就走,第晚再黎過又係食完就走… 我地最後換左D佢咬唔爛既窗網,觀察左屋企一個星期確保無米奇留係屋企… 先叫解決到件事…
1個讚
佢地會咬爛D 米袋… 而家最緊要係要知有無留係屋企… 如果食完就走就簡單好多
我見d片裡面, d水係會浸死佢哋. 當然要有返適當嘅水深. 否則佢哋可能當浸浴或游水. 
佢哋連電線膠袋同貓砂都唔放過. 
一定要搵佢地出黎 一陣死左響屋內發臭仲大件事…
所有窗都要裝網絲網
包好晒所有食物.
全屋用漂白水清潔
咁可能係住左係你屋企 因為佢地d 牙會係咁生 會搵野磨石
係你屋企落地生根就麻煩啦 佢地生得好快嫁
好得人驚呀. 要盡快處理先得.
跌入水桶嚇C都似
要快攪啦 佢地幾個月大就可以生仔 一年生到6-8次 一胎可以生8-10隻
你放心啦…唔係村屋都有老鼠
用老鼠籠捉
老鼠膠麻麻哋，大隻捉唔到，仲傷埋其化動物包括野貓野雀
用老鼠籠捉, 我成家都唔識handle. 我諗最後都係比錢滅蟲公司處理.
我都係村屋, 超多老鼠
用過老鼠膠, 老鼠藥
殺極都仲有…
都唔知可以點
屋企廚房o係出面, D膠樽俾老鼠咬爛, 番皂又係
真係好煩
煲滾水浸死佢，然後掘個窿埋咗佢