其實可能請鍾點適合你屋企多D。
搞到自己唔開心又咁多煩惱好無謂
3個讚
其實真係，回應返你鐘點，一般鐘點EE請佢過嚟都係清潔，我哋試過一次，完咗之後心諗呢啲其實自己平時都做，我哋兩公婆有啲潔癖每一間屋都好乾淨，再諗第二樣嘢我哋住村屋好入，佢每次過嚟來回出入搭的士都要喺市區四個字，基本上雙方都覺得麻煩。
另外講照顧小朋友嘅上門保母，而家佢哋開緊上門110/hr一個小朋友，我哋係三個小朋友，通常請得上門保母都係嗰日有嘢做啦，咁最少都四五個鐘，半日就1500到，理性去諗咁究竟值唔值得兩公婆出去呢
咁不如我自己湊番小朋友係屋企花園踩單車放電咁又一日
繼續講返工人，有錢唔代表要請工人，但係屋企人真係好Q煩，咁最後都說服自己「多個人多個幫手」，希望姐姐係好人，其實我哋兩公婆都好Nice，希望唔好食住我哋… 你哋可以諗吓一個場面當全家一齊出街嘅時候其實都係一人照顧一個，爸爸跟一個我跟一個姐姐跟一個，雙方佢唔喺度其實大b都幼稚園啦，有幾可出親街都有佢份，就算真係三個小朋友一齊出街大哥已經識聽人講嘢又乖，咪等於我同爸爸照顧兩個細。我老公大哥個工人一出世已經照顧「三胞胎」你哋冇聽錯係三胞胎，仲要我阿嫂堅係懶（西）真係全部交晒比工人，個工人都係收緊4630 ，所以我好唔明人哋咁辛苦都係咁做我有三個小朋友姐你淨係幫我輔助下，又點辛苦？
我都唔係好明佢個邏輯，又講到明最多請兩年，係咪因為經濟問題而咁手緊？但係又咁勇敢咁密生3個。
喺佢嘅回應，莫非要同大嫂比較，一樣有三個
無啦啦話人大嫂係懶（西). 其實係咪粗口嚟㗎，我唔係好明咩意思
屋企有冇地方，又唔夠人手，其實佢有冇預期小朋友越大，一樣好多嘢要跟
5個讚
樓主話佢唔洗工人都得、只係屋企迫佢要請、佢先局住請睇下係咪咁舒服。
但工人未嚟到、已經諗唔掂訓教問題。
2個讚
最多請兩年係因為兩年之後最細嗰個已經兩歲我根本唔需要佢幫手，而家多奶樽或者我多咗時間為夜奶日頭希望佢會幫到手睇一睇兩個大。
我講大嫂只係一個例子，係話人哋點解三胞胎工人都肯跟晒所有仲要煮埋飯，相反我工人喺我度做，我又會好跟小朋友，又點可以話攰呢，咁嘅意思
除左老公諗法、屋企人諗法、咁你自己係想點。你係女主人、又日日喺屋企照顧頭家、點管理頭家應該跟返你自己個諗法行。
3個讚
問題係你如果請工人，你會係一個超級micro manage既僱主，咁樣唔係叫做親力親為，而係極度管制，大部分工人都唔鍾意，等於你都唔想你老細管住哂
真係唔好諗得自己太好，其實你除左開人工開得高d，其他條件全部好輸蝕
17個讚
不過你都請左，既然你想試，但係你又冇辦法改變，只有兩間房嘅話，建議你去買嗰啲上下格床再加子母床，總共3張床。
兩年後，三個小朋友就可以一間房，你哋兩公婆就一間房。
其實你畀得八千幾算高人工，可以一年之後試叫個工人捱一年係廳訓，如果佢介意，你都可以同佢講叫佢搵工，大家好黎好去。
咁樣的話，你同老公aim只同細細b瞓一年。
其實係咪惹火post
又話間屋好乾淨，唔請工人都得，但請咗工人又無地方俾人瞓，又話個夾萬要自己瞓一間房
成件事都唔make sense, 其實唔請工人咪乜野煩惱都無晒囉
13個讚
小朋友大啲，就唔知食訓屙咁簡單，教功課，中英數更加勞心勞力
你打算粗生粗養?
唔係惹火，請不要誤會，係我心裏面不嬲都有呢個問題，喺度呻下
個問題最細個BB出世咁有個工人出街起碼幫手拖住其中一個小朋友，支援到我呢樣嘢囉，出街三個小朋友三個大人一人餵一個成件事快好多。同埋另一點就係屋企人講嘅，第時我送大啲返咗學起碼工人喺屋企可以睇住小朋友我出一出去買餸
我唔係粗生粗養我每日都有時間表同自己小朋友訓練教育，食嘢方面都有要求，我會比自己目標呢個星期要教小朋友啲咩，有啲完美主義嘅人，你可以話我會好攰但我甘心情願，生小朋友就係咁，我地生第一個已經知道辛苦到計劃生第三個，一定係好鍾意小朋友先會生。
所以個問題就係請個姐姐返嚟我唔知點樣安排佢要幫我啲乜嘢，應該話我唔知有啲咩可以放到手俾佢幫
呢個情況唔止兩年，要維持起碼成個小學階段，你有仔有女3個小朋友唔一定同一個學校、上埋同一種興趣班的
4個讚
都係，佢起碼可以隨時幫我睇一陣小朋友，我出去買嘢接送，因為住村屋所以佢更加唔使出去買送了。
其實如果咁樣，真係唔好搏好過，因為正常一黎到你都要教佢/佢都要適應，而你又expect佢幫少少only （驚整爛電器），本身你湊2個一路無問題，我諗你對佢expectation會不知不覺地高，因為你會覺得佢做少少野都做唔好，加上依家佢地好易跳槽。。。。所以你同你老公諗諗係咪真係繼續，仲要8500…
7個讚
已經請緊啦其實我想中途返口，但係當初又係屋企人煩得滯我同老公傾咗好耐先決定請，但都敵不過我固執嘅想法，不停喺我內心徘徊。
依家唯有正面啲佢嚟到大家客客氣氣，只要睇得出佢有盡力就OK，我不是要佢睇晒三個小朋友。我得，係因為我堅持住，但係人哋唔係生佢出嚟唔會有呢種想法，會攰
工人初來有房瞓，之後點會同意瞓廳呀，如要瞓廳一開始就要咁安排，工人頂唔順就會走，樓主自然就知道佢D 諗法係幾咁唔現實。
又或者樓主做咗人地阿 mum 後都真係仲會攪住D 粗重嘢自己做，只留返D 他條嘢工人跟嘅，工人可能就唔介意瞓廳呢。到時樓主唔好又聽D親戚朋友講話8000請個工人返來嘆世界又要唔憤氣就得啦
7個讚
係，我內心會覺得佢要做到我要求，但又唔會講出口，因為係一直自己對自己期望/要求太高，唔想咁樣轉落人哋身上。
咁嘅情況唯有一係喺客廳間個位比姐姐、一係你同老公是但一個同一個小朋友訓廳、不過呢個情況都唔一定太長久。
可能你好快睇唔順炒左姐姐、或者姐姐自己流失、咁你可以過返原本生活。
3個讚