工人未嚟到。
一直都係我同細女18m一間房 ，老公同大仔30m一間房。細女一直自己瞓BB床，非常獨立所以唔會考慮將來同床瞓，除非三四歲明白事理時，而大仔一定痴人訓。
屋企得兩間房可以用，我10月生細細b，到時我自己照顧，夜晚預咗細細b係咁喊。
工人8月到。。應該點分房，佢間房就一定係上下格床，我哋有諗過我哋全家自己一間房，但係三個小朋友晚上一定係互相會影響睡眠質素，所以工人應該同邊個瞓
搞到唔係幾想請工人
如果工人同細女同房，佢自己瞓BB床，但係細女每晚都會有機會扎醒，我喺隔離房未必會聽到唔通要出出入入工人房？定係交低呢個任務比工人
如大仔同工人同床同房，大仔屬於痴身型，要經常攬住拍pat pat，又點教工人
細細b我一定自己跟翻，因為半夜我做啊媽不停餵奶都會顛顛地，所以更加唔會叫外人做
一家5口加工人，要換3房啦，除非個廳可以間到間房俾工人，否則分唔到點訓，2個小朋友已經互相干擾影響睡眠，更何況仲加個初生
我哋係三房不過一間房做咗夾萬安排吾到床
將夾萬搬返自己房啦，冇話安排唔到喎，既然係3房就要盡用
夾萬相死咗，冇可能的事，而且做了雜物房
咁既環境，3名幼兒+加個FTM，仲要冇工人獨立房，黎到都只會快手跳船。
小朋友仲細，保持住工人有自己獨立房，唔好要人半夜做嘢，都仲有機會留到佢。
事在人為，夾萬唔擺野，執返間房出來就得啦，講真3個幼兒本身2房已經係唔夠3房都只係勉強，仲要加個工人就真係冇可能，一係唔好要個工人，淨係請鐘點上來日頭做下家務
真係睇到都攰，仲要冇哂私人空間，來到香港大把好工，不出3個月一定走，蝕agent fee蝕機票蝕隔離費
趁早移走個夾萬。啲細路仔大個咗仲嘈，我兩個讀中學都為咗一間房日日嘈，又埋怨爸爸做咩有一間房變咗做佢私人雜物房
就算無工人，三個細路仔大咗都會為私人空間嘈
如果雜物房不能動，唯有以下方法:
1.將二女同工人同房，樓主，細細b，大仔加老公都一間房。
2. 二女，大仔跟老公一間房，工人獨立房，樓主同細細b喺廳喺瞓，不影響其他人睡眠質素。
3. 大仔跟工人瞓，但訓練佢自己瞓上格床，獨立一點，但遲啲十歲以上都係要分房。
4.仔女跟曬工人同房，細細b同樓主加老公同房。
但樓主遲早都要清雜物房，你有仔有女，長大後都不能同房瞓，不如早一點坐言起行。
我都想清，間房老公決定咗係做夾萬就唔俾改變。。
呢個冇得傾啊好文室。
唉所以搞到好煩，不過小朋友咁細個有排都未分房瞓，我見好多九歲10歲仲一齊瞓，而家只係太細冇得全家一齊訓姐，大啲就OK，請工人最都係請兩年，
細B有翻2歲帶佢哋出街就唔成問題，到時工人做唔做都冇所謂純粹試吓。
今朝同佢傾咗原來佢係菲律賓而家湊孫都係夜晚要換片沖奶佢話明白我，佢話會同其中一個瞓叫我放心。
希望唔會啦我扡開咗佢8500，大家雙方都協議，當時大家問清楚先簽約
如果夾萬房訂造張上格床比工人姐姐訓呢？
話明夾萬房，工人點可以入
你個夾萬鎖住㗎嘛，工人都唔會開到
其實鎖左唔會有問題
真係要偷就唔住都會偷
見你話相死嘅 應該啲鎖都有返咁上下
再唔係睇下可唔可以貴重嘢放去銀行保險箱 清空個夾萬
應該係樓主老公唔比工人入去訓。
其實樓主有冇同老公傾過點安排？有啲咩位可以讓步？呢度會員樂意比意見、但諗完一餐但樣樣其實都係老公會唔比、都係得個諗字。
其實能力許可嘅話、都要計劃過幾年換大間屋、細細個迫埋冇所謂、但大個小朋友就會需要自己空間。
其實咁大個仲一齊訓唔對大人同小朋友身心都唔係好事、好多人咁做唔一定係啱。
經濟有困難住劏房冇辦法、有能力嘅、大人同小朋友最遲上小學要分開訓。
個廳偷唔偷到位做間細房？
我覺得要諗嘅唔係30m+18m+nb
要諗嘅係兩3-4歲點，因為你呢肯就算諗得掂，長遠呢？
而且本身就唔應該同細路同房…
一間兩房嘅屋，本身就唔應該住3個細路3個大人，間房啦！
間咗房之後就係真正3房單位，變化多好多
但必先要恨心唔理個醒瞓嘅，痴身就陪床，瞓著就走人，佢地半夜醒的話，只要地方整齊，俾佢可以自己落床，就自然可以去你房揾你
我自己湊bb瞓到約6個月大，無成晚醒就交俾工人，所以細路一直唔係同房瞓