又到DSE 時間，22年前會考0分的我…
好彩冇放棄，最後PolyU 攞到學位到而家在跨國公司工作（現月入$80k+)，不過條路係迂迴好多，難行好多，但係條條大路通羅馬，只要有一個目標望住行就可以
生路歷程：
2000 - 會考零分
2000 2001 全職零售店舖銷售
2001 - 2002 兼職工作+Retake 會考最終3分
2002 - 2004 兼職工作 + 夜校Ive foundation Diploma
(2003 -2004) 日校IT Diploma + 夜校IvE foundation Diploma （year 2) + 兼職工作
2004 - 2006 日校IvE IT higher Diploma + 兼職工作
2006 全職IT工作 + 夜校PolyU degree
2009 夜校PolYU grad
期間轉左三次工作每次人工加幅30-50%，直到現在工作公司
個歷程係非常之艱辛，不過自己讀書真係唔叻，只可以向著自己興趣嘅一課俾心機讀
勵志post 
佩服!
好犀利!
介唔介意講下你大學讀邊科?
好叻
二千年科網爆破冇耐就梗係揀啲易入IT，而家超級搵到食
你呢句講得超好
的確最緊要係有目標
唔好人云亦云
要認清自己第時想出黎做乜
我老公情況和你近似, 而家亦係做緊IT, 人工少你少少, 好同意你的分享, 條條大路通羅馬
所以我成日唔明啲父母做乜要由細谷仔女, 迫到做醫生月入廿幾萬確是好有保障, 但細路佢想做醫生嗎? 而谷完成功做到醫生的只係佔1% (500醫學位/50,000考生, 約數), 其餘做唔到的99%, 其實其他能力如soft skill對佢地職場更重要. 與其為1%而死谷爛谷, 不如著力為99%的發展可能裝備小朋友的soft skill, 毅力及揾出佢地興趣好過啦!
Add oil
讀到書真係一個bonus，高學歷出嚟社會做嘢都算打咗個底。
我讀書都唔好，出嚟搵嘢做都好多限制唔係份份工都可以apply。
想坐得高搵得多，就要放工後返夜校。
所以我都教我小朋友努力讀好啲書，如果真係唔係讀書料唯有幫佢搵另一條路行。
所以亦都睇到興趣係學習之中好緊要。
其實唔係好明，返工咁辛苦仲生仔嘅原因。
呢度中年人多，所以想問下原因。
你見到隔離一個狀元，然後你個仔女讀唔成
咁為咩呢？
預咗俾人插，但真心唔明
因為養兒防老？
咁人生又唔係淨係讀書
到你三四十歲會DSE幾多分都唔係乜野
我唔識講太複雜嘅感覺
但呢一刻我同老公係享受有呢個仔嘅
咁已經好夠
生個細路出嚟唔係求佢做狀元，
我係感受到呢個世界有好嘅一面，同時都希望佢哋用自己方法去發掘同尋找佢哋覺得好嘅一面，讀書讀得好的確令人喺人生路上選擇會多咗，但唔代表所有
小朋友健康生性已經好好
唔係插你
但你父母有曾因為你做唔到狀元，而懷疑生左你？
同小朋友一齊成長，重過一個童年，令我明白生命中毫無保留不求回報咁愛一個人是怎麼回事。我諗真係得對仔女先俾到咁嘅機會我
中年生仔係因為人生去到30+歲好苦悶，想像到將來的孤獨，同埋想留自己嘅基因喺呢個世界。
同小朋友玩感覺係revisit自己童年。
養兒啃老就有。
以家生個仔，佢健康正常長大，唔行差踏錯唔摺唔毒唔做隱青，大左識返工養得到自己唔洗食亜媽，再貪心啲自己曉成家立室有個伴。
已經滿分。
完全同意，我老公都係少壯不努力，捱過好多苦頭才得到公平待遇（你應該明我講乜）
我自己係屬於人生勝利組，本身屋企重視讀書
個仔出世時確實只係想佢有個快樂童年，但宜家讀小學，重點已變成成績不可太差…我哋對小朋友所有興趣班都無任何要求，唯讀是讀書（指閱讀習慣，語文數學能力等）係有要求。我諗我自己係屋企培養使然，始終覺得讀書係小朋友責任，係成長嘅一部分。
同意呀
所以我成日都話
養仔女，你俾錢佢讀書、俾錢佢做首期等等
呢啲係你嘅選擇
唔一定會有回報
淨係仔女能力係點你已經控制唔到
仲有外在經濟環境，真係話俾家用就俾到家用嘅咩
所以自己退休真係要自己plan