我就快30歲，男朋友已經33歲
在一起快4年 沒避孕是從兩年半前開始
我們兩都有共識結婚生bb組織家庭 感情很好
亦因為疫情 結婚擺酒的計劃想先行推遲到大環境變好
我兩亦不介意先有bb後再註冊 儀式我們沒所謂
結果經歷了一個月又一個月的失敗 我經期很準 有用紅d check排卵 一般每次第14日都會check到強陽 照做足功課都一直失敗 我26-28 cycle 血量正常 輸卵管照左沒事 照超聲波子宮內也正常 不過我像我媽媽是子宮後屈
到早幾個月前 我兩決定一起做檢查 我check AMH值 他check 精子
結果我AMH值只有 1.47 （2先合格）他的精子報告也是不堪入目 形態好差 不向前游等等
我知道孩子很講緣份 但真的很難過 沒想到 生育年紀 卻已經很難生育 眼見身邊好多人都結婚生小孩 父母親戚也常常說快點生啦
我真的很難受 也已經不知道如何解決
醫生只是寫轉介信去排政府生育科 但因為我兩沒註冊 不符合要求
希望有同路人或過來人 可以指點一下迷津
謝謝
呢個的確係
唔理政府定私家都要結左婚先可以排做人工受孕
既然你地都唔介意遲d 補擺酒
介唔介意註冊先?
呃住屋企人話想排居屋先之類?
咁不如註冊左先，去政府book個期搞好快。儀式野可以補搞。
其實不介意註冊先 但是真的很疑惑是否不能自然受孕一定要行人工的路…
你咪再試357年，到時先做人工但你唔好後悔
去政府是否要排最少3年 醫生有講過 因為我兩都有問題可以快一點
如果沒避孕超過一年，已經算是「不孕」，即難以透過自然方式懷孕喇，而且都30歲，冇幾多時間可以試了。
如果真係仲想試自然，可以考慮set 個deadline比自己，試下調理身體等等方法，deadline到都未有就用人工方式？
的確係 醫生都話用科技應該係最好的決定
同意 我諗趁仲可以把握時間同機會就要珍惜
個問題係你哋兩個都有問題，其實你哋應該係無避孕半年都無BB就要睇醫生。幸好你哋後生。
有心想要就註冊做人工，既然2年都得個桔，點解會覺得試多一排會得⋯⋯
醫生話我AMH雖偏低 但是我目前仍是可以正常生育的 不過因為另一半 精子有問題 所以是建議直接考慮人工是最理想 所以我諗我兩是要傾傾 註冊之後去排人工 但是另一半 沒有我這麼常上網睇這方面知識 他不太想人工 因為覺得對我身體不好 而且有機會花一大筆錢還是有機會失敗 所以未有共識
如果男女同時都有問題真係要準快行人工呢條路，唔好再等啦，一年又一年好快就過。
男方係唔係未接受到，自己精子質素有問題？
通常男人唔肯接受現實。
我都覺得似係唔肯面對現實
其實醫生都講到好白
其實公立醫院等好耐先有得做
你咪排住先
就算宜家都要排一年先可以見醫生
如果我無記錯
見左醫生佢就會俾排卵藥你食
然後iui 先
再唔得先俾你ivf架
唔係你宜家一註冊就即刻去到公立醫院做ivf
樓上既朋友講得岩架
時間唔等人
點都要有個deadline
唔好玩到35歲先後悔
我係過來人
明白正常人一聽到"人工"就會反感
一來貴, 二來總覺得自然係好過人工
我當初結左婚幾年都未有先諗住睇中醫調理下
點知睇左大半年都唔得
中醫都唔平, 個個星期睇
每次診金連藥四百幾蚊
個中醫叫我照輸卵管都無事
最後都叫我不如試下iui
其實係有一點接受唔到現實 佢覺得自己仲有機會 但係我知自己AMH偏低真係想解決問題因為我知做人工都有條件限制 再一年差過一年 就神仙都幫唔到
謝謝你的分享 想知道你最後有嘗試做到iui嗎
有呀, 失敗左
之後就轉去ivf 