我發覺屋企人一直係度灌輸錯誤ge觀念比細佬
(e.g.
問人借野人地一定要比
如果一個細佬係度玩必須參埋另外一個 如果唔係兩個都無得玩
可以鬧大人,等等)
我身為哥哥係最吃虧嗰個
因為同佢地接觸得最多ge係我
所以因為呢d我地經常鬧交
佢地亦變得野蠻囂張
我覺得再咁落去唔係辦法 我都唔想同細佬關係越來越差
我都曾經同過屋企人講 最終以屋企人發脾氣完結
所以我想請教一下可以點樣同家長溝通呢d問題 多謝各位
3個讚
你好難改變長輩嘅價值觀, 你指正佢哋嘅錯處, 佢哋反應更大更唔會聽入耳。你不如著手教返好個細佬好過啦。
唔駛每樣話佢, 你嘗試灌輸"黃金定律 universal law"依個萬用慨念俾佢, 意思係"你點對人, 就要接受其他人用同一方法對你；如果你接受唔到, 就唔應該咁對人"。傾計咁傾啦。
3個讚
屋企人今日竟然話
佢地係幼稚園唔係咁ga 佢地好乖ga 係你ge問題lo 係你教唔好lo
我: 咁點解係屋企唔可以乖乖地問人?
**因為呢個係屋企黎ga嘛 佢地問左你 你又會比咩? **
所以宜家變成佢地問我 如果我唔比 佢地就告家長 家長就發癲
你比唔比啊!!! 次次都係咁!! 都唔明點解你做哥哥可以咁啊!!!
咁你洗咩問我呢 環掂最終都一定要比…
1個讚
哥哥辛苦啦
舊一輩總覺得做哥哥姐姐就要點點點
試吓同長輩解釋下，
錯誤教育，
大個左小朋友會以為自己中意點就點。
係害左個小朋友。
1個讚
佢細佬好似係幼稚園，佢屋企人又點會係「舊一輩」，
其實去到這時侯，做阿哥思想幾咁成熟，都會變成「小學雞」，
玩「妒忌」⋯⋯『你哋錫細個細，唔使錫我」
1個讚
咦…未嘗唔係一個辦法喎
樓主，你夾起中間真係有啲難搞
父母要你全力管教細佬，但又唔信任你，唔肯開放咁同你溝通
細佬仲肯聽你教係好事
慢慢黎，要避免正面衝突，必要時搵藉口行開下，拋返個波俾父母
你都要好好錫你自己
1個讚
我都欣賞樓主
1個讚
我唔明啲家長成日要大嗰個就哂細嗰個，應該係要講道理，如果唔係細嗰個永遠都會覺得人地要就我
1個讚
我又唔咁覺得 我只係覺得既然你地比細佬我教 咁就唔好指點我
搵你學校個輔導員講下，佢地會同家長講返
其實已經係唔聽
我一話佢地佢地就你啱曬我地錯曬xn
我都唔知點教好
我一路教 屋企人就一路否定我ge加油方法
就好似今日咁
我叫細佬
唔好搞我d野
係你自己唔擺好
咁佢地可以選擇唔搞ga嘛?
掂下又會點?
佢地明知搞就唔啱就會被人鬧 依然都要搞 呢個明明就係錯
明明係你唔啱仲鬧個細佬… (碎碎唸)
之後細佬就好囂張咁望住我同笑我
唔敢;)
我作為父母，我係唔會聽哥哥講架，只會覺得佢唔識嘢。
後來哥哥做咗好多過激行為，我帶佢睇心理輔導，睇咗一年左右都無用，我慢慢發現有問題嘅係我自己。
所以希望你可以踏出第一步。衰咗俾父母罵，但你唔做，就要忍成世。
如果你都係唔肯定，試下俾啲教育機構寫嘅教學文章，由其他人嘅口勸佢地
1個讚
之前我又係聽人講，話兩個吵架，就一齊唔準玩。結果弟弟就蝦哥哥，哥哥唔俾玩具，就喊，然後一齊無得玩。試多幾次，哥哥就就範，次次都讓玩具，然後自己一個人喊
我細佬都係 但我永遠都唔會就範