我比較擔心D小朋友，產前產後嘅情緒健康好重要!
結婚5年，想問樓主老公以前睇唔睇女？
如果以前冇，係樓主今次大肚先睇，咁又正唔正常呢？
不過唔排除男人明知老婆介意，所以一直收收埋埋，唔想俾婆知…
兩個人係互愛，會有方法面對既，解決唔到就暫且放埋一邊
樓主保重
我試過好似樓主咁, 我記得陀緊6-7個月, 有一晚老公朋友生日, 佢好夜返, 我成晚已經諗緊佢肯定夾埋D FD出面同小三一齊瞓緊, 之後又諗我會繼續忍, 為咗個小朋友, 我會忍到小朋友18歲成年, 之後就一腳飛起個PK老公…諗到佢哋出面有私生子, 我會點…但其實所有嘢, 都係媽媽荷爾蒙影響緊你情緒, 我依家諗返起, 都覺得好誇張…
樓主, 陀仔真係會偏激D架, 但係唔緊要, 好多媽媽都經歷過, 當為咗自己為咗小朋友, 出去食個靚LUNCH又得, 掃吓街又得, 行donki都得, 俾自己抖抖放鬆吓先
7個讚
呢個分享好好，好正面
希望樓主會睇到啦
我都曾經經歷過
當時俾朋友話自己諗野誇張，仲加劇我既情緒
3個讚
當刻就一定覺得自己冇問題, 仲會覺得朋友唔幫自己, 但往後睇返, 連自己都嚇一嚇
呢度大部份人都覺得你太誇張 ，轉左牛角尖
以呢一刻既情緒再諗落去都冇用，轉唔到出嚟。可能到你荷爾蒙平穩返你又唔會咁諗。
大肚媽媽乖乖地唞吓食個靚飯，遲啲先再諗。
肚入面個BB 同埋你兩個小朋友feel到媽咪嘅感受㗎
2個讚
希望大家手下留情
呢個時候樓主唔係需要大家俾啲咩意見
樓主已經唔係第一次懷孕
相信佢會有方法應對情緒既起伏
呻完，擺低左，就提自己要繼續向前啦
2個讚
如果我老公好似你咁我就死啦
我成日睇一套劇/電影就會俾個男主角電暈
我仲會忍唔住同我老公分享吓邊個邊個好靚仔呀
佢都會應吓我,有時仲會同意,例如我地都覺得吳彥祖以前真係好得
當然佢都有follow吓明禎嗰啲啦
呢個世界咁多靚仔靚女,見到佢地心情都靚啲
精神出軌,佢有,我都有
打和~super
1個讚
講下呢啲咪幾好
樓主，你仲有兩個小朋友好需要照顧
如果真係响負面情緒轉唔返出黎，就要搵下家人幫手睇住先
做多啲令自己會開心既野，唯有你可以善待自己
如果遇到呢個情況，最好暫停搵朋友
唔岩傾就唔好傾
樓主千其唔好過於自責
落街周圍都係女啦
嘻～你令我諗起
我老公成日話呢個靚嗰個靚
我一啲都唔覺
仲串佢啲眼光好有問題
佢就對住我笑
4個讚
佢哋覺得劉心悠似男人
你不如去搵心理輔導求助下，我自己都試過產後抑鬱，諗嘢係會好極端，如果你產前已經係咁，我驚你產後會更加睇唔開。我自己係女人都會睇女，露到咁好難唔睇就算睇小鮮肉正，我都係會覺得自己老公最好，人生流流長。
1個讚
點會呀 大佬，女人味漏晒出嚟喎
雙刃劍喎
如果有自尊心，應該對自己有要求，然後自己做好d
就算係男人同男人之間睇女都可以好大分歧
有d要樣、有d要講feel、有d要講身材
1個讚
你唔係愛佢，你只係自尊心極低。
同埋唔明白你嘅邏輯，點解你唔做嘅事對方就唔可以做？你所謂嘅公平只係由你嘅角度出發咋，有冇考慮過另一半係點諗？
出面嘅世界不嬲都係多姿多彩㗎啦，永遠都有比你後生&條件好嘅女人，你咁擔心嘅話一開頭就唔好黐埋男人呢種生物度。
人身攻擊係無論幾時做都係錯嘅！而且咁做對你有好處？保護到你？
你明知唯一可以保護到自己嘅就係唔好亂諗嘢。
你一心想攬炒嘅行為已經係病態，需要搵專業人士協助。
我大肚嗰陣都有偏激嘅諗法，都有諗過安靜地離婚，不過都堅持同自己講只係荷爾蒙影響，咬緊關頭過咗就冇事。
2個讚
Stephy , 第一時間諗起佢，我到依家都唔覺得佢靚
1個讚
仲有舒琪，好難理解
1個讚