有兩個小朋友，
已經無數次發現佢ig facebook hold 係啲女嘅畫面，有時突然打開佢手機，整某啲野，咁岩俾我發現 ，初時會即刻唔出聲想喊，佢就會係咁話冇，只係褲袋hi到
次次都係咁？我嬲佢唔承認。到今日又發現，老夫老妻呀嘛我就扮冇嘢，事後冷淡佢，本來佢睇女我都不喜歡，發脾氣只會表露我在乎佢，因為我嬲緊佢唔想俾佢知我在乎，冷淡佢佢仲緊張
不過個心到而家仲係火滾。唔好同我講你都會睇靚仔啦，我感情好專一加上冇睇仔嘅興趣，所以我接受唔到另一半有任何關於異性
呢個問題應該點樣解決我真係好嬲，本來生完已經又殘又謝，你睇其他人同我有對比？你叫我如何正面！然後今晚同佢嘈第二啲嘢我就會不停攻擊佢，人身攻擊，既然佢精神背叛我我都唔會放過佢，佢完全唔知我嬲呢件事。
我嬲到喺度諗我只係利用佢負責賺錢養大兩個小朋友，從此同佢冇關係，真係好傷心佢睇其他人，我知啦知人地正過你屋企老婆啦，咁點啊，你又好好咩？我有冇睇其他人啊？我偷偷地喊到而家，聽落好誇張但係我真係唔好受
睇AV冇衫嗰啲？
性感女神
唔係好正常咩？
啲太太追Mirror都係咁啦，整埋攬枕上床瞓添呀
睇女有咩問題？🫣
但係個問題我都冇咁做
但係我生完人老珠黃，唔會有強烈對比咩？我都有自尊心。搞嘢嘅時候又話我最正？如果唔係就唔好亂講啦！有試過扮晒嘢望其他男人，佢即刻黑面，人就係咁衰佢自己都唔鍾意我咁做啦，小！
我覺得有問題果個似係你多啲
如果你覺得自己生完殘曬，好應該就諗諗辦法執靚自己，同埋諗野唔好咁負面
除非你
盲佢對眼嘅姐，咁佢行街睇女你會嬲，返工有靚女同事望下你仲嬲，嬲咁多仲殘多啲啊
對男人呢種生物你似乎了解唔係好夠。
其實冇事，呷下醋作狀打下佢罰佢食自己就得，勿認真。
做家庭主婦何來有時間，仲要其實我覺得自己唔係太差，但人上有人，同埋聽人講就算老婆幾正，出邊嘅森林都係好多姿多彩
咁佢成日係我面前講話我老婆最正靚過好多人，小！背後原來不停睇
覺得佢欺騙左喎，至於你話罰佢食我自己，嚟緊食齋就有份，咁鍾意睇其他人建議佢唔好返屋企住埋喺條女屋企
好少事喎，係人都會睇吓明星。我都成日睇 mirror，連發夢都見到 Anson Lo，老公無炸型
其實佢得個睇字，冇同性感女神有任何交流，我覺得完全冇問題。如果你覺得自己殘咗，不如決心扮吓靚，令自己開心啲
唔係明星，係普通人只不過性感拍照。佢睇明星女人我反而覺得冇問題因為大家都睇，跟住有時我朋友過嚟聚會完咗佢就會同我講咁多個之中都係你最正，咁咪證明佢有留意過人哋上下左右
我都係 FTM，冇工人，訓練小朋友做多啲家務就有多啲 me time。小朋友瞓咗可以抽 15-30 分鐘護膚打扮吓，煲住劇再敷 mask, 可以令自己放鬆
呢啲當然會做啦，但係永遠都唔會夠人好。
打個比喻我著得性感又唔俾，人哋出街著得性感又望其他女，我就同佢講人哋著俾其他男人睇又得，我比其他男人睇又唔得？
樓主其實你係咪玩緊膠
完全唔係囉我係堅嬲，聽落好小學雞，但係我嬲到要諗報復，一諗起就自然流眼淚，其實可以話因為愛佢姐
人比人比死人，做好自己就夠。你老公都話你最正，仲擔心啲乜。男人睇靚女係好正常，唔睇先唔正常
咁我聽日喺佢面前眼定定望住一個男人，我睇吓佢咩反應！
咁你咪搵返啲大隻小鮮肉慢慢睇
駛乜嬲喎