想問下大家，你地上網課個形式係點？老師會唔會輪流叫小朋友個名，逐個小朋友輪流讀詞語/句子？
聽日又再開始上網課，我諗起都驚
我小朋友比較怕醜，我之前用左好多唔同方法鼓勵佢讀，有時都會開口讀下
小朋友响壓力下學習，感覺事倍功半
1個讚
一個係video class
另一個，老師會上堂前同小朋友傾計，但無壓力，唔想被點名可以off screen, 之後正式上堂無交流，但老師會睇到學生有無跟做，有跟做個d 老師會讚。15分鐘後有break, 再返黎上第2樣野，最後唱bye bye song 完。
你小朋友k幾？可能唔同k level 有唔同要求。
之前想實體課小朋友表現係點，有冇講嘢？如果老師如果知道小朋友脾性，應該都會相應遷就下掛。
我嗰個depends 上咩堂，有時直頭會mute 學生，有時就會點名逐個講，如果唔講就pass
我同個仔上老師會睇住邊個同學有反應就叫佢答。我小朋友就坐唔定，走來走去當玩咁。有時都聽到老師叫答問題嘅其他同學一unmute 就會有家長幫佢答。
以前都有試過用呢個方法，不過總係擔心小朋友習慣左就好難返轉頭
我今日上堂將目光轉移返去小朋友身上，比以前接受小朋友就係未習慣未適應，熄左鏡頭之後佢少左壓力，參與度唔錯
都係一般做法
不過我估因為我地小班教學，來來去去都係果幾個學生，變左要不停要點名讀，唔讀會轉過頭再點多次名
家長日有問過老師
實體課時小朋友一樣係需要多鼓勵先會開聲答問題
我諗我都係唯有放慢返腳步
要睇k幾。如果k1 or n一舊飯不受控我係可以接受既。但到k3就唔好啦，有d醒既k3已識係zoom 上畫畫, 成個介面操控自如，當然仲可以乖乖上堂比反應。
無辦法，唔想佢地識，但呢個時勢都要焗住學識online class.
呢個即係點？
每次答問題老師都會unmute所有人？有人被點名而唔答，就有其他家長會幫手答？
上堂會全班mute 左，老師叫答問題就unmute 果位同學，但係其實大部分問題都係果個同學嘅家長答緊
我發現通常 長老&爸爸，會好肉緊代答，媽媽通常會鼓勵小朋友自己答
2個讚
如果老師叫起身做運動, 爸爸會將個仔好似公仔咁舞 
喂呀，真野唔好攞出黎講
我諗都睇一dd人，主要係教育理念問題，唔係角色
我自己都試過好肉緊希望小朋友答，响鏡頭之下難免會有壓力
或者你可以講下“鼓勵小朋友答”具體做法係點嗎？
我係K1家長
做功課有時可以好有耐性咁教
有時都會自自然然搵到方法引導小朋友
老師問完問題，會叫識答嘅同學舉手，我見小朋友舉手，會叫佢講一次答案比我聽先unmute。
有時unmute完佢唔答，我就會再問一次條問題，叫佢答老師，通常佢都肯開金口嘅。
1個讚
k1同k3能力可能相差咁遠？
我小朋友K1，開始有少少擔心佢跟唔上
家長答，我開頭都覺得怪，不得後黎諗咪當係示範俾小朋友睇？小朋友睇得多，或者慢慢就會肯開口
大人小朋友都需要時間適應網上學習既形式，放鬆啲
會，大細b 能力都分別好大啦，莫講話差2年
有d k1都可以坐定定望screen, 但我唔強求。去到k2就要學好zoom 既mannar, 因為好快要in 小學，通常都要zoom in.
1個讚
聽過有家長因為覺得zoom學唔到野，索性唔上堂
總之停課真係玩殘左一班家長，小朋友
以前曾經幻想“我家孩子不上幼稚園” (Facebook有page)
不過生完先知都唔係咁易
見到ig有啲媽媽分享homeschooling，我望塵莫及
其實時至今日我仍然唔鼓勵比k1 screen time. 我大個位小朋友k1開始就爆疫，學校轉晒video class 但我都無比佢睇，我寧願佢自己多d探索多d 發揮想像力做creation, 好過呆望住個screen 硬塞d野入腦。對screen學野記係記到，但我唔喜歡呢種方法。
到k2 無辦法，見到個trend 係咁，學校都開始捉得緊，我先有少少比佢睇。到k2下學期要準備考小學，就同佢報amazing talker 等佢習慣網上對住電腦同人講野，同埋執mannar for 佢zoom in 考小。
話zoom 學唔到野，我覺得要睇小朋友幾大，唔可以一概而論。k1上zoom 係有d晒錢,因為小朋友能力未到可以即時screen 上做互動，會比好多野distract 左，所以要教倒不如父母辛苦d面對面教佢，有效過睇screen.
去到k2 大個d, 可以慢慢接觸zoom 既世界。但如果家長expact zoom 既學習效能等同實體，恐怕小學都未做到。
2個讚