“共識”呢樣野
其實唔只應用响兩公婆身上
其他人際交往都會涉及“共識”…
當時朋友既呢句說話對我黎講尤如當頭棒喝，我似懂非懂
幾年過去，我而家愈黎愈能夠體會當中既意思
每個人都係獨立個體，意見不一本來就係再正常不過既事，大家需要透過溝通致力搵返個平衡點。
良好溝通，先決條件最少有二：1.揀岩時間去傾，2.雙方心情平靜
搵到真正既平衡點，兩個人應該都會覺得舒服
事後唔會咁易下下諗返轉頭/講返轉頭
亦都唔洗怕之後俾人怪責/自己怪責自己
唔洗怕俾其他人問起唔知點，唔洗收收埋埋唔敢同人講件事
我同先生結婚多年，對我黎講我既婚姻並不如意，直至近日當我悟到以上道理，我終於睇到希望…
大家又有冇其他夫妻相處之道可以分享呢？
就算呢個世界有另一個自己，都唔會有100%嘅共識
Embrace the difference, as long as 其中一人唔係想將自己想要嘅嘢強行加喺另一人身上，再喺互相尊重嘅情況試下搵最大公因素
不過比起呢個forum 咁多叻人，我結婚「年資」好短，以上都係屬於理論性，純粹係同老公以外嘅其他人相處嘅「心得」
理論既野大家都知好多，實踐上黎完全係另一回事
我見你寫老公以外既人你有心得，介唔介意講下你既理論對老公係點…
都係老老套套，以大家都想一齊解決問題嘅角度切入
客觀講述返大家想點，分歧位係咩，可以有咩解決方法。對我嚟講最後係咪可以做到自己想要嘅嘢唔係重點，而係佢有無心去一齊work on 件事，一齊find out solutions
我覺得其中最重要嘅係，要大家都理解問題唔係一個人，而係件事情。所以唔好話「你/d friends/阿爸阿媽成日咁咁所以我哋點點」，呢個concept 錯咗的話講乜都冇用
我同我老公結婚10年，唔算好長又唔算好短，關係一直幾好。頭2年我後生火氣爆d，見佢做個套同我唔夾時我會嬲同鬧佢，係對佢先係咁，對朋友反而包容得更大。
後尾真係好老土講句，佢又就下我，我又就下佢，做人睇事唔好太執著，簡稱眼不見為乾淨，反而相處得好好。
我都係咁認為, 可惜我真係大部份時間都feel唔到我老公有心
我老公佢會開口話解決唔到咁講黎做乜…我唔知要點解決等等
呢個都係唔錯既提醒，我就係一直都感覺到我提出問題就係錯，我呢度唔單單指我老公，原生家庭既親人都會咁樣令我誤會，而明明我真係有好多不安
我提出問題，自問都會嘗試去諗解決方法，但佢唔習慣溝通，佢成長背景係咩都自己一個人決定
我一度以為係溝通問題，但性格不合先係最大問題
正如你上面講一齊，又係我心目中好重要既諗法，但係我都幾難mode到佢一齊
我結婚未夠十年，夫妻相處之道只有少少分享
覺得遇到拗撬時，唔好求對錯，一講對方錯仲要對方認錯再改，件事好容易會被模糊焦點，最後難以解決
我會同佢講我有咩感受，又會問佢覺得點，再一齊諗吓而家有咩做到可以令情況唔會變得更差，再諗下次點樣去避免，成件事由問責變成求助，好多時都可以真係解決到分歧
如果牽涉到其他人，或者係我哋能力內解決唔到，大家都唔會執著
共識當然重要，但尊重都好緊要，有時大家未必一致，但基於尊重，會喺適當時選擇妥協
係呀係呀，你講呢樣野，我標題寫果位朋友當年都有提醒我，一拗交真係好易講對錯，但我而家已經識得講返我地都唔係要講對錯
呢樣野都有做，不過對男人黎講，其實都幾難講感受，而我老公係更甚，佢好少講感受，而且似乎唔太知咩叫感受
我婚姻早期既唔如意，就係因為牽涉其他人，而偏偏我又執著
你好謙虛，你寫既分享已經好清晰，都話只係小小分享
有共識之前要經歷過不少磨合同吵架，我同我老公結婚10年，結婚前唔使煩子女管教，柴米油鹽就相安無事。
婚後最少用左三，四年先磨滑大家的棱角，變得圓滑先唔會拗撬，開始感應到大家的底線，知道邊啲事係觸發到佢就我去處理，大家慢慢分工清晰。
過程係痛苦，好多時雙方角度唔同，嘈到你唔讓我，我唔讓你，好多時婚姻就咁玩完。
佢選擇唔講，我會當佢係感受唔深
無都無所謂，最理想係搵到個大家都舒服嘅態度去傾件事，心情好真係可以事半功倍
我結婚都8年，但之前同長老住，所以關係拉扯得好緊要
搬出黎之後，可能大家都想休息休息，所以期間只係間中煩惱下啲生活習慣既唔同，呢啲我而家回望，視之為小問題
最近，我地先開始面對大家既婚姻關係，見到你寫3-4年先磨平棱角，我先知我又心急喇，我希望目標係1-2年內可以變得好好
我老公對於感覺既冷感，仲會令我响抒發個人情感時覺得未被照顧
我好敏於感受，我覺得我老公係內儉得有啲過份果種
呢個差距，我唔太知點先係平衡…
同我情況好似，我都搵緊點樣會相處得好啲。同埋我老公好鍾意講「是但啦，你鍾意啦」，令我成日覺得佢唔想傾唔想處理咁
同長輩住先係新婚，新人都磨合緊，再加埋長老一齊住會令關係更差
我都同長老住左幾年，之前拍拖上去食下飯就一定見唔到真章。
一齊住先發現佢哋真係好長氣，我出街唔返來食又唔鐘意，我喺房講私人電話又問我同邊個傾，生活得唔自在。
之後搬出來住關係慢慢改善，再一齊住我怕我捱唔住要走返娘家。
所以好明白你。
多謝你
有得返娘家都好，我有fd都出走過幾次
而我娘家係冇任何支援
父母唔明白自己，尤其老豆係更加傳統果種，如果我返去，佢會覺得冇面
我呢方面都勁受壓
你同老公就搬出黎住呢個決定，用得多唔多時間去攞共識？
另外，我其實都怪自己當初結婚冇諗清楚自己唔適合同住…
嗯，只可以話好多男人都習慣咁樣？唔好當係自己老公先咁獨特
想搵到一個好擅於照顧自己情感既男人，機率仲難過中六合彩
至於字眼上既野，我最近1-2年嘗試緊話俾我老公聽我對於某啲字眼/句子比較敏感，我聽落真係好唔舒服，希望佢留意
未係好改善到，仍然要提醒
記住你既感覺係好重要，介意呢啲字眼就係介意
我自己認為，雙方關係如果穩固，係會願意聆聽對方感受
我經常會有類似“感覺”，而事實上我老公只係唔擅於一齊處理問題
佢習慣左佢原生家庭果一套唔傾唔講，大家各自嬲完就算
我貪心啲，嬲完都要搵機會傾返清楚件事，深信咁樣既關係，兩公婆先會行得更遠
同朋友唔係同住，包容當然大啲
呢樣野對我黎講只適用於小事上
不過你咁講都令我諗起，我有時會小事化大，而我老公偏偏相反，習慣左小事化無
就呢方面既差距，我諗我近日開始搵到平衡點
我同過佢講我嘅感受，但佢對情感嘅嘢真係感受較弱，唔明白點解唔可以用li d字眼
佢覺得連用咩字眼都唔得，咁冇嘢好講啦
我哋有見輔導，見輔導嘅時候會好啲，但總不能事事都搵人做調解
我老公個原生家庭都係，特別佢屋企成家都大男人，咩都係老爺話事奶奶又永遠唔會say no，我老公做仔嘅時候又好少參與家中大/小嘅事務，所以而家成咗家，佢好多嘢都唔想做決定，但有啲家庭事真係不能我一個話晒事嘛
嬲完我都會想傾清楚件事，但我老公多數避，唔想再傾
Same
我都係一結婚同6299住，真係差啲賠上婚姻
個關係好崩緊，又冇私人時間同空間，除咗返工外，其餘時間24/7咁照顧62起居飲食同幫佢清潔大小便，個時我同我老公真係攰到癲
62仲怨我哋唔快d生b，我真心嬲
一齊住就四年，搬出來的決定就好快，一星期就出去睇樓租樓，起租就即搬。