有移英打算 約十月離開
想幫家中的菲傭找下一任好僱主 嘗試網上配對
簡介
姐姐在港已有六年
上家人四年
我家二年 會等我移英前一二星期才會去下一家
身高152cm 體重50kg 有一子正準備讀大學
誠實可靠無借錢紀錄 有十多年照顧初生嬰兒經驗 喜歡照顧小朋友多於老人家
英語流利 懂廣東話 煮食了得
特別感謝她在女兒未戒夜奶時的悉心照顧 半夜都會起身幫忙 令我可以成功全人奶餵哺
希望下一任背景跟我這邊差不多令她容易適應
1.）在市區
2.）星期日放假天
3.）有休息時間 如3-5 pm
4.）沒有寵物（因她是鼻敏感人士 你亦會經常聽到打乞嗤）
5.）工資5500 希望配對下免去agent費 JM能開到此價 大家得益
6.）盡量三房 空間較大 能有自己房間 （不要訓上格床）
有意PM 謝
我都想請姐姐
bb11月出世…
不過住既地方就…未搵
留定名先
雙職家庭，照顧初生/小朋友的話，好難3-5pm 休息喎
佢出去搵輕易搵到過$6000
你網上搵嘅係陌生人，佢自己搵又係陌生人
好奇點解你會幫佢搵嘅?
而佢又會同意而唔自己出去揀?
都唔係既 我個囡訓nap三個鐘 佢都可以入房休息一下 我係唔想d僱主分分秒秒睇Cam叫佢做野
佢唔係好介意錢或者追求高人工 但如果搵agent可能見個僱主好短時間 唔知對方會唔會好mean 因為上家人係好mean 我只係想盡自己能力幫佢搵個好人家先離開香港
你寫既offer 都好合理
姐姐係好既話，一定可以搵到同樣好既僱主
因為小朋友越大，晏覺會越瞓越少，慢慢唔使再瞓晏覺，所以呢個要求係有啲難。
謝謝提醒 女女21個月暫時都訓到一次3小時 同埋大d又會返幼稚園 姐姐都唔會成日俾bbs痴住休息唔到 當然除非好似而家咁d小朋友無得返學 呢種真係家長都會顛
我工人係我地到做左6年幾，佢係超好，我都諗緊洗唔洗臨去英國前幫佢搵個好僱主，所以我好明白你心情
有時明知身邊朋友/親人對工人一般又或者對工人係另一副面口，又真係唔想送工人入虎口
明白你所講嘅mean
Facebook 外傭group 大把
不過我相信肯俾高人工嘅人多數會冇咁mean
你真係好明白我
重點係當朋友同親人成為僱主又係另一個樣
特別係我生個囡時係緊急開刀又大出血 身體好虛弱 多得佢一直幫好多手 又對照顧嬰兒知識豐富先可以度過
好多親人會日間幫助 但係你深夜好驚唔識湊時唔會有人起身幫你（連老公一次都無） 只有我姐姐會知我要人幫起身幫我湊個囡
有錢人/高學識唔代表會肯出人工
有無錢/學識肯出高人工先係重點, 亦係有機會無咁mean
可能我新手pm唔到你…
我最近想搵姐姐，不過唔知條件你覺得係咪符合
我係單親爸爸，有三個小朋友(14歳女，10歳仔，4歳仔)，住旺角，返工返平日9-6，屋企冇寵物，全家都有鼻敏感 
屋企有三房可以俾姐姐有自己房間，不過本身間房業主係擺咗碌架床，依家下格我俾d 細路放玩具同玩，需要可以執過俾佢
工資方面因我背景問題我都負擔唔到太高，但5500 應該冇問題
如果你覺得可以既再詳細傾吧 
多謝pm
佢而家已經好多人選考慮了 我暫時會安排佢見左頭幾位先
謝謝
Sorry第一次用未寫完唔小心send左比你。我哋住何文田，小朋友本身係婆婆照顧,有感婆婆年紀大唔想佢辛苦所以請姐姐,婆婆將會搬返屋企同公公住。我哋小朋友宜家k3，黎緊會响油尖旺區升小一，所以我哋都物色緊3房單位可以比姐姐同小朋友各有獨立房間，當然就算2房亦可安排姐姐自己一房不過雜物多啲
我同我老公星期六日紅假會親力親為照顧小朋友,主要想請姐姐照顧小朋友、煮飯同做家務,相信姐姐可以幾free同有足夠時間休息,如你覺得ok希望你可以pm
已pm
你好，可能我是新用戶或唔識用，收唔到你pm但我又pm你失敗
Hello, 我黎緊都想揾本地姐姐湊2歲囡，請問你地咩時候移民？會想介紹一下嗎？
感謝