呀女話平時買比佢d文具呀杯呀果d唔要卡通, 要好似大人用果種, 連底褲仔都嫌好多公仔好BB喎… 
而家用親咩都好唔滿意…早幾年仲咩都要有pony/elsa
6個讚
冇公仔既底褲應該都會賣得平啲？可以慳下錢
佢有咁既諗法可能係受朋輩影響
4個讚
女仔係咁嫁~不過文具日用品要淨色都唔難啦~反而D卡通野又要好睇好用仲難搵~
1個讚
又幾好喎，我欣賞佢有性格
2個讚
咁我唔好買太多野比個囡先，睇佢幾時變成咁
1個讚
女仔早熟D?
正常，我以前都係呢個年紀突然唔鍾意粉紅色公主，要深藍色點知成間鋪頭都冇女仔嘅藍色款（我仲好記得係西九龍搭電梯上去嘅第一間大舖），嬲到我當場發脾氣話唔買唔要 
不過文具、衫褲甚至內褲一直都係用開冇卡通，由細到大都係，阿媽貪平可以買好多。文具係學校唔畀有卡通圖案。
1個讚
中大童係尷尬年齡，鍾意大人款但未必有佢碼，媽媽要落足心機搵
3個讚
衫嘅話而家好多韓式日式同童裝，應該唔難搵，zara collect point 都多冇公仔
呢啲應該都係朋輩影響多。不過我覺得幾好，我都好怕啲公主粉紅色花花嘢
3個讚
我女2歲已經自己揀衫著，8歲要有品味都好正常
正常呀，自己細個都係咁。過兩年連有公仔圖案嘅衫都唔買，frozen同公主叫嘔心，童年叫黑歷史
2個讚
我個女半年前好迷鬼口水，甚至想發明新款叫我租個格仔鋪賣。我反對，就喊晒口。因為我話賣嘢好黑暗，人哋會點整自己，個個月只係俾錢人交租，加上要考呈分試。好在無租咋，而家啲商場無人行，啲格仔鋪好多無人租。我女都忽然唔玩鬼口水，自己丟晒所有工具。嗰陣花咗唔少錢買啲膠水，不過我都無埋怨佢，我都明係成長階段。
2個讚
有無說服佢放ig 賣，起碼無咁高成本先
同埋叫佢sell 下同學朋友試市場，如果佢d fd 都唔理佢，就當考驗下
1個讚
下，幾大變成咁
8歳都真係有自己諗法嘅
11歲
無喇。唔想佢花時間喺無聊野度。佢無再玩了
題外話，我唔明點解啲小朋友鐘意玩鬼口水，其實有咩好玩？
我覺得係一pat化學物質，有致癌風險，盡量唔比小朋友掂。
佢哋好有好奇心，加上好多fb, ig教你點玩點整，個個都玩係好正常嘅，不過玩一輪大個咗唔玩㗎啦
1個讚
靚lor, 好似泥膠咁，但可以拉大佢變成一層膜，再放低督督督，好過癮。大人玩就好治癒。
如果覺得玩下無妨，佢可訓練小手肌同陰力。幾個小朋友一齊成功拉開好開心，所以有人會攪slime bday party.
2個讚