其實我最初以為一般請保姆要一萬至萬五
但最近朋友俾我睇網上原來一般開價6500-7000，咁成件事又有d唔同
而家打算請保姆湊兩、三個月先，自己復工返一段時間再決定
你係請佢上門？定去佢屋企？
我知上門係貴過帶呀b去姨姨屋企
不過兩睇，自己屋企可以裝cam睇住
去姨姨屋企就真係靠個信字
認同，其實人工高既工好難唔demanding。我以前放左工已經好夜小朋友就黎訓，得星期6日親子時間，仲要幫佢地溫埋書，自己壓力大又冇咁好耐性。
轉左ftm後，最大擔憂唔係而家呢刻唔夠錢洗，而係驚第日有咩事，自己出番黎做嘢已經冇乜value，要承受大幅度pay cut。但係不安既同時，聽到仔女話鐘意我唔番工屋企陪佢地，我又覺得好值得。所有嘢都係要取捨。
1個讚
我就係想話上門其實唔平，唔係樓主講嘅$6500-7500，上門一個鐘至少$80
比得呢個價、如果星期一至五都要睇全日、啲人多數簡請工人、仲會幫你做埋家務。
1個讚
我真係識人俾萬幾蚊請姨姨響屋企
我呢傢可以張所有學術野放晒星期一至五、星期六可以純玩樂同hea…
真係用份糧換時間返嚟。
我嘅擔憂一樣、小朋友上中學出返嚟做嘢都四十、真係見步行步。
但我諗唔係樓主用得著
可以比得出萬幾請個人上門、
絕對可以搬大啲再請工人。
1個讚
我之前試過請保姆姨姨，佢會幫我做埋家務同煮埋晚飯，不過我用咗好短時間，係因為有急事搵唔到人湊至請
最近bb嘅婆婆被診斷腦有事，未知有冇得醫，而我尋日去醫生到聽近期嘅身體檢查報告，我可能生cancer，而家猶豫完約後，辭唔辭職好
1個讚
如果你份工有醫療保險和人壽保險，就唔好辭職
同你case超級似 已經完咗約做ftm 醫咗大半年終於似返個人 身體好返啲先識諗下自己本身份高薪厚職 但又諗如果唔係辭職專心養病 未必好得返
健康都係緊要啲
份醫保要自己補錢至包多少少嘢，冇人壽
不過先生公司最近醫保包埋配偶，同埋自己本身都有份醫保+危疾
我有啲想未完約就遞信，但我老闆小器，如果之後新老闆聯絡佢，實講衰我
FTM其實好辛苦，心好累，建議試下放個大假，試下FTM既生活，感受下再去決定…我生完細仔都抑鬱，開頭有請姐姐幫手，都算康復得快，有繼續返工，但後尾姐姐結婚，我轉左做FTM, 哩幾年湊到人都癲，有時湊到自己坐係度哭，其間有頂唔順出返去做野，但發覺雖然只係幾年時間，我係可以完全唔適應，無論工作，社交，反應，全部都好似好唔掂咁，可能哩幾年太專心湊仔，好似脫咗節咁
2個讚
我試過做幾個月FTM，其中一個月係姐姐返咗家鄉。本身諗咗鴻圖大計，每日三餐食乜，仲定咗時間表每日同阿女做乜、教乜、玩乜，仲要做運動。
我好快發現要達到預期效果而justify 自己做FTM其實好心累，仲會搞到自己冇晒時間。對住個女對得耐，有段時間我想唔跟佢咁多嘢，比自己休息，所以之後跟佢嘅嘢越來越hea, 然後發現自己返工時，會好珍惜放工返嚟陪佢果d時間，效果其實同我做FTM唔差好遠，只係做運動我結果外判咗游泳班，同叫姐姐日日陪佢去公園。
有時諗係好完美，好多嘢真係做落先明。如果做落發現自己捱到，可以繼續，當然最好；如果唔得，只要後路唔好斷都冇乜問題嘅。
9個讚
呢個真，我當初係做野大忙做左一輪FTM，日日跟出跟入帶個仔玩唔同野，對得耐開始無咁有心機，反而以前放咗工真係quality time
不過仲有個女仲細，返翻以前份工啲時間真係唔夠分，如果有份hea 工就最完美啦
2個讚
冇喇….因為我應該唔頂唔順我老公d脾氣
同埋最近有學校收咗bb，所以如無意外我應該會繼續返工
明白離開comfort zone, 由working mum 轉做ftm心理關口好大。會擔心經濟、自己能力應唔應付到。全職媽媽係完全不一樣嘅生活方式，全職媽媽都好忙架，全時間照顧BB、去街市、帶小朋友去公園，做嘅嘢都圍繞住BB，無咩休息時間。
不過帶住阿B周圍去唔多唔少都會識倒同路人，一齊約下gathering，同返工係另一生活。
少少分享，每人都有自己選擇，無話邊樣一定好啲。