尋晚抱住隻狗個時聞到佢口有d臭 平時佢好少可以坐定定等我幫佢刷牙 最好都係一個禮拜一次咁 睇怕唔夠密 想問各位主人有無遇過呢d情況 希望解決到狗仔口臭問題 萬一搞到要睇獸醫就陰功
1個讚
幾歲？平時食咩糧？
如果隻狗願意配合你刷牙就讚佢，餵零食？寵物來來去去都要出動到零食至停話，好在我隻狗狗胃食好聽話
2個讚
可能有蛀牙，蛀牙會臭。
我初時就唔想麻醉佢，搵美容店同佢洗牙，表面清潔咗，但蛀牙仲係度。
最後都要去vet度整。
2個讚
會唔會係你平時餵嘅糧太過濃味?
我以前買過一隻乾糧應該太鹹
就算一個星期刷兩次都覺得有少少口臭
你揀淡味健康啲糧同埋比潔齒水佢用就應該會有改善
4歲 食開RC
我都唔係冇試過架 之不過唔係次次work
我隻狗仔平時的確食乾糧多 間唔中先餵一次濕糧 食曬屋企d存貨之後會儘量買淡味d 我wfh都可以親自煮俾佢食嘅 潔齒水即係好似漱口水咁? 有無用過覺得好用嘅? thx
要去到睇獸醫洗牙就要麻醉, 尤其係細狗會有風險, 所以有時間每日刷牙都得, 因為同人一樣狗狗冇刷乾淨排牙就會有牙石, 唔得嘅就買潔齒骨, 潔齒水幫幫手
4 歲又唔係好大，通常7至10歲就會要洗牙
牙患可以引致好嚴重問題，所以唔好輕視，好多人想用其他方法唔去洗牙因為怕麻醉，但兩者要平衡。牙患嚴重係可以引致內臟被細菌攻擊，唔好掉以輕心
試過幾隻個人認為tropicleaxx最好
你可以當漱口水咁理解嘅
你跟翻instructions加少少落兜水都
狗狗飲水就可以順便飲埋 慢慢就可以清到口臭
當然平時都要刷牙 始終依啲只係輔助
潔齒骨我都訂咗架喇 希望有幫助 因為我唔算領養咗好長時間 所以好多野都摸索緊 thx
Thx 咁幾方便 我都照會勤力d幫佢刷牙
我仲以為差唔多要洗 我上網睇有人話每一兩年就要洗一次添
狗仔唔中意刷牙可以買潔齒骨
我都買左啦 希望會改善到牙齒健康
咁可能要去睇下牙啦
樓上有jm話7-10歲先會帶去洗牙 所以我應該唔會帶去獸醫到睇住先
點會？愈大年紀先愈唔應該洗牙！狗狗洗牙要打麻醉架
我都諗過呢點 狗狗年紀大未必受得到打針 