請問有無人用豐澤窗口式冷氣機，呢排豐澤做緊特價，又有消費券，想換冷氣，請問1匹＆1.5匹嘈嗎？易唔易壞？涷嗎？ 謝謝
有用過，好嘈。真心唔好買
唔易壞，夠凍
我覺得咁既價錢，抵買
窗口機一定嘈架啦，我當係聽音樂囉。我入伙就開始用到而家八年從未壞過。不過機器嘅嘢梗係睇運囉。
1個讚
我喺誠哥旗下啲屋苑住，default用fortress 不過係分體機
成20年都仲好凍喎，係個殼變黃唔靚仔囉，用就用到嘅
利申: 我住過同屋苑幾個單位冷氣都無大問題的
之前房用fortress 3/4窗口機，凍就夠既只係勁嘈，岩岩打左柴。
依家換左pan記3/4變頻窗口機，現貨，好靜夠凍。
上個月買機時好多都無現貨，記得落單前問下有無現貨，個豐澤sales話佢有同事等小涼伴由12月等到3月都未有貨。
我全屋冷氣用pan牌，13年啦！上年瞓覺開嘅時候，半夜出暖風，應該就瓜柴，諗住今年換咗佢，遇著有消費券就換啦！ 嘩，依家pan牌咁貴喎， 唯有縮“筆直”買啲平平地就算， 我大伯做三行佬，佢都話買電器呢啲嘢撞手神，唔好彩嘅話貴嘅牌子過咗1年保養就壞，所以佢同我哋講唔使買咁貴，佢經驗依家啲電器用到5年已經好好啦！
我老公20幾年前都用過豐澤冷氣機，嗰時話係美的個膽，又涷但嘈， 都用咗10年㗎！ 但依家嘅豐澤牌唔知嘈唔嘈， 因為pan牌都算靜，同埋好鬼涷。
以前啲電器係好襟用的，近十年既已經唔得，同意用到5年算係咁