大家對霧眉點睇？
心思思想霧，唔駛成日修眉畫眉方便好多。但又怕唔自然同出黎個型唔係自己想要救唔返。
有時望到朋友整完個效果唔係話特別好睇。
1個讚
我自己幾年前做過飄霧眉
因為我眉毛有疤痕
而且高低眉
其實真係好睇手勢
最好有朋友做過介紹安全D
我幾年前開始霧眉，自然又方便。美容師上色前先用眉筆畫眉，你可以叫佢修改到滿意為止，之後再上色。頭 1-2 星期顏色會深色啲，跟住會自然好多。最新嗰隻叫粉黛眉，條眉唔會結焦甩焦，方便好多
1個讚
我keep住霧眉，不過我平時唔多化妝，條眉都係自然為主，好輕手，keep唔耐，以我自己情況要每年補，如果唔係就要用筆畫下眉尾。
1個讚
你揀手工霧眉既鋪頭啦,比起用機整會自然D
我第一次整眉果陣唔識野是但搵左一間，眉形做得唔好，又痛，到而加都仲有少少唔對稱既底色係度，係好少好少，但又唔算肉酸既。過左2年第二次整搵左另一間，不過不失，仲大膽整埋眼線。再過2年又第三次整，呢次就真係正，整2樣都唔覺痛，補色果陣仲訓著左。
少少心得:
- 坊間太多選擇，要小心揀，唔好信晒佢地po果啲圖，做多啲research。
- 諗定自己眉形想點樣，表達多啲比個技師聽，大家討論下。佢通常有啲專業意見可以講下比你聽，例如你面形襯咩眉形，點既眉形個樣冇咁惡/醒神啲etc.，深色啲淺色啲又點點點，你可以參考但唔一定要聽晒，畢竟你先係每日見到自己既人，最緊要你望得舒服。
- 揀一間用靚麻膏又用得夠狠既，因為個痛感真係差好遠。
2個讚
你覺得你整眼線果間好唔好？
我想整吓
可以dm我嗎？謝謝你
霧咗方便好多，尤其趕時間出門時，不如再畫眉。
如果條眉本身好深色都唔使整
請問可以DM資料給我嗎? THX~
咁又係