最近為左呢個問題 就黎崩潰
我係一位中一學生，對下有兩位細佬
佢地今年五歲 就黎升k3
大嗰個同細佬差唔多，經常投訴，並經常搞細佬，把口永遠唔停
最細嗰個野蠻霸道（工人姐姐寵到變成咁），係工人honey, 超鐘意打人，好老成
佢地兩個鐘意投訴，鐘意打交（直到被人喝止/受傷先會停）
，經常發脾氣，尖叫，搶野，駁嘴
由於我老豆日日要返工，媽媽又唔靠得住
所以爸爸就將屋企大部分ge事務交比我打理(除家務有工人外)
特別係細佬
佢地唔可以被鬧(屋企人: 唔好成日當佢地狗咁吠)
唔可以打(屋企人: 你打死佢地丫)
講又唔聽(屋企人: 咪好似你咁囉)
唔講又唔得(屋企人: 你係哥哥 要教佢地)
所以我其實都唔知應該點管教佢地 
而且最細嗰個因為有工人姐姐寵愛野蠻囂張，被我鬧ge時候工人都會出聲鬧返我轉頭
導致我地關係一向都唔好
然而除左兼顧佢地外，我都有自己ge學業，佢地讀書成績都唔理想，爸爸媽媽都無法教育佢地，工人姐姐又縱容，所以功課等等都經常拜託我
佢地宜家日日係屋企無得返學，加上yt成癮，所以性格變到好似宜家咁差，我有d驚佢地以後都會好似宜家咁
所以小弟想請教一下各位有無管教佢地ge方法 
3個讚
有冇同父母投訴過工人？
工人冇咩身份係你管教細佬時出聲，特別係你只係話佢地而唔係話出手打！
工人都鬧埋啊！幾時到你出聲？
問題係你父母都唔理，你一個12/13歲中一生點理？
你搞掂自己先，老實，你既功課重要過佢哋既好多！同父母反映下，管教細佬唔係你既責任，工人既放縱令情況更差，如果工人繼續咁樣你就放手唔理，完結！
YouTube 方面，睇下可唔可以係WiFi/iPad做手腳！YouTube kids 可以set timer!冇得無限睇！
7個讚
你喺兩個細佬心目中嘅地位係點？佢哋會唔會好崇拜你好聽你講嘢？好鍾意同你玩？
因為其實如果工人姐姐走左無咁方便 幾乎無人湊細佬 所以屋企人都唔敢令佢唔開心 不過佢九月就會走 所以應該會改善
仲有原來可以set timer! 感謝
2個讚
一個中一（明明自己都係小朋友）要上嚟問，父母搞乜鬼呀，我無提議俾到你，我都覺得你做好自己先，唔好放太多責任喺自己身上，加油啦!
10個讚
直接將呢篇文章俾父母睇
管教細囝無理由係大囝責任喔
6個讚
完全唔會 只會挑選唔好ge野黎學 並且經常故意搞我
一定啦，冇工人唔得既
但呢個工人對細佬有壞影響！
Set完timer記得扮無辜「哎呀，點解上唔到既（禁禁禁扮fix)哎呀，真係壞左添」
千祈唔好講你set左，唔好比工人知as well!
1個讚
咁佢其實想你陪佢玩？
試下叫佢自己安靜砌Lego，砌超長超大既車
真係乖乖完成唔發脾氣就陪佢玩
生仔要考牌系列。comment 可以send 比父母睇。
要兩個細佬聽你講、首先你要有「權」係手、例如iPad、電視搖控要揾你拎、佢地想食零食、要揾你攞。
咁佢地先會聽你講。
8個讚
岩呀
所以樓主要做野，首先第1件事同父母傾掂數，同埋同工人分清主僕。佢妹仔大過主人婆你地都仲忍，尊重同忍係2樣野。反正佢都做到9月， 咪忍佢啦
1個讚
樓主父母應該都係未大透、一句「要揾食養大你地三個仲想點。」
衰啲講樓主就算捉細佬手做晒所有功課、上小學寫晒答案比細佬抄、都可能當睇唔到。
管教細路係父母責任，因為返工而將責任外判，都係唔應該、不負責任行為。湊唔掂唔想教，學乜人生仔？
以下非正途手法嚟自我經驗，可以參考下：
我細個有類似情況，我收大果個細佬做手下，成日請佢食嘢同比好處佢，有乜事就一齊排擠細果個
雖然好衰，但細果個為咗埋堆，通常都肯聽我講。
唔比鬧細佬嘅話叫你阿爸阿媽自己教返，工人縱細果個可能因為知佢最得寵，同令到佢親自己就多bargaining power 留低，而且縱佢唔洗煩自己，所以佢唔會改善縱細佬嘅情況。不過佢冇資格鬧你，要嚴肅咁stop佢。再鬧你就祝佢第時個仔同細佬一樣「咁好湊」
4個讚
你只係中一生，你要做嘅就係學識勇於表達自己，
覺得自己處理唔到，就係合適嘅時間say no,
唔好因為本身唔屬於你嘅責任影響自己學業
好欣賞你仲會搵人問搵人幫手，
代表你好有責任心同顧家，加油呀
6個讚
首先你要有權。例如可以set password 俾ipad/電腦，得你先知密碼。加埋timer, 佢地睇夠鐘，就要問你先解到鎖。咁你就有權啦。
然後set規矩。例如做一樣功課可以睇30分鐘，打人/唔食物扣15分鐘之類。
2個讚
其實佢地根本上就係想我被人罵 因為佢地完全無野可以同我玩
咁我認同樓上
要搵啲野，等細佬「羨慕」哥哥
先有bargain point!
加油，記得先處理自己功課
1個讚