早排見很多關於太陽能板嘅廣告彈出嚟. 我都有諗過係咪真係咁著數. 睇返幾間相關嘅太陽能工程公司. 佢哋當然話到佢哋有幾叻. 一般回本都要3年至5年. 睇到報紙有人投訴中間出左問題故障. 負責安裝嘅公司耍太極唔肯跟進. 我問左幾間都係搵比較多口碑嘅去做. 寧願比多小小錢做好佢, 費時貪平, 到時真係盞搞. 我覺得安X都應該唔錯, 我問左幾次都好有耐性答問題, 上嚟度尺嘅師傅都好有禮貌, 佢哋覆左話最快下個禮拜可以幫我搞.
1個讚
我諗應該有用嘅，話晒可以發電，慳電費
廣告？
2個讚
吓？咁快？
我住村屋，業主都想天台搞。佢有親戚都係做呢D行，話問咗好多人排緊隊有排先搞到。
話隨時等1年
所以佢唔搞住，反正佢上個月離開咗香港。幾個月後返嚟再算。
識人有裝呀, 好喎, 唔駛交電費, 曬果排仲有得袋
8掛問下, 袋幾多?
唔係好SURE, 好似聽有幾舊水
1個讚
之前都約咗個sales上嚟傾吓
我唔知佢係蠢定sale得差啦
我計過成件事係唔會賺 得啲工程公司會賺
大概係：
你首先要俾大舊錢出嚟裝
然後佢賣咗你啲電 咁你就個個月有錢袋番
但長遠計就要好耐先回到本
仲未計塊太陽能板嘅耗損維修
如果真係為環保 其實係幾好嘅 為錢就不了
2個讚
你個sales咁老實嘅?
無二十年都唔好諗回本
為環保就ok
你住村屋先可以做，你睇吓附近有冇街坊裝咗，
了解一下佢幾錢安裝，每期收返幾多錢，
想清楚才做，
佢介紹你，佢有著數。
佢懶醒咁講之後每個月會回番幾多
我當場拎張紙喺佢面前計
佢都即刻收皮 仲要未計維修呢
所以成日都覺得呢啲叫你賣電嘅都好鬼
佢就食誠實豆沙包
你又咁清醒
重有佢回返電費既每度電係十幾二十年不變 