想問下有準媽媽在法國醫院產檢嗎？
上網找資料都數年前想看看有沒有最新價錢同埋想知係咪仲係等咁耐⋯（因為據說少佐人生仔）
心大心細又想平啲產檢， 又怕要等很久
我19年去法國產檢同生仔，首先真係要等，特別醫生去左接生，因為我搵某註院醫生接生，所以，無辦法，就算約上晝，醫生巡埋房最快都要12點後先睇到症，我果陣就坐下同去九龍城周圍行。
係呀 都聽過要等好耐。都想知依家仲係唔係。你個時平均要等幾耐？
諗住如果係私家生都諗住係法國，咁係度做埋產檢完整啲又平啲⋯唔知依家咩環境
係呢，你係跟邊個醫生呀？ 大概每次產檢咩價錢？
我果陣番半日工，就下晝坐車去產檢。好彩就半個鐘，如果醫生去左接生，至少等2個鐘。
果陣我搵佢地註院既男醫生姓游，產檢果陣5xx, 而家應該加左價。
我喺去年11月左右搵過游醫生，產檢已經加到680左右，仲要等2hr…… 因為除咗睇booking客，仲要插吓walk-in客，又要去接生……所以睇咗一次就決定搵出面唔洗點等嘅醫生
咁六百幾又確實好似出面唔係名星醫生的差不多又唔係好值等咁耐⋯
但朋友推薦俾我嘅醫生都好貴 仲心大心細緊約邊度第一次產檢
我再爬下文有冇啲其他醫生可以經濟實惠啲先⋯
五百幾度產檢
2020年12月 順產兼無痛 六萬幾
我生個陣，有三個大肚婆生，得一個助產士同老公係身邊，游醫生接生
可惜，生完子宮痛，有組織係子宮到，兩星期後，白車入公立醫院做刮宮手術
生仔啲家野都因人而異，好彩個子宮重係到
我朋友係公院生都有
我以為私院會少啲case….
我都應該會法國醫院生…
但諗緊… 係邊產檢, 你搵到合心水未?
如果我真係私家生都會去法國醫院
但要真係好多人話第一次去等足一日
唔想老公陪我等
所以爬佐一輪文之後我book佐個佐敦的黃醫生試一試先。做產檢啱啱姑娘話$500-900 產檢費，同埋見佢都接係法國醫院順產。
如果好的再update
希望一切順利
係呀，其實好多醫生都會喺法國掛單，唔一定要搵駐院醫生。我上胎搵游醫生開刀感覺幾好，法國醫院嘅感覺都唔錯，但真係等得耐….不過見佢產檢平所以冇轉，今次見佢加價到差唔多$700，依家搵果個都係$800但唔洗等
咁你依家搵邊個醫生？
係咪都係會去法國生？
其實我本身係啲朋友介個個都千二以上嚇親
產檢都十次八次 乘埋條數都好金架嘛⋯
係預產期係幾時丫?
我自己計就十二月頭
要等產檢再確認
我都係丫等產檢再確認, 你week, 我今日岩岩Week5 , 諗住Week 8 先去check.
Week 5 我都係。但我心急book 佐week 7 產檢la. 硬係好多野好擔心早少少睇下好啲。
一有佐就係度瘋狂爬文
我睇緊陳樹武，不過佢新客只接開刀，我傾向今胎都係法國生呀！
我都未搵定睇邊個所以未book 丫…
同埋W8一定睇到… 唔洗到時W7睇唔到又要諗一個星期…我都瘋狂爬文中… 因為我係高齡 
所以你係第2胎?? 第1胎係未開刀丫???
未係好識用baby discuss
係咪就咁用回覆主題好啲 
定回覆帖…
我都同你一樣case 
黎緊呢年都可以交流下
不過我好多朋友都話七WK OK GA LA
我實在太擔心宮外… (因為朋友試過就覺好驚…)
7week好似係marginal 宮外都未到最worst, 又睇到心跳的時間