我發現我同老公都幾慳家，好多嘢都用好耐 
例如尋晚睇返舊相，先發現而家的被袋同床單都已經超過十年，
不過Muji的都幾襟用，用咗咁耐感覺都唔殘舊，仲係好舒服；
著緊嘅衫都不少有五年，有條好舒服嘅短褲我驚覺已經著咗二十年！！點解佢未爛？！
杯盤碗碟都有十年歷史。
比較痴線嘅係我老公好鍾情佢張卡通被，話好有感情，
超過十五年又甩線又剩都唔捨得掉 
換得最快嘅應該係鞋，
因為我地通常著嚟著去都係嗰兩三對，
一年左右就殘，要換～
4個讚
我諗起老公嘅嫲嫲，佢隨手向屋企拎起啲嘢，都話幾廿年歷史
最深刻印象，廚房有隻不鏽鋼大湯羹，嫲嫲話係想當年向船廠做嘢，個師傅親手打出嚟嘅
嫲嫲向船廠做嘢果時得十幾廿歲，即係隻湯羹有成6-70年歷史，到而家我都仲用緊，相信第時會傳比我個女，應該可以用過百年
11個讚
我有條little twins star 既珊瑚被，由做囡用到呢家變2孩之母，10+年都仲晚晚用緊。
舊年買左條珊瑚被比老公，先發覺我呢條被唔可以叫做舒服，但都仲係有感情地用緊。
2個讚
屋企個抽氣扇20幾年拉，
我未出世都已經用緊。
1個讚
梳，我同老公結婚十三載都未換過。亦無意欲去換。
屋企個凍水壺都係用左13年，最近膠邊老化才無奈換，雪櫃裡面裝冰水果個依然未爛。
屋企95％碗碟都係結婚前買入，結婚呢13年只打爛過兩隻碗、一隻杯，需要更換
仲有浴室用品，都係用左10幾年
PS 我搬過兩次屋，啲嘢就一路跟住我搬
1個讚
大家咁樣講一講，
覺得其實都幾浪漫，
除咗襟唔襟用，
其實好多留得耐嘅物件，
都伴隨住好多回憶，
同埋總有一啲原因先會留住佢地咁耐 
好勁啊！ 
我諗起以前嫲嫲屋企個電視木櫃，係做木工師傅嘅姑丈親手做，
隻「躺」門係百頁、會轉彎，手工好靚，
真係用幾十年都唔爛！
嗰時姑丈係好proud of，佢嗰個年代嘅好師傅，
做嘅傢俱係講求靚料、靚手工，可以用一世。
3個讚
我女個沖涼盤
係我細個用過的，留到依家俾女用返
指甲鉗，
依家剪腳甲仲剪到「拍拍聲」響，好鬼鋒利
以前日本制產品閒閒地20 年 ， 擲都唔爛
我都係，個指甲鉗用左應該有30年。
仲有飲水嘅水樽用左18年
我隻飯碗， 冬天被， 菜刀一啲小擺設， 用咗21年
朋友送嘅生日禮物， 鎖匙扣， 18年
最耐嘅， 冬天保暖必備， 脂肪， 一世
4個讚
屋企有個奶奶既嫁妝木箱,佢好似都唔係第一手,可能已經有幾十年歷史
2個讚
係咪紅A紅色的?
咁勁！！！咁你屋企都好大，可以留咁耐
估唔到指甲鉗原來咁襟用
老婆算唔算? 已經用咗10幾年
朋友送嘅公司贈品，一件風褸，著咗差唔多20年，但係完全睇唔出。
潛水保暖衫， 著咗30年, 雖然已經唔再保暖,但係仍然可以保護，
音響，30年以上。
仲有睡衣，件件10年以上，越嚼越舒服。
相反近十年買嗰啲嘢，好多只可以用幾年。
2個讚
我奶奶比左D 牛油刀我地，佢話係佢個親戚幾廿年前到英國開餐館時買既，後來結束餐館，就帶左D 刀返香港比左我奶奶用。而家我奶奶又比我地帶番英國用，循環超過半個世紀。
2個讚
德國製fashy暖水袋，用廿幾年都唔爛
1個讚
近年啲嘢真係愈嚟愈唔襟（咁講即刻覺得自己好老 ）
U記啲衫，著一季已經wear晒，搞唔掂…
呢d 咪就係fast fashion