你就好啦，可以兩公婆去旅行
我老公唔放心個女比人湊過夜，staycation 1晚都要帶埋個女，去旅行更加冇可能掉低個女比屋企人湊
所以我預咗以後唔會有二人世界架啦
2個讚
理論上係可以去嘅，但我哋會心掛掛，去得唔安樂，然後一路玩，又會諗：小朋友一定會鐘意食/玩/睇呢樣嘢，如果小朋友喺度就好啦
2個讚
計返女性生理時鐘，和現實考量的話，30歲左右生第一胎，35歲前生第二胎最好。
咁就可以畢業後衝幾年事業，過吓自由嘅日子，先走入家庭，又唔使做高齡產婦。
同另一半相處都需要時間磨合，做人老婆老公都未學識，就馬上做埋爸媽，唔係人人可以咁易handle到。
同埋要時間去觀察自己/對方係咪合適做父母。
2個讚
諗就一定會，所以都買好多小朋友野。
不過，佢哋又無我想像中咁掛住我哋，打返屋企都係掛住自己玩
。
我掉轉，個仔K2開始只肯跟父母瞓，唔跟四大長老，兩公婆無法再二人世界去旅行或staycation 
如果大學畢業，要建立事業，過左30歲先生第一胎比較好，做到3年抱兩，一次過搞掂哂就perfect 。太細過生，自己心智都未成熟，未必咁有技巧和人生經驗教小朋友。
4個讚
係，到時儲左筆錢，想做ftm又容易d 。之前做左10年嘢有工作經驗，出番黎揾工亦冇咁難。
3個讚
非常同意，同性格比較大關係，唔使太局限話28定30定35歲生，有時唔係話有就有，到你等到個年紀又等唔到，識嘅人當中，20頭結婚生左果啲，經濟麻麻，生活教育都麻麻，有啲30至35生果啲生活都唔錯，有啲生到42,43,一樣健康有力氣周圍玩，而且生活同教育質素做得好好，每人配合返自己經濟能力同緣份啦，有時唔係話越後生生越好，有好多三十幾先生反而同生活配合得好好
2個讚
之前同班中同都有討論過呢個話題。
有啲一讀完大學就結婚，30歲前都抱2/3個。
多數都係近30或過30歲先生第一胎。大家都羨慕對方
2個讚
呢個真，早生既又羨慕未生既有自由，遲生既又覺得早生早甩身
1個讚
絕對係
我仲會羨慕埋未婚同未生/唔生嘅朋友添！lol
我自己就28生第一個，32生第二個，已經叫係同圈子嘅朋友/同學/同事早生嘅一批。當年事業上升期，我都唔理咁多選擇生B先，想趁有氣有力同佢地玩多D！
本來都想生第三個，但諗下諗下，年時已高，明明都甩咗一半身，個女都中學就當然係得個諗字 。
其實呢個年齡組合，我就覺得剛剛好，因為隨住年齡增長，體力明顯下降。 
我就羨慕2個或以上仔女嘅朋友，覺得有兄弟姊妹好幸福。
我第一個29歲生，第二個32歲，timing對我自己嚟講好好，工作過玩過覺得心態夠成熟就組織家庭
期望兩個仔女再大啲時可以讀返書或搵工返，開始人生另一階段
1個讚
係呀
我未生bb前，成日去旅行，差唔多1個月會飛1次，有小朋友嘅fd都羨慕我可以隨時去玩
但我自己冇小朋友果時，見到人哋一家幾口，啲小朋友又好得意，就會羨慕返佢哋
1個讚
以前都覺得30歲左右生第一個，33左右生第二個最好，結完婚享受過二人世界，又有咁上下經濟基礎，生完新陳代謝都未算好差，不過而家發覺唔係自己計劃好或者想就可以⋯只要同另一半準備好，個BB揀我哋做父母，已經可以
1個讚
我發現好多人都有計劃埋幾時生第2個
仲以為而家好多都係打算生1個就收肚
我幾個中同都係30歲生第一胎，我以為佢地生一個就算啦，點知今年有幾個都生第二個～
有個朋友係因為生第一胎太辛苦，所以話儲咗幾年勇氣先陀第二胎 
22歲大學畢業，事業衝刺10年，期間儲多d彈藥
如果可以就32歲生第一胎，35生第二胎
最理想係小朋友仲細嗰時就做parttime可以多啲時間陪佢哋，等佢哋大個d就出嚟全職工作
如果太後生生小朋友，事業都未有基礎，未必有得咁樣選擇
何況太細個，自己同老公應該都仲係小朋友