［基於沒有疫情及政治環境壓力下討論］
我自己覺得30歲最好
讀完書出嚟做番幾年嘢，儲少少錢，儲多啲人生經驗
可以同老公/男朋友享受一排2人世界先
香港人都長壽，30歲身體機能唔會好差，生完1個身體都可以好快回復
就算30歲生1個，到小朋友入大學，我都係48歲，到時就回復自由身，仲有力氣同老公周圍去玩
5個讚
如果生1個，30歲都口，如果生兩個以上，應該要早多幾年。
我就係30歲生大仔，3年後生細女。體力上真心差好遠……陪玩方面真係有心無力啦⋯⋯
21-22 歲grad , 出來工作5 年、27 歲到生、個仔大學畢業才4字尾、50 退休、完美 哈哈
4個讚
我係27歲生第1個30歲第2個。hahhahaa
我快可以甩難架喇
4個讚
如果要生兩個的話，第一個26歲生，第二個28或者29歲生就差不多了
1個讚
我都覺得30歲，第二個小朋友最好35歲前
1個讚
見到啲朋友30尾已經甩難，真係有啲羨慕
我30尾先啱啱開始
我28歲生第1個，原本諗住生多1個嘅，不過而家咁嘅環境唔生lu。
我覺得我呢個年紀生都適合嘅。
如一胎就三十歲前
如想生兩胎 我覺得32 33前
過左35 體力都差啲
當個小朋友10, 你都係40咁上下,去學校見家長都無咁老
見到有啲人40先生第一胎 有少少辛苦
1個讚
我都係同你差唔多時間生bb，不過點為之甩難，我自己覺得初中後都算甩甩地，反正到時都理唔到咁多嚕
30 歲前生第一個，想生第二個就要 35 前。
grad 25-30 呢幾年按道理係工作穩定同埋身體機能仍然好好，有氣有力挨夜都仲 OK。仔女 12-13 歲可以唔洗帶佢出街夾住佢溫書。18 歲中學畢業嗰陣都未 50 歲，可以靚靚咁一齊影畢業相然後仲畀其他家長讚你後生 到大學畢業嗰陣都未 60 歲，如果仔女生醒搵到份好工，唔洗做到 65，60 都可以退休，仲有氣有力去旅行上山下海。
而且早啲生，小朋友有殘疾問題嘅機率細好多好多…
加上如果 40 歲先生，等到仔女出身嗰陣你都已經差唔多退休年紀。如果佢讀書唔夠叻要額外讀多 1-2 年供書教學，咁真係要做到 65 甚至超越 65。加上 40 歲之後真係冇乜心機湊小朋友同陪玩，好多嘢你都唔想煩。如果已經有個大嘅，咁仲可以陪下玩，獨生嘅話小朋友有啲慘。
我自己經歷就係咁，我 90 後但父母佢地 50 後，冇乜心機陪玩又冇乜耐性。以前見到啲小朋友 8-9 歲都仲可以畀阿媽阿爸抱同騎膊馬，我有時候行得耐腳軟想扭抱都唔得，去公園玩佢地都只係坐埋一二邊。我睇住其他同輩可以同阿爸阿媽打機去主題公園玩，打邊爐食韓燒，一家去旅行可以去啲試新嘢而唔係老人團，staycation，真係超級羨慕。可惜父母完全唔接受呢啲。佢地唔食辣要清淡要有飯到肚，所以出街食飯係冇得去日韓餐廳，一來貴 (“食左落肚都一樣做乜食咁貴”) 二來唔啱佢地胃口。以前小學放暑假旅行佢地唔會揀啲一家大細嘅親子玩樂團，佢地覺得旅行係要見識睇古蹟了解歷史，但細嗰陣鬼識得欣賞，悶到抽筋又冇得玩當然會發脾氣，結果就得我次次去親旅行都完全唔期待又次次都喊住過幾日。其他同輩以前一家去台灣有得去動物園整番梘摘水果去小人國主題樂園，住啲酒店好靚早晚餐都豐富，我就去參拜寺廟睇博物館去日月潭，酒店個早餐係好普通嘅蒸饅頭蒸蛋嗰啲…依家識欣賞，但童年過左去就冇。
3個讚
如果可以揀的話，我想25歲生第一個，27歲生第二個，30歲前生第3個，希望50歲可以湊孫，重有氣有力
如果以健康嚟講，當然係25歲生第一胎最好
復原都快啲，又有精力陪佢哋四周圍玩
記得懷孕時比醫生話BB頸皮厚
拎咗個唐氏表俾我睇
一到35 唐BB嘅機會勁高
當時我係30頭，未係最高危但已經比2x嘅又高危咗
果下真係明白原來有仔真係要趁嫩生
唔關年紀事，有啲父母年紀大啲都可以好update試新嘢，同心態有關，我父母70佢哋同孫，我仔女0,4歲，去親子好去處仲積極過我
4個讚
我24歲碩士畢業，做幾年野考牌，28歲結婚，生第一個29歲，生第二個34歲，體力同精神上都ok, 當然成日諗再早啲生會好啲。我生第二個有壬辰糖尿，過左三十其實已經算高齡產婦。
22歲畢業，25歲結婚，28 歲生，美好
2個讚
我老公就係你父母果類人，但佢只係40頭，所以我仔成日唔想跟佢出街，次次都發脾氣…
好彩仲有我呢個將近40嘅阿媽陪仔去癲，一齊去露營踩單車，過返啲有青春氣息嘅生活～
2個讚
唔排除有人活到老玩到老，我應該係其中一個
但人大左去到某個年紀就開始玩夠，或者身體唔玩得。陪唔到玩過山車陪唔到跑步。以前羨慕啲朋友阿爸阿媽有氣力玩手臂韆鞦同玩運動，但我父母 5X 歲玩唔到呢啲，抱一抱已經話手痛冇力，食韓燒打邊爐呢啲又脾胃唔適應。後生嘅父母起碼呢啲都可以做到。加上 5X 歲更年期，你知啦更年期唔會有心思氣力去陪玩去衝。
我同自己講遲過 35 歲就唔好生，一來咁遲生會元氣大傷要好耐調養亦冇氣力湊，二來心態會容易唔同，容易同唔到仔女思想接軌。
1個讚
我25歲結婚，26歲第一胎，28歲第二胎。
覺得時間岩岩好。
30歲之前生身體比較好。
我後生時無特別規劃… 我係33歲時生個女… 個女已成人, 我諗返轉頭, 我可能都會係番30歲初去生, 因為人生經驗好, 有經濟基礎, 佢出身我都唔太老… 仲返緊工, 做自己鐘意做嘅嘢…
2個讚