畢業後做HR ，做咗一排發現唔太鐘意呢行，由其請人，感覺好多野控制唔到，請完on broad 先 withdraw offer，一係經理要求多多，又急人用不斷催但見咗8 9個又話唔啱，無限輪迴…做得好吃力….
身邊同事一係中咗，一係就辭職，未請補位，好多野要幫埋手….真係好想衝動辭職轉行試其他，但依加疫情唔敢輕舉妄動，send CV岀去冇回音…呢幾個月好忐忑，日日瞓得唔好…真的很辛苦啊！
建議唔好咁上心，因為呢d都係你控制唔到既事
如果你有個好上司or peer, 應該可以share 到d tips 比你對付出面d人， 無就自己搵方法幫自己
3個讚
其實好多公司最近都有呢個問題
頂硬上啦!
之前都有個名店做sales 既網友響度開post
又係好多客黎但唔夠人番工
搞到workload 好大
西客又多云云
有無心水想轉邊行?
之前有同上司傾過下，但最後佢只係話啲經理呀，岀面啲人係咁，冇辦法嫁，慢慢再請…完全冇視我…
唉，好吃力不從心，自問好比機心去見人，人地一個唔該88就從頭黎過。小薯仔既我真係好無奈
1個讚
其實都明白既，呢個時刻個個都係…不過可能對自己本身工作已有點吃力，加加埋埋…
下份工其實想轉去做marketing / event management 既general support或者大學入面文職，但知道自己得hr admin經驗，機會唔多，有學下ps ai 果啲，遲下岀去學下英文（因為個底麻麻地），睇下下半年會唔會有機會
依加會試下撐硬上先，謝謝你
1個讚
好明白
其實我都係唔多忍得既人黎
哈
份份工做左一年左右我就會開始覺得份工有不滿既地方 
支持你
你學PS AI 果d 好正路呀
同時可以繼續日日捕住jobsdb send 下CV
加油 
2個讚
有時真係無計，請左唔啱用無得話轉人就轉，大家都想揾個fit 既
event / pr 而家好多公司都做唔住丫
marketing 可能仲要做 sales 為主, 跑數果d 你ok嗎？
我都有同感
過咗蜜月期啲人啲事就見真章
有時候啲不滿積積埋埋個離心開始有。所以如果真係可以揾到一份自己有少許興趣係自己心水既工，可能可以勝過一切
謝謝你，我會比心機，有時想親依加岀黎做野冇耐想試下唔同野，但好多時要衡量幾時跳岀去，畢竟唔想個cv 花
1個讚
明呀，有得簡當然想睇多幾個，但有時個pool返黎真係真係得果8 9個，唔啱真係唯有等，急唔黎，偏偏經理們又好心急
怪不得呢倫冇咩回音，如果有埋跑數果啲我自己性格唔太啱了，唯有再等下
1個讚
其實每個行業, 工種, 甚至每間公司都有難同唔難, 好同唔好嘅地方, 所以如果你有興趣, 相對會無咁辛苦, 唔係就覺得拉牛上樹
你講嘅情況每間公司都會有, back to basics, 點解見咁多個都覺得唔啱? 真係唔啱? 重新define 佢地嘅需要, 咩經驗, skills 係must have, 咩係nice to have. 如果真係咁等人用, 佢地都要現實啲, 唔可以只等100分candidate 出現, 而家個市大部分情況係人揀公司, 唔係公司揀人. 另外, manager 要明白, HR 係 “協助” 搵candidate, 初步篩選, 但之後決定適唔適合, 甚至黎唔黎, 有好多因素, HR 唔係包生仔. 以上呢啲邏輯道理, 你要技巧地讓佢地明白, 如果你覺得超過你職級, 咁就叫你上司搞掂佢
你想轉邊行都好, 如果唔係本身有經驗, 預左重頭黎過. 但偏偏香港大部分HR 都中意challenge 人發掘自己興趣, 所以建議都係多少少把握先轉. 心儀咩行業, 不妨向已經做緊嘅人係問下實際係點, 你自己係咪真係ok
2個讚
所以你又唔駛太大壓力，.有人見工佢睇唔啱唔係你問題
其實line mgr比既壓力可以無視，佢地一定大大聲周圍講hr 比唔到人，從而比其他人知道佢地唔可以如期起貨／project meet 唔到target 係因為hr比唔到人而唔關佢地事。你要明白佢地講野背後既目的，hr 只係擋箭用，睇穿了你就只會冷笑唔上心。
thats y 你上司好似hae你，實情上hr真係無咩野可以做，因為個vacancy 真係未fill in.而你就唔使咁上心了，因為有機會係個line mgr根本唔想fill in 個位而作出tiu難，或有其他原因令個位好難fill, 通通都唔關你事。
當你見多d工，就會見到出面大公司做hr recruitment 都係hae hae 地，見你有眼耳口鼻唔騎尼就pass 比line mgr做2nd in, 流水作業。
所以有時唔好咁認真，但你仍然繼續做就要專業地扮工落去。自己調節下。
3個讚
HR都有唔同stream，你會唔會對training/ career coaching 個邊有多d 興趣？至少付出同收穫會成正比d
依個世界好多野都無meaning，如果你工作係為左搵意義，咁你一定要早d 計劃自己既career path
1個讚
仲有，你可以望下你上司，你想唔想5年後10年後似佢同做佢個位？
唔想既你更加要諗下點鋪路
用cef 進修先，之後再轉path 都可以
2個讚
之前有個post，按要求去揾人，當中有幾個in 完覺得幾好，但每次2nd in 經理話唔啱，有追問理由，但回答有時好虛，例如話條件ok呀但個feel好似唔啱之類既野，有再追問但對方唔係好講到要點，就話想睇多幾個先。可能自己仲係好junior ，成日好似get 唔到對方想點咁，所以吃吃地力
謝謝你長文回覆我呀，其實有心理準備如果轉行會由0開始，但想襯後生去試下，唔得既再返轉頭，不過想做既行業身邊冇咩人做緊，唯有上網睇下人既介紹或者再去forum 問下人
係呀….雖然manager冇周圍講，但當佢地催或者開會比呀姐問果時就有壓力，明明有付出，但真係唔成正比，咁耐未請到人好正常都係hr 受把先，所以有時做到好灰，聽完你講好好調整下。如果真係唔得就唔勉強了。
其實都係，我見身邊同事都係咁做，佢地好輕鬆，就算無限輪迴佢地冇咩野咁，所以有時候佢地不解我點解咁
我明解，因為佢地已經做到化，而你仲有心想close左個opening ，否則都唔會拎上黎呻啦。
襯仲有心，不妨諗一諗有無咩自己能力範圍以內既地方可以再做好d. 例如問下上司或自己team同事呢個line mgr口味係咩，可以既話去8下呢個mgr 條team d 人其實呢個vacancy 係咩一回事，邊類candidate 會比較fit. 如果mgr 講到咁vague, 佢身邊人可能睇得清d。呢d 都係份job ad以外重要既請人條件，咁自己又掌握幾多先。
而講到mgr 捽人，其實好簡單，不妨做返個stat 睇下呢個vacancy 上你花左既effort vs 一般簡單正常case ge effort, 就可以對比到佢個position多花你幾多時間。分分鐘大返佢轉頭，以後直接fw cv 比line mgr 自己見左先，佢岩啦先搵你補見hr.
岩岩再望返仲有呢段
as 1 粒fresh fresh 小薯呢個時間要頂咁多野，好坦白講d人都唔預你會做得好，但求無過，只要唔奶野就算。
其實咁樣睇係一個學習機會，可以試下其他同事做緊既野，加深你對條team ge 認識。如果借住呢個機會見識完覺得d job 好19，先再搵工都未遲。但如果純粹覺得好難做未搵到方法做好，咁其實出面份份工都有難處，咁樣走又似乎逃避緊。倒不如諗下點解決問題先。