以下對於我自己，我係一個只有中學畢業，
所以只可以返以下嘅工作，
文職太悶人工低；
美容行業返過兩間頭半個月training，已經放棄，感覺好似經常換新人，如果你唔係好進取好難突出；
飲食行業，好熟手就算升咗職做主任人工都係低；
Sales 跑數睇好唔好彩經常遇到啲客都係試完一對衫混吉
係咪一定要進修？但係如果進修都要有文憑讀起，副學士、大學，成條路好長，有咩職業可以再試下？好似未搵到啱自己。
其實你如果係讀書材料, 一早就讀到上去啦…
女仔想搵到錢, 美容其實都算易好多架啦
1個讚
在你角度，點樣先“唔係”人工低？
任何工作，新人一定人工低，例如你講嘅飲食業，我有親人做呢行（中學都未畢業），而家十幾年經驗，升到做經理（管理自己分店），3萬蚊一個月，14個月糧，大假一年14日。
3萬蚊當然唔係人工好高，但如果以呢個學歷嚟講，我覺得算唔錯，公司又包食，有車費津貼，基本上返工唔洗用錢，仲可以儲唔少錢。
4個讚
再講下我另1個朋友，中五畢業，佢之前做美容業，佢都成日同我講跑數跑得好辛苦嘅，但都搵3萬幾一個月，係因為生b後做ftm所以辭職。
但佢都真係話跑數係辛苦嘅，日日比呀頭追追追。
1個讚
做過呢行就知，其實時間過得快，但係長期做腰酸背痛，經常拎重嘢，真係捱壞個身體
進修條路長，諗下自己人生仲有漫漫長路
再思考下值唔值得進修
要搵一份真係有興趣既工確實唔容易
你提出既行業你全部都做過嗎？就咁睇你似乎最介意人工
好多美容, 做幾年自己開間舖仔…睇黎收入都好似OK丫…
知道跑數好辛苦，仲要人事鬥爭，決定咗開始就冇得放棄，即係你做到呢行就預咗有呢啲問題，如果面對到呢啲問題，口才又叻跑到數，搵最少幾萬蚊都唔係問題
係，我都試過pt返呢行，果時間舖係好旺嘅，時間真係過得好快。
全部都做過，好似唔係我類型，有興趣做接待，但人工我覺得小12k倒，仲要請親我嗰啲都係要過海，車錢來回都60一日，食野相對又貴咗，因為我住元朗，咁樣等同我喺元朗返份一萬蚊嘅工例如樓面/企小店舖頭，但冇乜前途，知道會慢慢升職但係好似學唔到啲咩咁
有時想試吓學下美甲、扎肚，但係最怕自己學完三分鐘熱度。。。如浪費大半年去，點知得個吉，又少咗搵錢機會，好迷惘
你幾歲左右？年輕係有本錢去試。
畢業後出咗嚟做嘢第二年。。。
好似為做而做 ，適應咗呢份工又好難搵到自己興趣。
咁你有冇咩興趣？
有時人係要行d冤枉路先搵到自己最想做嘅工作。
你想做啲乜嘢工？ 你睇重邊方面？ 自己有興趣嘅？ 人工？性質？ 時間？
咁後生 唔試多啲 年紀大左 負擔又大 仲難去試唔同野
你都係廿頭 要搵錢大把時間 使咩咁急？
你學歷較低就要接受搵到工既起薪低呢個事實
咩都要捱架
2個讚
唔係咁多人喜歡摸人面做facial
樓主
其實天下間無一份工係唔辛苦(體力上)/唔悶/唔花長時間(工作時間/搭車)就搵到錢
不如你排下你接受到以上邊樣野多d
響香港
好現實好多公司都係員工做左好耐先會考慮升職
往往係儲夠經驗值再自己出去搵高一個職級既工作比較快升到
如果未知自己想往邊一行發展
個人覺得唔好亂咁進修先
畢竟係要時間要錢而你亦明白可能係三分鐘熱度
你好多行都試過
個人覺得可以試既仲有……
- 地產/ 保險經紀 → 都係要跑數既行業, 但係多d 機會同客吹水唔知算唔算無做文職咁悶?
- 學下d software, 好似photoshop 等執圖軟件, 有d 公司請打雜文員又需要少少額外技能, 無齋做paper work 咁悶?
- 物業管理 → 你話想做接待員, 好多商場都請, 而且有時又有得坐下, 你可以兼職做下先拎下個感覺, 搭車避唔到, 但食幾錢飯應該有得自己調節? 如果公司容許既就帶飯啦
3個讚
咁係唔同既
做元朗既樓面
根據你所講
“長期做腰酸背痛，經常拎重嘢，真係捱壞個身體”
做份過海既接待員
似乎少d 體力勞動無呢個問題?
你所講既人工低
有無比較過兩份工時薪呢?
另外交通開支果度
- 可以用九巴月票
- 政府有交通津貼, 一個月搭車開支貴過400蚊已經有d 補貼
1個讚
我同frd ，master學歷，一樣唔知想做乜。
我覺得睇你有幾想要錢，好想要錢就會自然努力搵門路賺錢～
調整心態好緊要。
（但賺錢又唔一定要靠“工作”……好真心講，有d人炒股仲搵得多）
追求舒服？滿足感？錢？ 又唔一樣。
但諗太多唔行動，又會企咗喺度。
10年過去～
有人做waiter好敬業樂業
有人做高級公務員日日想死
有人搵有錢老公～
各有際遇
唔知講乜，求鬧～
1個讚