阿女呢一兩個月便秘得好勁
已經食緊益生菌、火龍果、西梅
有時佢肚痛想屙又屙唔出就會勁喊，睇完佢都辛苦，迫於無奈都要用甘油幫佢，就會屙到一舊拳頭咁大嘅屎
有咩方法可以解決佢便秘問題 
過來人 
我個女曾痾到爆肛
一路換片一齊喊 
試過益生菌/西梅汁但效果一般&不斷尾
最後每日一至兩次lactulose+足夠湯水/水份 比較成功
現已不需lactulose
同埋覺得佢心情都有關
雖然只係BB, 但佢返學日子(nursey)唔知係咪緊張/學校環境有壓力(?)就會差D
放假就好暢通
有兒科資深護士同事分享過佢個仔BB時期咩都試過都搞唔掂, 最後食中藥搞掂, 但太細個我唔敢試
乳果糖係自己去藥房買定醫生開？
我個女都屙到屎眼紅哂，佢應該係屙爆左眼，一屙屎就痛，所以忍，變成一個惡性循環咁
中醫我都唔敢試呀
醫生開的, 但相信自己都買到
如果試, 記得留意份量
穩陣D就當然請教醫生 
係啊, 真係惡性循環 
見到好肉赤
不過唔洗灰心
細路仔其實好有韌性, 適應力強
好快好 
我仔岩岩開始加固冇耐都便秘，隔3/4日先有得屙。
睇咗醫生，醫生話因爲佢屙到肛門紅曬痛，所以就會忍屎，唔夠膽屙，咁希望清洗咗佢哩個唔開心嘅記憶。
所以醫生開咗一個月嘅益生菌同乳果糖，頭三日開咗甘油條，因為想佢頭幾日屙清啲宿便，然後希望每日都有便便屙。
咁唔係話靠益生菌同乳果糖就可以話日日都屙到，首先都要睇下因爲乜而搞到有便秘，減少肉類，飲多啲水。
加油啊，趁佢細個搞好個便秘，如果唔係再大個仲煩
我諗我都要帶佢睇睇醫生，希望用甘油同乳果糖會有效啦。佢依家真係好驚屙屎，換片幫佢搽凡士林喺眼到佢都勁驚
試埋麒麟果同乳酪
加埋早晚幫佢搓肚仔
大女細個唔飲水，好難去到poo
每次肚痛到佢大喊，我同爸爸2個輪流抱佢安撫足半個鐘先屙到，超硬的一粒
嗰時阿b7日都無“吾 ”，睇西醫就話用甘油泵，然後再book政府中醫門診睇， 沖藥粉俾阿b飲 （甜甜哋bb肯飲）， 再加上甘油泵， 雙管齊下。 每次同佢泵都反抗得好緊要㗎， 但為咗佢唔好谷到煩躁不安， 我同老公真係好狠心夾實佢，動作仲要快，pat眼同個泵咀都要塗凡士林，唔係就會整損bb。我哋嗰時隔日就同佢泵， 泵咗成個月， 等佢條腸活躍返， “吾吾”定時2日1次就停手唔泵，因為驚倚賴咗甘油泵，但中藥繼續食， 都食咗半年。
呢啲係持久戰嚟， 要耐性去打仗。 努力呀！
可以試下蒸蘋果，我囡囡一便秘我就蒸比佢食，食完會易有d去便便。得閒既日日比佢食。
請問係唔係要去皮蒸去芯蒸？
係吖
大概要蒸幾耐，或者個蘋果要蒸到哂程度就可以？
謝謝解答
想問你囡囡有冇飲牛奶?
我仔又係18個月左右一直都有便秘問題, 排便困難之餘仲試過便便有血,
試過睇醫生, 開過藥膏俾佢搽, 第一個醫生建議唔好食太高纖維嘅蔬菜, e.g. 西蘭花、南瓜
咁我地照跟啦, 但情況冇改善。
後尾我地轉醫生, 呢個醫生劈頭已經問, 小朋友係咪有飲開牛奶,
有啲小朋友係對牛奶敏感導致便秘,
而且佢D便便一直都係咁硬, 個眼仔一定會繼續損而流血。
佢嗰陣開左D乳果糖俾BB, 要佢食足一星期, 等佢變返爛便便, 屙得冇咁辛苦, 等個眼仔傷口癒合。
另外唔好再飲牛奶, 奶粉都唔需要食3號, 可以食返2號。
我跟呢個醫生咁講, 而家仔仔日日都靚便便, 冇再排便困難,
日日有得去, 最多都係隔日。
所以你帶囡囡去睇下醫生啦~ 希望幫到你
P.S. 因為我仔仔好肯飲水, 又鍾意食菜, 每日都食生果
我地都R爆頭唔知點解佢會便秘。
原來係因為牛奶敏感。
我飲緊3號奶粉，早幾日買左第二隻牌子，睇下轉奶粉會唔會好d
蒸到淋左就ok.我用飯煲蒸大約半個鐘。
最後帶左bb睇醫生
開左乳果糖食一個月同甘油
希望令bb d屎變軟同唔再驚屙屎 
多謝大家嘅建議 