我覺得好大問題，佢覺得完全無問題；
我緊張小朋友教育，佢緊張名利錢途；
睇新聞我嬲到爆炸，佢無動於衷；
我覺得香港已經唔住得人，佢覺得只要做個順民就無問題。
我每日都好糾結，唔知走唔走好。
走，我怕佢唔開心。
唔走，我覺得好辛苦。
有冇人同我一樣？
4個讚
香港真係仲有錢途???
兩年前好似你咁樣，先生唔想走，我堅持要走，最後用時間慢慢說服左佢，佢都開始接受了，要用時間去令佢接受改變。
4個讚
仲有好多人咁諗架
一樣 
好快香港冇晒競爭力，港豬都會動搖
3個讚
同之前個po情況好似。可能以後每個月都會見到大家輪流出po…
1個讚
港豬，都要睇下佢係咪收成期，近收成期，就依然諗住自己搵到幾多就幾多，對身邊嘅野，可以當無事，但求有 
1個讚
而家仲有幾多？
就當係外國杯葛香港 (藍紅: 外國係唔抵得大國掘起)，事實上又真係會咁
唔好理乜嘢原因先 (咁樣港豬明唔明)
問自己，香港真係變成中國其中一個城市
香港人點自處？
生活水準應該開始跌架啦
收成期一定有樓有投資，樓仲係唔係咁值錢先？
嚟多一次97後咁，就一樣GG
保金融體系都唔會保普通人資產
呢個主要家庭因素，呢個難d
大環境仲可以理性分析
2年幾啦⋯ 食飯行街做facial打波去公園呢d正常生活嘅事全部都做唔到，眼見其他地方陸續回復以前嘅生活模式，香港仲未見到盡頭
4個讚
佢覺得有㗎，佢話始終未來趨勢都係要依靠強國，大灣區商機處處，去到外國就冇機會嘞
哈哈哈
唔知點解好多人仲咁諗
話香港其實仲幾好
3個讚
咁你先生最後係真心願意走的嗎？
我老公都比當初態度軟化咗嘅，我一開始提出移民時佢直頭起晒槓咁，宜家已經好咗喇，肯傾呢個話題，不過佢就肯定唔會真心想去，傾親呢個話題佢都唔多高興，唉
其實一早已經唔多
我自己覺得、因為樓價Keep住升幅、好多人因為有層樓「賺左錢」、所以有啲人有錯覺呢刻經濟唔係差。
但背後成個社會都有犧牲、好似有啲本身會創業嘅人、會因為要「上左車先」、「要供樓」去做一份人工高穩定嘅工、有人為左排公屋、情況做十年低級公務員….變左好多人、未畢業、第一樣野係諗、點樣可以最快上車先……
1個讚
你老公同我老公可以做好朋友喎
我已經放棄叫佢移民，依家係諗住小朋友大啲，就送佢哋去外國讀書（佢同意）
冇錯，都算係收成期喇，所以佢覺得香港好好，冇乜問題，哈哈哈
1個讚
佢對香港樓市好有信心，之前仲諗過買多層，我哋就好似活喺平行時空咁……
加埋我嗰個呀～ 