請問有冇婦產科醫生介紹？想私家生，最好九龍新界醫院接生，未諗掂會開刀定順產，唔該晒大家。
鄭昆瑜, 尖沙咀, 好好, 不過都唔容易book. 本來心儀搵佢接可惜佢唔去港島醫院
1個讚
我果時順產係搵孫錫鴻醫生，佢診所喺尖沙咀同石門。
施聰珀醫生，真係好好
荃灣港安 王宗傑 very good
呢個傳聞話係亡國搵打手谷大自己人氣, 實際一般(好壞參半啦)
1個讚
我睇過，fd介紹，但唔岩我，感覺佢成日嚇我，話個仔乜又乜（轉另一個醫生即話冇事）講埋d野都係呀媽係女人既野
個助產士shelley仲痴線，俾份低升醣餐單我，叫我要減醣，痴哂線，一望，錯漏百出！本來係低升醣既寫去高升醣，食物分類又錯！我糾正佢，佢話佢先岩！仲懶有學識問我有冇聽過減醣電飯煲？我話冇根據減到醣！
我唔忿氣上糖尿協會check，佢張表真係錯！仲要俾我發現佢求其上網copy，就扮到好pro！
咩老闆請咩員工，孫錫鴻？不了！
咁我好好彩喎，我係好彩有搵佢接生，否則我覺得我冇可能咁快生得出。
可能而家轉左d姑娘掛，我果時已經係6年前嘅事，果時淨係得尖沙咀，姑娘都好好人。
呢個真係無得頂
鄭昆瑜
一定係佢 不作他選
上胎搵林慧筠醫生開刀，今胎都係搵返佢
林醫生唔係好出名，但同我幾夾
佢係女嘅後生醫生，爽快唔長氣，次次產檢都會傾吓閒計，因為我第二胎已經冇咁緊張又冇乜嘢問
診所唔會好多人，唔會等超過15分鐘見醫生，佢診所個姑娘都好有禮貌
因為唔出名，所以接生價錢唔貴，上胎寶血開刀有package 5萬埋單，今胎浸會生預計7萬