想請問有冇人知如果本身係香港人但有台灣藉，
會唔會影響BNO visa申請？
我同兩個小朋友有台灣藉，老公冇。
Plan緊過2-3年後去英國。
唔知關唔關事，英國無承認台灣主權，咁所以台灣護照佢地應該都唔會理？
而且英國畀雙重國籍，咁應該都冇問題？
2個讚
有無影響都好，申請咗先。
呢啲案例唔多，無咩代表性。
填表時會叫你申報
1個讚
我有朋友攞左台灣居留權，佢申請到bno visa
1個讚
我有朋友有澳洲護照, 但跟老公用 BNO VISA去英國, 申請等候時間比一般BNO 耐, 不過最後都成功左
1個讚
請問佢用咗幾耐時間呀？
申請bno visa?
係呀 bno visa
申報即是講真話，有就要填
佢過年後申請，上星期佢話批左
1個讚
好似有條問題係問permanent residence喺邊，如果仲有香港身分證，咁都係香港永久性居民，咁應該無問題
1個讚
有朋友兩公婆係美國藉，話想用BNO visa 移居英國
2大2細家庭：
1大- bno & 加籍
1大- bno only
1細- 加籍,大過18歲,仍然係學生
1細- 加籍,細過18歲
請問申請bno visa, 有冇人有經驗點申請順利D？
- 1大+2細 (加籍）& 1大 (冇加籍）
- 1大(冇加籍）+2細（加籍） & 1大 （加籍）
- 1大（加籍） + 3 dependants
- 1大(冇加籍）+ 3 dependants
- 1大(加籍） + 1細 & 1大 & 1細(等10月獨立申請）
- 1大(冇加籍） + 1細 & 1大 & 1細(等10月獨立申請）
想一齊批,網上仲未搵到答案!
點解諗得咁複雜？你個case係我見過最容易批嘅case，個個有BNO，點樣申請都會批架啦。加藉有影響架咩？
好多家庭得一個人有BNO，都好快申請到。你唔洗驚啦。
獨立申請係最快批嘅。你可以1大 ＋1細（細個18歲），然後其餘兩個獨立申請。文件可以寫少啲咁囉。
但其實用其他方法都分別不大，最後你都係等齊咁多人批曬先出發。
點解咁執著一齊批？遲咗批咪等齊一家人先出發囉。網上申請無期限架。一齊申請，批嘅時間大機會接近啲，你咪全家人一齊申請就得。
唔好未批就book機票酒店就得
1個讚
原來打錯,2細冇bno
咁人人都無架啦，唔洗擔心喎。
咪同我一樣，一個細depend on一個大，全家一齊申請
2個讚
多謝你回覆!
2 個大人有 BNO, 建議用 1 or 2 方法申請。千祈唔好用 3 or 4, HO 查 dependant 時間長啲，有機會令申請跌入黑洞。
我同老公都有 BNO, 2 個小朋友未夠 18 歲。我獨立申請，係另一半填老公資料。2 個小朋友跟老公申請，另一半填我資料，最後 3 星期全家一齊批。
之前申請過一次，老公做主申請人，我同 2 個小朋友做 dependant, 跌咗入黑洞，幾個月都唔批，最後我哋 withdraw 再申請過就好快批。結論係有 BNO 一定要做申請人，千祈唔好做 dependant，會入黑洞。
2個讚
多謝你,知道點申請了!
可唔可以分享吓，點解有加藉都寧願去英國，唔去加拿大？