仲有三個月就攪珠，有私小backup心態算不上緊張但都想做足準備
有冇呢兩年叩過門嘅家長分享吓普通津小疫情下嘅叩門安排？
會係拍片形式多定係以portfolio 去揀多？（名津小嗰啲唔考慮
都知爭唔到）
睇以前未有疫情時都係做卷多，唔知疫情下會唔會安排到校考試做卷？如果有做卷會係咩程度？小一上學期夠嗎？
如可抽時間分享，感激不盡
未叩過，睇開名小叩門分享，中英數卷要識做（即係要識睇題目做paper），程度要預小一level. 岩岩上年仲係有面對面interview 同做卷，唔覺有zoom見。
拆開即係中文要讀到一篇短文，識重組句子，口頭延續故事
英文讀到ort level 9, 普通小學預level 6 吧，識phonics
數學就20內加減
家長諗定見到校長要點sell, 小朋友見校長既禮貌，對答要準備好。校長都係問大路野，可預先準備。但如果你已有私小offer, 呢d應該都難唔到。
最緊要，如果有心儀小學就盡8叩門要做咩，因為有d唔使interview, 有d唔使portfolio, 咁就可以慳時間。
樓主想叩邊間? 睇下有無叩過
非常感謝分享
如果你真係想操一操，建議買d升小一or even 小一上學期既補充練習做，如果間學校係英小，有d subject 就唔好做中文，例如maths
利申，唔鼓吹操練，但叩門就要 prep好
get the feel jie, 我覺得識睇同識解題目重要d
叩唔到聖彼得就去隔離 12、14、16 叩，盡量唔留係中西區，除非你升中打算移民。
想問點解盡量唔留係中西區？
中西區清一色官津齋校，Band 1 得 KC 、聖若瑟同高主教，聖若瑟同高主教已經有自己小學部街外位一定少，KC 有官校聯繫又少啲學位，加埋 100 個街外學位都冇，就算係加埋聯繫位都唔夠。斷估中西區唔止 100 個 Band 1 仔掛？
由於中學都係傳統名校，自行一定有好多跨區菁英爭住入，地區官津好容易被比下去，尤其唔係一線嘅學校。一線學校好多都 train 面試 train 演講 train 自信，但好多次少少嘅學校學生一用英文問啲簡單問題就嚇傻左乜都唔識講。入到聖彼得就都還可以，其他學校唔係差但家長要落多兩倍功力自己 train。
加上中西區多男女校，女仔小學時期讀書會有優勢啲，比較坐得定同埋有兩科語言大科，仔得一科數去爆唔夠爆，難爭呈分排名，所以可以離場中西區就快啲，否則升中填表嗰陣，乙一 KC 然後乙二就唔知搏唔搏嗰幾個聖若瑟高主教位，再填乙三就望住嗰 3-4 個 QC 位，都唔知點樣填好。
2個讚
以前叩聖彼得要做卷，近年疫情下安排就唔知。
11區仔可以考慮般官，有聯繫官位去英皇。
般官抽入機率仲低過升中抽中 KC。自行年年超收而且冇宗教，想用下 20 分搏入都難，得 2X 個抽獎位仲要男女一齊爭。
聯繫 KC 11 個位同李陞一齊爭，叫做真係機會大啲。般官自己個網頁都唔敢登幾多人入 KC。據家長消息，年年都係大概 10 個英皇 out of 39 個男仔，大約 15 個左右入到 Band 1，女仔 17 人 16 個派 Band 1。好明顯見到真係中西區男仔吃虧。
有單料家長入讀前要知，幾年前般官換校長同大批換新老師，家長苦訴話亂到七彩換好多新老師搞到家長要自己再教過。
公平講句，如果家長係投入教仔超越學校課程咁呢個真係唔多有問題。
1個讚
聖彼得龍頭大家都覺得當之無誤，佢 20-21 79 人入讀 Band 1 out of 123，即係 64%，呢個係已經佢最好嘅成績，可能移民潮幫助好大。薄尼都係區內大熱，20-21 年 34/89 （38%），咁般官有得聯繫就應該係佢兩者之間，預佢 40%-45%，正常偏好水平。
可以睇下兩校男女校入讀情況
聖彼得男女：27:39
薄尼男女：11:19
女仔明顯好好多。男仔就算係穩打穩紮嘅 Band 1 只要自行同直資考唔到，咁就要跌入無情嘅抽獎。女仔有 SC 做後盾非常開心。
1個讚
恭喜你,請問可唔可以教下.點樣扣得成功?
我朋友而家都煩緊，有無方法
要一直同小朋友練習，起碼禮貌坐定定